Redestabal
S Redestabal (engl.: Talking-Stick) is a symbolischa Gengstond, dea wo joahhundatelong im indianischn Gmoarot vawendt woan is, um de Gspächskuitua z feadan. Weas Redestabal ghoidn hod, hods Recht ghobt zum Redn, oi ondan hom aufmeaksom zuahean miass.
Bei wichtign Berotungsrundn hod da Haiptling s Redestabal gnumma und hod z redn ogfongt. Wia ra fiati woa, hod a s Redestabal noch voan ghoidn und wea wos song hod woin, hod si s Redestabal gnumma. So is weida ganga, bis jeda dro woa, dea wo wos z song ghobt hod.
Beschreiwung Werkeln
S Redestabl hod de Bedeitung vo am Kuitgengstond ghobt und is entsprechend reschpektiat woan. Es is in da Regl aus kostboan Wuazlhoiz gmocht woan und is symobolisch gschmickt gwen. A Odlafeda hod am Redna Muat, Weisheit und Woaheit valiehn. A Stickl Hosnfej am End hod Heazlichkeit und Weame gem. A blaua Stoa hod en Redna an an Grossn Geist eainnat. A Muschl hod en ewign Wexl in da Wejd symbolisiat. A Bischl Biffehoa am Redestabal hom Mocht und Kroft valiehn. Schmuckstoana in via vaschiedanen Foam hom de Vabindung mitn Kosmos symolisiat: gejb fian Sunaufgong (Ostn), rod fian Sununtagong (Westn), weiß fian Schnee (Noadn) und grea fia de Eadn (Sidn).[1]
Bei mongn Stämm hod de Friednspfeifn, s Pfeifntomahawk, a Feda oda a Muschl de Funktion vom Redestabal iwanehma kena.
Da Hiata vom Redestabal woa moast da Medizinmo.
Moderationstechnik heit Werkeln
De Methode dass nua dea redn deaf, dea wo an bestimmtn Gengstond (z. B. an Boi) in da Hond hoid, wead heit a in da Moderationstechnik eigsetzt.
Beleg Werkeln
- ↑ Carol Locust: The Talking Stick. Archiviert vom Original [1] am 4. Juli 2011; abgerufen am 22. Mai 2011.
Literatua Werkeln
- Manitonquat: Der Weg des Kreises, Biber-Verlag, 2000
- Virginia Coyle, Marlow Hotchkiss: The Way of Council, Bramble Books: Las Vegas, 1996