Krautinsl

Krautinsl
	De Krautinsl liegt zwischn da Fraueninsl und da Herreninsl De Krautinsl liegt zwischn da Fraueninsl und da Herreninsl
Gwassa	Cheamsee
Geographische Log	47° 52′ 6″ N, 12° 24′ 59″ OKoordinaten: 47° 52′ 6″ N, 12° 24′ 59″ O
	Krautinsl (Bayern)
	Krautinsl (Bayern)
Leng	366 m
Broadn	171 m
Flechn	3,5 ha
Hechsta Beag	522 m
Eiwohna	(unbewohnt)
	Blick vo da Krautinsl af de Oipn Blick vo da Krautinsl af de Oipn

Der Artikl is im Dialekt Obaboarisch gschriem worn.

De Krautinsl is mit oana Flächn vo 3,5 ha die kloanste vo de drei im Cheamsee liegendn Insln (Obgseng vo da winzign kinstlichn Insl Schalch westli vo Fraueninsl). Politisch gheat de Insl zua Gmoa Cheamsee im Landkroas Rosnham.

Zwoa namenlose Kloainsln 54 bzw. 80 Meta sidli vo da Krautinsl buidn ian sidlichen Auslaifa. De san duach a Schottabank miteinanda vabundn. Se ham nua a poar Quadratmeta Flechn und grod Plotz fia jeweis oan Baam bzw. Strauch. De Auslaifa ghean nimma wia de Krautinsl zur Gmoa Cheamsee, sondan zum gmoafrein Gebiet Cheamsee im Landkroas Traunstoa wia da See.

Nutzung

Im Gegnsotz zua benochbortn Fraueninsl is de Krautinsl ned bewohnt. Sie deant im Summa ois Woad fias Viech vo de Bauan, wo uman Cheamsee osessig san. Im Heabst weads Viech per Schiff wieda afs Festland brocht. Im Mittloita ham Nonnen vom Benediktinerinnenklosta Frauenweath (Fraueninsl) af da Krautinsl Gmias und Kraita obaut; do draus is da Nama entstondn.

Im Netz

Commons: Krautinsel – Sammlung vo Buidl, Videos und Audiodateien