Isen

Basisdotn
Bundesland:	Bayern
Regiarungsbeziak:	Obabayern
Landkroas:	Landkroas Arrdeng
Hechn:	519 m ü. NHN
Flächn:	43,78 km2
Eihwohna:	5746 (31. Dez. 2015)
Bevökarungsdichtn:	131 Einwohner je km2
Postleitzoi:	84424
Voawoi:	08083
Autokennzeichn:	ED
Gmoaschlissl:	09 1 77 123
Address vo da; Moaktvawoitung:	Münchner Str. 12; 84424 Isen
Webseitn:	www.isen.de
Buagamoasta:	Siegfried Fischer (FW)
Log vom Moakt Isen im Landkroas Arrdeng
	Karte

Fia andane Bedeitunga schau: Isen (Begriffsklearung).

Isen is a Moakt im obaboarischn Landkroas Arrdeng und liegt im Doi vo da Isn (Fluss) rund 40 km estli vo da Landeshaptstod Minga. Es is de sidlichste und mid 5746 Leit (Stond 31.12.2015) sechstgräßte Gmoa im Landkroas Arrdeng.

Geografie

Zentrum vo Isen aus neadlicha Richtung gseng

Da Moakt Isen liegt uma 20 km sidestli vo da Kroasstod Ading, 11 km sidwestli vo Dorfa, 26 km noadwestli vo Wossaburg am Inn und 18 km neadli vo Ebersberg. Zum Flughafn Minga sans 34 km.

Zu ihra ghean de Ortschaftn Berging, Burgroa, Liachtnweg, Mittboch, Bemmering, Rosenberg, Schnaupping und Westach.

Gschicht

Kupferstich vom Michael Wening in Topographia Bavariae um 1700

De easchte urkundliche Erwähnung is erfolgt im Joar 747. De easchte Kiacha in Isen is 752 beurkunt. Da Klosta Isen zoit zu de ädasten Klosta auf altboarischm Bon. Im Joar 1434 hod Isen de Marktrechte verliehn griagd. Seidm Middloida gheard da Markt zu de späda zum Hochstift Freising ghernden Herrschaft Burgroa. Seid dem Reichsdeputationshauptschluss vo 1803 ghead da Oad zu Bayern. Isen is im Zug vo da Verwoidungsrefoam in Bayern 1818 a selbständige polidische Gmoa woan. 1971 ham se de Gmoan Westach, Schnaupping und Isen zua Marktgmoa Isen zamma do. 1972 kimmt Isen durch de Gebietsrefoam vo dem aufgelästen Landkroas Wossaburg zum Landkroas Ading. 1978 is de Gmoa Mittboch eigmoad woan.

Ab 27. Septemba 1900 hod Isen iba de Bahnstreck Thann-Matzboch–Hoog Anschluss an des Eisenbahnnetz g'habt. Da Personenvakea is jedoch am 28. Septemba 1968, da Giadavakea noch und noch bis zum 1. Dezemba 1991 eigestaid und de Streck abbaud woan. Aba jetz werd woi grod a Radlweg draus.

Politik

Gmmoarod

Im Gmoarod is freilich de CSU und dann a no de Frei'n Wähler, de SPD, d'Mittboch-Listn und de Neie Biagalistn.

Buagamoasta

Buagamoasta is da Fischer Sigi vo de Frei'n Wähler.

Woppn und Flagge

Des Wappen vom Markt Isen is 1548 vo Kaisa Karl V. valiehn woan und nach da Gmoagebietsrefoam am 8. Feba 1984 bstätigt woan: „In Blau a rod ozonge, goidn krende Meajungfrau, de wo mit de Hend de zwoa Fischschwänz hochhoid.“

Neba dem Wappen fiad da Markt a Flaggn mit de Farben Rod-Gaib-Rod.

Stodpatnaschaften

Ernstbrunn in Niadaestreich

Andas Zeig

Da Markt Isen zeichned se a duach a ausgeprägts Vereinslem und duach a übaregional bekannde Bloskapejn aus.

Im Netz

Commons: Isen – Sammlung vo Buidl, Videos und Audiodateien

Städt und Gmoandn im Landkreis Arrdeng