Moabeth

Der Artikl is im Dialekt Obaboarisch gschriem worn.

Moabeth Maitenbeth
Basisdatn
Bundesland:	Bayern
Regierungsbeziak:	Obabayern
Landkroas:	Landkroas Muihdorf am Inn
Vawoitungsg- moaschaft:	Moabeth
Koordinatn:	48° 9′ N, 12° 6′ O
Hechn:	609 m ü. NN
Flächn:	30,94 km²
Eihwohna:	1989 (31. Dez.. 2015)
Dichtn:	64 Eiw. pro km²
Sonstige Datn
Postleitzoi :	83558
Vorwoi:	08076
Kfz-Kennzeichn:	MÜ
Gmoaschlissl:	09 1 83 126
Gmoagliedarung:	58 Ortstei
Adress vo da Gmoavawoitung:	Haager Straße 5 83558 Moabeth Maitenbeth
Hoamseitn:	www.maitenbeth.de
Politik
Buagamoasta:	Josef Kirchmaier (FWG)

Moabeth (amtli: Maitenbeth) is a Gmoa in Obabayern im Landkroas Muihdorf am Inn. Se is Mitglied vo da Vawoitungsgmoaschoft Moabeth. Um vo Minga noch Moabeth zum kemma muass ma de 94a Autobahn Richtung Passau fahrn. Spada werd aus da 94a d'12a (B ). Am Eberschberger Hoizl links vorbei und noch in ebba 45 km is ma in Moabeth. Auf Rosenham sans a uma 40 km, Landshuad is a ned weida weg.

Gmoana in da Nachbarschaft

Im Ostn is de nachste Gmoa Hoag (MÜ), im Sidn sans Rechtmehring (MÜ), Oibich (RO) und Stoanaring (EBE), im Westn is grod amoi Haehalin (EBE) und ibrig bleibt im Nordn Isn (ED).

Woppn

Aufm Woppn kon ma zwoa Haiftn seng. Auf da rechtn Seitn is a Rob der an bluadign Hoizspon im Schnobe hoit. Des kimmt vo ana Gschicht de ma se erzait. Und zwar wuitns d'Kirch z'eascht in Neikircha baun. Auf da Baustei hods aba an Hauffa Unfoi gem bis a Rob kemma is und an bluadign Hoizspan aufghom hod. Dem sans dann noch und do wo heid d'Kirch steht hod a den Hoizspan wieda foin lossn. De andre Seitn zoagt den Hoaga Schimme, weil Moabeth friara zua Hoaga Grofschoft ghert hod.

Gschicht

Moabeth gibt no gar ned so lang - is easchte moi ois Aetenpeth umma 1315 ghoassn worn. Z'eascht hod Etschloh gem und zwar so gegn 977.

A bregge späda ham si de Franzosn geng de Östareicha und Bayern in da Schlacht vo Haehalin de Kepf eigschlogn. Des ganze hod se am 3. Dezemba 1800 zuatrogn wobei de Franzosn gwunna ham.

Zwoaratachzg Joar spada ham se de zwoa Gmoana Innach und Moabeth zsammgschlossn. Do draus is dann de heitige Gmoae Moabeth worn. 1978 hams gmoant dass Moabeth zur Verwoitungsgmeinschaft Hoag gkern soit - zwoa Joar spada hams eigseng dass des a Schmarrn war. Darauf hi ham Moabeth und Rechtmehring a gmeinsame Verwoitungsgmeinschaft gründ.

Schuin, und andare effentliche Eirichtungen

Moabeth hod a eigne Grundschui. De hams 1964ge baut. Seit dem is a 1991 a neue Turnhalle und a paar Klassenzimmer dazua kemma.

An Kindergoartn gibts no ned so lang. Den hams eascht 1974 baut und 2004 glei nomoi nei hiigsteit.

Im Netz

• http://www.maitenbeth.de Hoamseitn vo Moabeth
• http://fcmaitenbeth.de da Sportvarein vo Moabeth
• https://web.archive.org/web/20190907215007/http://kljb-maitenbeth.de/ de Landjugend vo Moabeth