Kumbrisch

Der Artikl is im Dialekt Obaboarisch gschriem worn.

Kumbrisch is a kejtische Sproch, wo in am Großtei vo Cumbria, am nerdlichn Northumbria und dena schottischn Central Lowlands bis etwa ins 11. Joarhundat eini gred won is. Obwoi si Spurn vom Kumbrischn voa oim in Ortsnom dahoidn hom, is de Sproch ausgstorm.

Kumbrisch
Gredd in	Cumbria (heit Northumberland, County Durham und Central Lowlands, Großbritannien)
Sprecha	(ausgstorm)
Linguistische Klassifikation	Indogermanisch Kejtische Sprochn Inslkejtische Sprochn Britannische Sprochn Kumbrisch
Sprochcodes
ISO 639-1:	–
ISO 639-2:	cel (sonstige Kejtische Sprochn)
ISO 639-3:	xcb

Es gibt kaam Quejn, wo a genaue Bestimmung vo da Vawandtschoft zum Kymrischn zualossn dadat. Bis ins friahe 20. Joarhundat san Relikte vom kumbrischn Zoinsystm vawendd worn, wann Hirtn iare Schof zejt hom. Dabei san fia de Zoin vo 1 bis 20 verballhornte Formen vo de kumbrischn Zoin vawendt woan (Yan Tan Tethera). In da foigenden Tabejn san de kumbrischn Zoin und de kymrischn Entsprechunga fia de Zoin vo 1 bis 10 zan Vagleich afgfiat:

Zoi	Kumbrisch	Kymrisch
1	yan	un
2	tan	dau
3	tethera	tri
4	methera	pedwar
5	pimp	pump
6	sethera	chwech
7	lethera	saith
8	hivera	wyth
9	dovera	nau
10	dick	deg

Nebm dena Zoin san nur a poae Rechtstermini dahoidn.

Literatua

• Kenneth H. Jackson: Language and History in Early Britain. Edinburgh: Edinburgh University Press 1953
• Alan G. James: A Cumbric Diaspora?. In: O. J. Padel and D. Parsons (eds.) (Hrsg.): A Commodity of Good Names:essays in honour of Margaret Gelling, S. 187–203, Stamford: Shaun Tyas 2008, ISBN 978-1900289-900
• John T. Koch: Celtic Culture: A Historical Encyclopedia. ABC-CLIO 2006
• Richard Oram: The Lordship of Galloway. Edinburgh: John Donald 2000, ISBN 0-85976-541-5
• Phythian-Adams, Charles: Land of the Cumbrians. Aldershot: Scolar Press 1996, ISBN 1-85928-327-6
• Russell, Paul: An Introduction to the Celtic Languages. London: Longman 1995, ISBN 0-582-10082-8
• Schmidt, Karl Horst: Insular Celtic: P and Q Celtic. In: M. J. Ball and J. Fife (ed.) (Hrsg.): The Celtic Languages, S. 64–98, London: Routledge 1993, ISBN 0-415-01035-7

Im Netz

• Cumbric Revival Community Network (englisch)