Krasnaja Poljana (russ. Красная Поляна) is a Gebiagsdorf (vawoitungstechnisch a Siedlung städischn Typs) in da Region Krasnodar, Russlond. Si hod 3972 Einwohna (Stond: 2009).

Siedlung städtischn Typs
Krasnaja Poljana
Красная Поляна
OKATO-Code fehlt oder falsch
Siehe dazu Dokumentation der Infobox.Vorlage:Infobox Ort in Russland/Wartung/OKATO_Fehler

Geographie Werkeln

Krasnaja Poljana liegg eppa sibzg Kilometa östlich vo da Schworzmeastod Sotschi auf a Heachnd vo eppa 600 m im Toi da Msymta. Da Ort is umgem vo Beang vom Kaukasus, dee Heachndn vo iwa 3.000 Meta arreichn und a toalweis vagletschat san.

Tourismus und Sport Werkeln

 
Toistation vo oana vo de Schilift

Im Summa is Krasnaja Poljana a Wonda- und Tourngebiet mit oipinen Charakta. Da Ort liegg a inmittn vo am Natuaschutzpark mit a Flächnd vo 400.000 Hektar. As Gebiet um Sotschi und Krasnaja Poljana söwa wead a oft di russische Schweiz ghoassn, weils londschoftlich mit'n schweizarischn Kanton Tessin vagleichbor is.

In di nagstn Joar wead griag Krasnaja Poljana an groaßn Bekonntheitsgrod, weil do fi di Olympischn Wintaspüü 2014 in Sotschi so ziemlich olle Schneebewerb stottfindn. A Toal vo di Schibewerb findt im 8 km entfeantn Rosa Chutor stott, wos bis heid via Sessllift gibb. In Sotschi wean neie Stadien und as olympische Doaf baut und doo findn a di Aöffnungs- und Obschlussfeia und a olle Eisbeweabe stott. Da russische Stoot iwanimmb 60 Prozent vo di Kostn und da Rest kimmb aus da Privatwiatschoft und vom staatlich kontrolliatn Gaskonzean Gazprom, dea unta ondam a luxuriöse Hotelonlog arrichtet.

Krasnaja Poljana soid nochn ehemoign russischn President Wladimir Putin as "Schaufensta vom neijn Russlond" wean, exklusiv und "in jeda Beziehung Wödspitzn".

Da Nochtoal vo da gonzn Soch is, dass an groaßn Widastond vo da Bevölkarung do gibb, weng da ohoizung vo 20.000 Hektar Woid und Biotopen und da Umsiedlung und Enteignung vo 1.500 Leit.

Gschicht Werkeln

1899 hod di Siedlung mit'n Nom Romanowsk (noch'n Nom vo da russischn Zarendynastie) an Status vo a Stod ahoitn. Nochdem di Pläne fia'n Ausbau zu am Ahoiungort fi di russische Obaschicht gscheitat is, hod si an Status wieda valoan uns is 1923 in Krasnaja Poljana (auf boarisch: "Roate Lichtung" oda "Scheane Lichtung", je noch Intapretation) umbnonnt woan.

Schau aa Werkeln

Im Netz Werkeln

  Commons: Krasnaja Poljana – Sammlung vo Buidl, Videos und Audiodateien