Schleha

Schleha Schlehdorn
Schlehen (Mitte August)
Systematik
Ordnung: Rosenoartige (Rosales) Famij: Rosngwex (Rosaceae) Unterfamij: Spiraeoideae Tribus: Stoaobstgwex (Amygdaleae) Goddung: Prunus Oart: Schleha Schlehdorn
Wissnschoftlicha Nama
Prunus spinosa
L.

De Schleha (Prunus spinosa, dt.: Schlehe, Schlehdorn, engl.: blackthorn) is a doaniga Busch mit oana kloanan, blaun, harb schmeckadn Frucht. Ea is mit de Zwetschgn vawandt, bliaht weiss und wead uma 3 bis 6 Meta grouss.

De Schleha san scho seit da Jungstoazeit bekannt. Schlehdornkean hod ma in neolithischn Pfoibautn gfundn.

Nutzung

De Schleha schmecka am bestn nachm easchtn Frost. Gnutzt wead da Schlehdorn oba vor oim fia Marmelad, Fruchtsoft, Wein, Schnops und Likea. Da Schlehawein, Schlehaschnops und da Schlehalikea san olladings bsondas hindafotzig, wei ma duach den Gschmo vo de Schleha an Oikohoi ned a so gspannd.

De Schleha is oba aa a oid-bekannte Heipflanzn. In da Natuaheikunde wean de Bliah, de Bladdln und de Frucht vawendd. Da Kneipp schreibt: "Die Schlehdornblüten sind das schuldloseste Abführmittel und sollten in jeder Hausapotheke zu finden sein."

Galerie

• 
  Bliahada Schleha
• 
  Schleha-Heckn im Hintagrund
• 
  Bliahads Schlehazweigal
• 
  Bliah
• 
  Knospn

Boarisches Kindaliad

Annamirl, Zuckerdirl,

geh mit mia ind Schleha!

Ko nit geh, ko nit geh,

hob a bese Zeha!

Literatua

• Kurt Harz: Bäume und Sträucher. BLV-Verlag

Im Netz

 Commons: Schlehe (Prunus spinosa) – Oibum mit Buidl, Videos und Audiodateien

• Informationa za Schleha bei FloraWeb.de
• Blausaire-Glykoside in de Samakean vo da Schleha
• Vabroadung wejdweit