Moar in der Pfoad

A Moar in der Pfoad (so stähts auf da Speiskoartn) oda Moar in da Pfoad is a Siasschpeis (dt.: Mohr im Hemd) auf da Schihittn Biagloim (Bürglalm) z Deantn (Dienten) am Hochkini in Soizburg.

Da Schoggoguss auf da Massn is da Moar und da Schlogobas drauf is de Pfoad. Mid ana Moosbialsoos wead garniat. Da Doag bschdäd aus Budan, Zugga, Oar, Hoslnuss, Bräsln und Schoggomassn (Couverture).

Des Schmankal is vom Zwoa-Haubm-Koch Jürgen Vigne vom Restaurant Pfefferschiff z Soizburg-Hoiwang extra fia de Biagloim und de Hittnwiatn en Bürgler Toni und de Gabi entwicklt woan. De Siaßschpeis is inzwischn zun Marknzoachn vo da Biagloim woan. De Gabi vawendd dafia de feinste Schogglad vom Pinzgaua Chocolatiers Berger Hubert.

Im Netz

• Rezept fian Moar in da Pfoad
• Fünf Gipfel und ein König (Tip: Moar in der Pfoad, in OÖ Nachrichten)