Nutza:Luki/Cuicuilco

Cuicuilco woa a Vuagängakuitua vo Teotihuacan im Noadn vo Zentreumexico. Vo dera Stod is de ödaste nu eahotane Pyramidn Mesoamericas zsegn.

De Gegnd vo da Stod woa gnua fruchtboa und a mid ausroachadn Quöwossa vasuagt. Dahea gehd de augnummane eschte Bsiedlung weit zruck, woascheinli bis uma 2300 v. Chr. Wea iare Bwohna woan und wöchane Schproch gred hom, des woas ma heid neamma.

De Pyramidn

Uma 700 v.Chr. homs an Higl aus Eadn und Schoda afgricht. So homs zwoa Stufn afbaut und de homs mid Stoana ummauntld. Vamuatli homs obn af da Plotfuam oan Tempo afgstöd. Bei Grobungan bei da Pyramidn hod ma im Umkroas, schteanfuamig um und zua Pyramidn ausgrichte Gräwa mid Beigobn. Bei de Grobungan hod ma a aa Figua vom Feiagod Huehueteotl ausgrom. Se is bis heid de ödaste Obüdung vo dem God. An kloanan Higl in da Nachn (des Restl vo oan Pyramidnkegels) hod ma a nu gfundn. Im 4 Joahundat homs de Alog eaweitad, de Pyramidn is af oan Duachmessa vo uma 235 m vabroat und um zwoa Stufn af eppa 30 m afgstockt wuan. Zan Easteign hod ma a Schtufn und fia Prozessionan a nua leicht asteigande Raumpn eigricht. Des woa da Easchte Zentreubau im Nuadn vo Zentreumexico.

Statue vom God Huehueteotl aus Tijuana, Mexiko
Gugaruzreibm
Vitrin mid Schmuk und Figurinan

De Stod

Vo eppa 700v.Chr. bis uma 100 n.Chr. is de Stod afbliaht.

Und Stichgrobungan hom a schachbrettoatige Ausrichtung vo da Stod eagem. In de leztn Joazehnt woa de Stod vamuatli des witschoftlige und religiese Zentrum im Noadn. Den aus dea Zeit is koa Stod bkaunt, de nua eppa de Gress und Ausschtrolung ghobd hed. Owa im easchtn oda Afaung vom zwoatn Johundat woas mid da Healichkeit vuabei.

Da Untagaung vo da Stod

Zentreumexico is a tektonisch Region mid oanign Vuikan. Und Cuicuilco is am Fuass vom Vuikan Xitle glegn (Sierra Ajusco). Bei oan vo seine Ausbrüch, san de Lavaschtröm iwa de Aubauflächn glegd und in spadan Joan hom Se se a iwa de Stod eagossn und homs zuadekt. De Lavadeckn hod oa Dickn vo 6 bis 8 Meta ghobd.De Bwohna hom eanane Stod afgem miassn. Ebnso is de uma 4 Km entfeante Stod Copilco afgebn wuan. Wohi de Leid gaunga san is ned quis. Owa am woascheinlichstn is das se noch Teotihuacan zogn san. Den zu dera Zeit hod de Stod an gachn und unaklealign Afschwung gnumma.

Schau aa

Literadua

Rudolf Pförtner/Nigel Davids. Alte Kulturen der neuen Welt. Econ Verlag, Wean 1980.
Hanns.J.Prem. Geschichte Altamerikas, R. Oldenburg Verlag, Minga 2008. ISBN 978-3-486-53032-2
Eduardo Matos Moctezuma: Teotihuacán. The city of gods. Rizzoli, New York 1990. ISBN 0-8478-1198-0.
Müller, Jacobs Florencia 1990 La cerámica de Cuicuilco B. Un rescate arqueológico. Instituto Nacional de Antropología e Historia, México. (Spanisch)
Lenz, Hanz 1990 Historia del papel en México y cosas relacionadas. 1525-1950 . Miguel Angel Porrúa, México. (Spanisch)
Cobean, Robert H. 1990 La cerámica de Tula, Hidalgo . Instituto Nacional de Antropología e Historia, México. (Spanisch)

Im Netz

YouTube

Interwiki

http://de.wikipedia.org/wiki/Cuicuilco