Krimmö

Der Artikl is im Dialekt Pinzgauarisch gschriem worn.

Krimmö (amtli: Krimml) is a hibsch a kloana Oscht an owastn Pinzgau an Soizburgischn, direkt a da Grenz za Nordtiroi (Gerlos und Züaschtoi), Sidtiroi (Ahrntoi) und Osttiroi. Krimmö kescht owa zan Bezirk Zö (Zell am See) und so redn die Krimmöa, do gibs koan Zweifö nit, Pinzgarisch, owa a Variante, de scho a bissl as Tiroarischi umigeht.

Krimmö

Krimml

Wobben

Ésterreich-Korten

Basisdaten

Stoot:

ZE

Flechen:

169,46 km²

Koordinaten:

47° 13′ N, 12° 10′ OKoordinaten: 47° 13′ 6″ N, 12° 10′ 24″ O

Heechen:

1067 m ü. A.

Eihwóner:

815 (1. Jen. 2023)

Bevökarungsdichten:

4,8 Eihw. pró km²

Póstlaatzoi:

5743

Vurwoi:

06564

Gmaandkénnziffer:

5 06 07

NUTS-Región

AT322

Adress voh da
Gmaandvawoitung:

Oberkrimml 37
5743 Krimml

Nétzseiten:

www.krimml.at

Politik

Burgermaaster:

Erich Czerny (ÖVP)

Gmaandrot: (Wahljahr: 2014)
(13 Midgliader)

7 ÖVP, 6 SPÖ

Krimmö vom Wossafoi aus gsechn

Quelle: Gmaanddaten bei da Statistik Austria

Krimmö lig 1.067 m iwan Mee und hotr hibsch an Bekanntheitsgrod weng die Wassafoi, di wos circa 400 Meter hoch sand. Die Krimmöa Ochn rinnt ausm Ochentoi ausa und foid an Krimmöa Kessl oi. In Krimmö wohnand 833 Leit (2016), und weis an Summa attraktiv zan Wondern und an Winta a schneesichas Schigebiet is, kemman a oiwei a haufn Gest, die meran aus Deitschland, Holland und aus onderi Eschta in Östareich.

Iwan Gerlosposs, kimb ma heit oafoch auf Nordtiroi umi, noch Süd- und Osttiroi kumma va da Krimmö aus hekstns umige (wos owa a sein Reiz hot).

Um Krimmö umadum rogn 30 Dreitausnda a`d Hech, und Krimmö kescht naturgemäß zan Nationalpark Hochi Tauan. Krimmö toid si auf a di Hochkrimmö, wo si des Schigebiet befind, des seit a nedla Jo za da Schiarena Züaschtoi kescht und wo hisch oani Gest ean Zweitwohnsitz homb. Des eigntlichi Dorf weascht a di Unta- und a di Owakrimmö toid, Stroßnnom und Pletz brauchts an an so an kloan Oscht oft noand nid.

Aus da Krimmö kemman oanige wichtigi Leit, da bekonnteste is sicha da Franz Innerhofer, a Schriftstöa, dea si traut hot, des Klischee va nan romantischn Bergbauanlebn a bissl z`relativieren, wei ois is an nit oiwei guat g´wesen und a dia oa hombs sicha nit leicht kob a den Mileu. A zweita hibsch umtoananda Krimmöa is da Anton Woinna gwesn, dea si mit die Tiroia an Widerstond geng an Napoleon und dem seini boairschn G´sön zom tu hot. Owa des is hibsch long her. An drittn Krimmö hots a da estareichischn Politik gem, da Geisler Simon is a Nationalratsobeordneter gwesn.

Im Netz Werkeln

Commons: Krimml – Sammlung vo Buidl, Videos und Audiodateien

Webseite der Gemeinde und des Tourismusverbands Krimml
Gmoadatn vo Krimmö bei da Statistik Austria

Stéd und Gmoaner an Pinzgau (Bezirk Zej am See)