Festlandkejtische Sprochn

Festlandkejtische Sprochn san de kejtischn Sprochn, wo af'm eiropäischn Festland gredt woan san. In da Sprochwissnschoft vawendt ma aa an Begriff kontinentoikejtische Sprochn. Olle festlandkejtischn Sprochn san scho ausgstorm.

De festlandkejtischtn Sprochn, wo zua Zeid bekonnt san, san olle nua in meah oda wenga umfongreichn Fragmentn iwaliefat. De Nama fia de Sprochn san Kunstnama aus da Neizeid.

• Gallisch in Frankreich, Obaitalien, da Schweiz, und meglichaweis aa in Sidwestdeitschland
• Galatisch in da westlichn Tiakei
• Lepontisch in Obaitalien
• Kejtiberisch af da iberischn Hoibinsl
• Norisch in Östareich

Mid houcha Woahscheinlichkeit hod's um de Zeidnwende in Eiropa no meah kejtische Sprochn gem.

Bretonisch is koa festlandkejtische Sproch, weis so im 4. Joarhundad duach Emigrantn aus Sidbritannien noch NoadFrankreich brocht worn is.