A Ibazeigung is a Glaum und a Meinung mit am hohn Grod an subjektiva Gwissheit und subjektiva Festlegung. Typischaweis bstehna Ibazeigunga iba an Sachvahoit, weil ma eahm ibaprüft hot ("se vo ana Sach ibazeing"), weil ma de Aussong vo andane Menschn doriba fest vatraut oda weil ea langfriste Eafohrunga entspricht. Ibazeigung is vom Wissn zu untascheidn, do beim Wissn voarausgsetzt werd, dass da jeweilige Inhoit noch objektivn Maßstäb woah is. In dea Philosophie is dea Begriff vo da Ibazeigung heife im Kontext vo da Akenntnistheorie ozumtreffa, vo ollm in dea Diskussion um den Begriff vom Wissn. "Ibazeigung" und "Glaubn", dei olle zwoa im Gengsotz zum Wissn stengan, san do oftmois ned deitle obgrenzt.

Woatbedeitung und Obgrenzunga Werkeln

De Woatbedeitung vo Ibazeigung gliedat se in de Lesoatn: (1) Zuastand vom Ibazeigt-Sei, (2) Inhoit, vo dem ma ibazeigt is, (3) die Aktivität, andana vo etwos zum ibazeing. Traditionöj werd Ibazeigung (Lesoat 1) beschriem ois "feste Gwissheit, des Duachdrungasei vo da Guitigkeit vo am Uateil, ... stoaka Glaubn." Ibazeigung werd aa ois a Zuastand beschriem, in dem Zweife zumindast subjektiv koa Roin spuit. Zweife und Unsichaheit san stottdessn eha domit vaeinboa, dass ma etwos "nua glaabt". De Gwissheit vo da Ibazeigung aißat se dobei ois a spezifisches Gfui (ned in dea rein sachlichn Beziffarung vo ana Woahrscheinlekeit). Ibazeigunga, de aaf Begrindunga beruahn, keannan aba imma no duach neie Akenntnisse "aschüttat" und dann revidiert wern. Dessöjbe guit aa dann no, wenn's se bei Ibazeigunga um langfristige Hoitunga und Weatvoastellunga handlt. Weatvoastellunga, de goa koana Ibaprüfung und Revision meah zuagängle san und de Oat vo am Charaktazug onemma, keannan genaua ois Gsinnung bezeichnat wern. Es wead jedo aa doraaf vawiesn, dass Ibazeigunga imma no in vaschiedane Grod voalieng keannan, dass ma in ana Ibazeigung imma no meah oda weniga gwies sei ko. Des trfft se an dea Stöj mit dem Begriff vom Glaum ("etwos zum glaam" im Sinn vo ana Onohm), dea zwoa Unsichaheit zualasst, aba andaraseits aa vo am gwissn Moß an Rechtfeatigung bedarf. In vui deitschsprochign philosophischn Texte ascheint "Ibazeigung" ois praktisch austauschboa mit dem "wos ma glaabt", beides wead vawendt um den englischn Terminus "belief" zum ibasetzn. Fia Weidas schau den Artikl Glaum.

Jemondn ibazeing Werkeln

Ibazeing is a kommunikativs Handln, bei dem dea Sprechande de freiwillige Zuastimmung vo seim Partna zu am Infoamations- und Identifikationsogebot ahoit. Des konn duach rhetorische und dialektische Mittl (Persuasion) gscheng, indem beispuisweis Beweise bzw. Argumente doglegt wern oda Tatsachn gschaffn wern. Ibazeigungstransfea im Vakauf vo ana Ware oda ana Meinung konn in da Regl nua glinga, wenn dea Sprechande de Ibasicht iba sei Thema und de Aussogn bhoit und dea Kaifa Glaum und Vatraun in den Veakaifa entwicklt, dass dea ehrle infoamiert. Dozua ghean aba aa Glaum und Vatraun vom Vakaifa in den Kaifa, dass dea guade Grind fia sei Position hot. Seit Aristoteles wern Rhetorik und Dialektik im Sinn vo ana ibazeigandn Kommunikation gleaht. Sie san wichtige Methodn beim Meinungstransfea und da Vakaufstechnik. Rhetorik is de Kunst vom ibazeigandn (monologischn) Sprecha, Dialektik is de Kunst vo da (dialogischn) Gsprächsfiahrung.