Finnisches Broud (dt.: finnisches Brot) is a Sammebegriff fia olle tippischn Broudsoatn vo Finnland.

Finnisches Broud (a Auswoi): ganz obm - Limppu und Ruisreikäleipä, unten - Reissumies (links) und Hapankorppu.

Broud hod in Finnland a lange und wichtige Tradizion. Es wead fost zua jeda Speis Broud gessn.

Auswoi Werkeln

  • Limppu, speziejs Koanbroud (vagleichboa midn Bauanbroud in Bayern und Östareich)
  • Reikäleipä, Lochbroud; aus Koanmejh Ruisreikäleipä
  • Kalakukko, in Koanbroud vaschteggda Fiisch (hoid si 6 Wocha)
  • Howanbroud, Howan (Kaura) is in Finnland as wichtigste Droad: Kaurasämpylä (Howansemmen), Kaurapala (Howanflochbroud) usw.
  • Rieska, Fladnbroud - moast aus Geaschtn
    • Perunarieska, Eadäpferieska
    • Ohrarieska, Geaschtnrieska
    • Ruisrieska, Koanrieska (moast ohne Geaschtn)
    • Maitorieska, Millirieska (wias Geaschtnrieska nua mid Milli stod mit Budanmilli oda Gschdegglda)
  • Ruispala und Reissumies, zwoa recht beliabte, modeane Broudmakkn fia a flochs, runds Koanbroud
  • Eadäpfebroud, bsundas fluffich und softich
  • Näkkileipä, Käckebroud (weis bein Essn "knackt") - is schtaubdrockn und hoit ewig
  • Korppu, Zwieboch; Sokerikorppu, siaßa Zwieboch
  • Vesirinkeli, Woazngringal aus Geamdoag, bekannt ois Beigl, Bejgl (engl./dt. Bagel) - jiddische Spezialitet aus Poin
  • Pulla, siaßas Broud, Siaßgebeck