Flötzinger Bräu
| Der Artikl is im Dialekt Obaboarisch gschriem worn. |
Flötzinger Bräu is a Briwadbrauarei im obaboarischn Rosnheim im Freistaat Bayern. De Brauarei is 1543 grindt woarn und is de oanzige Briwadbrauarei im Raum Rosenheim. Heid is sie im Besitz vo da Familie Steegmüller.
| Flötzinger Brauerei Franz Steegmüller KG | |
|---|---|
| Rechtsfoam | Kommanditgesellschaft |
| Grindung | 1543 |
| Siitz |  Rosnheim
|
| Loatung | Familie Steegmüller |
| Branchn | Brauarei |
| Hoamseitn | www.floetzinger-braeu.de |
Leid, de wo des Bia gean dringan, song a blos liabevoi 'Franz' oda 'Flöhz' dazua, wenns a Hoibe dringa woin.
Auf'm Rosnheimer Herbstfesd bedreibd de Brauerei auf da Lorettowiesn as grouße Flötzinger Festzelt mid am Plotz fir uma 8.500 Leid. Es gejd ois des gräßte frei aufbaubore Festzejd Europas. Da Bier-Ausstoß liegt pro Joar bei 100.000 Hektolita.
Biare
WerkelnDe Brauerei braut foigende Biare: Flötzinger Hell, Oidboarischs Hefewoazn, Oidboarischs Hefewoazn Dunge, 1543er Weißbier naturtriab, Flötzinger Export Dunge, Flötzinger Franz Steegmüller (Hells Export), Flötzinger Pils, Flötzinger Cool Pils, Flötzinger Märzn, Flötzinger Heller Boog, Flötzinger leichte Weißn (alkohoi reduzierd), Flötzinger Leichts Hells (alkohoi reduziert), Flötzinger Alkohoifrei, 1543 Russn (Biermischgetränk aus Weißbier und am Grachal), Wiesn Radler (Biermischgetränk aus Bier und am Grachal), Cool Lemon (Biermischdrangl aus Hellem und am Grachal).
Driba naus braut de Brauerei a no as Bierbichler Weißbier ei, wo s Rezept noch da Aufgabe vo da Bierbichler Weißbierbrauerei Rosenheim erworm hod. Es werd aber heid no in de Bierbichler Flaschen und Dragerl vertrim.
Zuasätzlich zu de obm gnannten Sortn wern im Laufe vom Joar no a bar saisonale Spezialitäten eibraut:
Josefi Bock (Dunkla Bock, dea wo oiwai zua Stoakbierzeid oboten werd), Mai Bock (im Mai hoid nochad), Wiesn Märzen (Märzenbier, a grod fias Rosenheimer Herbstfest am End vom August/Anfang vom September), Weihnachtsbier (Exportbier zur Weihnachtszeit), Weihnachtsbock (Heller Bock zur Weihnachtszeit).
Wossa und Kracherl
WerkelnDe Flötzinger Brauerei produziat a de foigendn Wossa und Kracherl:
Mineralwossa, Zitronenlimonad, Orangenlimonad, Cola Mix, American Cola, Apfelschorle, Diät Zitronenlimonad, Diät Orangenlimonad, Diät Grapefruitlimonad.