Gänsanduaf

Gänsanduaf (aumtlich: Gänserndorf) is a Stod im Moachföd mit 12.012 Einwohnan (Stand 1. Jenna 2023) und de Beziakshauptstod vom gleichnaumign Beziak, dea wos da grässte in Niedaöstareich is.

Gänsanduaf Gänserndorf
Wobben	Ésterreich-Korten
	Gänsanduaf (Österreich)
Basisdaten
Stoot:	Ésterreich
Bundeslånd:	Niederösterreich
Pólitischer Bezirk:	Gänserndorf
Kfz-Kénnzaachen:	GF
Flechen:	30,57 km²
Koordinaten:	48° 20′ N, 16° 43′ O48.34055555555616.7175168
Heechen:	168 m ü. A.
Eihwóner:	12.012 (1. Jen. 2023)
Bevökarungsdichten:	393 Eihw. pró km²
Póstlaatzoi:	2230
Vurwoi:	02282
Gmaandkénnziffer:	3 08 17
Adress voh da Gmaand­vawoitung:	Gmaandvawoitung voh Gänsanduaf GänserndorfRathausplatz 1 2230 Gänsanduaf Gänserndorf
Nétzseiten:	www.gaenserndorf.at
Politik
Bürgermeister	René Lobner (ÖVP)
Das Rathaus von Gänserndorf
Quelle: Gmaanddaten bei da Statistik Austria

Kiachn vo Gänsanduaf

Gänsanduaf is in da letzn Zeit zua Schui- und Einkaufsstod wuan. Es hat oba aa a kuiturös Zentrum kriagt. Seit 2004 is de Stod a bei da Aktion „Stodeaneiarung“ vom Land Niadaestareich dabei.

Geografie

Gänsanduaf is 20 km obahoib vo Wean im Moarchföd. Mit Wean is duach de B8 und duach de Noadbauhn vabundn.

Nochbagmeindn

Schönkirchen-Reyersdorf	Prottes
Strasshof		Weikendorf
Markgrafneusiedl	Obersiebenbrunn

Gschicht

1115 steht da Urt des easchte Moi in ana Urkund mit dem Naumen "Genstribendorf". Do stehn de Grenz vom Pfoarbezirk drin. Da Naum "Genstribindorf" is woascheinlich, weus da im Mittloita vü Gansln ghobt han.

Zwischa en 12. und 18. Jhdt. woa da Naum "Großgänserndorf". Dann woas "Unter-Gänserndorf" (Ober-Gänserndorf woa ba Korneuburg). Am 21.3.1904 woas daun a Beziakshauptort und hot "Gänserndorf" ghassn.

1838 is es Gänsanduaf aun de Nordbaun aungschlossn wurdn, dees wos zu an Aufschwung gfiat hod. 1853 is da Gmeinde s Moaktrecht valiehn wuan. Seit 1959 is Gänsanduaf a Stod.

1972 is in Gänsanduaf da Safaripark mit an Haufn Wüdviechan eaeffnet wuan. Dees woa a große Attraktion. Do hod ma mitn Auto duachfoan kena und hod Löwn, Giraffn und aundare Wüdviecha im Frein (ohne Gitta davua) vom Auto aus beobochtn kena. 2004 is da Safaripark zweng Konkurs gschlossn wuan.

Kunst und Kuitua

A bekaunte Kuituavaaunstoitung is de Sommerszene. Dees is a Summavaaunstoitung, de wos iwa an Monat dauat und jeweus aun de Wochnend vo Juni bis August, vua oim mit Musikdoabietungen, duachgiat wiad.

Bevökarung

Einwohaentwicklung

In da Popreg-Datenbank san fias Joa 2016 11.021, fia 2009 9902 Einwohna eamittlt wuan. Nochn Eagebnis vo da Voikszöhlung 2001 hods 7928 Eihwohna gem.

Religion

De greßte Gmoinschoft is de Remisch-katholische Kiachn mit 69,1% vo de Leit. Da Islam hod 3,6% (deafat inzwischn owa weit mea sei). De Evangeln hom 3,3% und de Orthodoxn 1,4%. 20,1% san net glaibig.

Politik

Da Buagamasta vo da Stod is da René Lobner (ÖVP) und de Vizebuagamastarin is de Margot Linke (GREANE).

Im Stodgmeinderot gibts ba insgsamt 37 Sitzn noch da Gmeinderotswoi vom 25. Jänn 2015 foigende Mandatsvateulung: ÖVP 14, SPÖ 14, GREANE 4, FPÖ 4, Freie Bürgerliste Gänserndorf 1.

Galerie

• 
  Rathaus
• 
  Kiachnplotz
• 
  Bahnstrossn, Einkaufsstrossn
• 
  Gänsanduaf um 1873
• 
  Piefke-Denkmal za Ehrn vom Johann Gottfried Piefke