Tirknföld

Basisdotn
Bundesland:	Bayern
Regiarungsbeziak:	Oberbayern
Landkroas:	Firschtnföldbruck
Hechn:	599 m ü. NHN
Flächn:	15,95 km2
Eihwohna:	3710 (31. Dez. 2020)
Bevökarungsdichtn:	233 Einwohner je km2
Postleitzoi:	82299
Voawoien:	08193 und 08144
Autokennzeichn:	FFB
Gmoaschlissl:	09 1 79 149
Gmoagliedarung:	6 Ortstei
Address vo da; Gmoavawoitung:	Schloßweg 2; 82299 Tirknföld
Webseitn:	www.tuerkenfeld.de
Burgamoaschtr:	Pius Keller (CSU)
Log vo da Gmoa Tirknföld im Firschtnföldbruck
	Karte

Tirknföld odar Tirkafeld (amtli: Türkenfeld) is a Gmua im obaboarischn Landkroas Firschtnföldbruck.

Geografie

Tirknföld liggt ummara 14 km sidweschtli vo Bruck und 37 km weschtli vo Minkcha. Zur Gmua ghearn de Ortstoale Burgholz, Klotzau, Tirknföld, Peitnmül, Pleitmonswang und Zankahausa.

Gschicht

Des ehemolige Schloss, heint Sitz vo dr Gmoavawoltung

De ölteschte Urkund vo Tirknföld is as Solzburger Urkundnbuach Breves Notatiae. Do is firs Joor 749 dr Ortsnama ols "Duringueld" aufgschriba wora^[2]. Dr Nama "Duringueld" geat auf'm Personanama "Durinc" zruck. Durchn Einfluß vo de Tirknkriag hot se dr Nama auf Tirknföld gändert. Weschtlich vo Zankahausa liggt no a Viereckschanz, de worscheinlich zastert wora is.

Aus'm Frihmittloltr kon ma nerdlich vo Tirknföld und Peitnmül no Reihngräwerföldar findn. Eschtli vo Burgholz find ma no aus dr sölbm Zeit a Obschnittbefeschtigung de oft folsch Remarschanzn^[3] gnennt werd.

As Joor 1818 is Tirknföld mid'm Orttoal Klotzau Gmua wora. Im sölbm Joor is Zankahausa mit de Gmuatoale Burgholz, Peitnmül, und Pleitmonswang ols Gmua grindt wora. Burgholz is 1872 on de Gmua Tirknföld ganga. De Gmuana Tirknföld und Zankahausa hot ma erscht am 1. Jennar 1972 zsammgschlossn.^[4]

Politik

Gmuaråt

Dr Gmuaråt setzt se wia folgt zamm:

CSU 7 Sitz (Partei stöllt'n easchtn und zwoatn Burgarmoaschtr)
Darfgmuaschaft 5 Sitz
FW 5 Sitz

Wåppn

Am 5. Novembar 1971 is as Wåppn vo dr Regierung vo Oberbayern genehmigt wora. As Wåppn zoagt in dr Mittn an Pfal mit am zwoareihign roat weißm Schachbrettmuschtr. In dr linkn Hölftn neban Pfal siggt ma zwoa schrägkreizte goldne Streitkolbn auf schworzn Hintrgrund und in dr rechtn Hölftn drei blaue Lindnblättlen an am gwundna Stingl.

Dr roat weiß gmuschterte Pfal is ols Schrägbolkn a heroldischs Zoacha vo de Zisterzienser, de ols Grundherrschaft im Gmuagebiet vo Bedeitung warn. Mit dem Pfal werd olso a Verbindung zur Zisterzienserabtei Firschtnföld hergstöllt. De gekraiztn Streitkolbn stamma ausm Wåppn vom Ortsådlsgschlecht dr Tirknföldr (vo Durgenfeld), de erschtmols am End vom 12. Joorhundert nochweisbar sen. Dene eana Sach is scho im 14. Joorhundert zum oan Toal ans Kloaschtr Firschtnföld und zum andern Toal an de spadare Ådlshofmark Tirknföld iwerganga. De Lindnblättlen an am gwundna Stingl sen ausm Wåppn vo de Staudinger iwernumma, de vo 1569 bis 1598 de Hofmark Tirknföld bsessa hom.^[5]

As Wåppn is vom Heraldiker Heinz C. Bessling aus Gauting gestoltet wora.

Sechnswirdigkeitn

Blick vom Schianeberg bei Zankahausa noch Sidn

Fuggerschloss z'Tirknföld
Pfårrkurcha Mariä Himmelfahrt z'Tirknföld
Pfårrkurcha St. Johann Baptist in Zankahausa
Frihmittlolterliche Obschnittbefeschtigung sideschtlich vo Tirknföld
Benediktiner-Erzabtei St. Ottilien (liggt 4 km vo Tirknföld weg aufm Gmuagebiet vo Eresing)
Aussichtspunkt Schianeberg nerdlich vo Zankahausa mit am schiana Blickch iwern Ammrsea und di Boarischn Olpm.

Büldung

Tirknföld hot a Grundschual, a Mittlschual und zwoa Kindergärtn mit Kindergrippm de zur Gmua ghern.

Dialekt

Z'Tirknföld werd Leechroanisch gsprocha. Im oltn tirknfölder Dialekt werd "l" und "r" it vokalisiert und es geit vül schwäbische und sidboarische Einflisse. Durch de S-Bon sen vül Leit auf Tirknföld zuazoga, de koa leechroanisch it sprecha.

Bekonnte Leit

Hans Well (* 1953 z'Willprechtszell, Gmua Petersdarf), wohnt heit im Ortstoal Zankahausa, Mitglied der Birmösl Blosn und der Well-Buam
Toni Mang (* 1949 z'Inning), wohnt heit im Ortstoal Zankahausa, fimffocher Motorrad-Wöltmoaschtr

Im Netz

Commons: Tirknföld – Sammlung vo Buidl, Videos und Audiodateien

http://www.tuerkenfeld.de (Offizielle Homepage der Gemeinde Türkenfeld)
Tirknföld: Woppmgschicht vom Haus der Bayerischen Geschichte
Tirknföld: Amtliche Statistik vom Bayerisches Landesamt für Statistik und Datenverarbeitung (LStDV)

Beleg

↑ Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).
↑ Die Türkenfelder Ortsgeschichte
↑ Die Türkenfelder Ortsteile
↑ Wilhelm Volkert (Hrsg.): Handbuch der bayerischen Ämter, Gemeinden und Gerichte 1799–1980. C.H.Beck’sche Verlagsbuchhandlung, München 1983, ISBN 3-406-09669-7. Seite 466
↑ Haus der Bayerischen Gschicht@1@2Vorlage:Toter Link/www.hdbg.de (Seite nicht mehr abrufbar; Suche in Webarchiven)

Städt und Gmoana im Landkroas Fiarstnfoidbruck

→ Dea Artikl basiad auf ara frein Ibasetzung vom säim Artike in da Wikipedia af deitsch.

[Metadaten_Einwohnerzahl_DE-BY-1] Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).

[2] Die Türkenfelder Ortsgeschichte

[3] Die Türkenfelder Ortsteile

[4] Wilhelm Volkert (Hrsg.): Handbuch der bayerischen Ämter, Gemeinden und Gerichte 1799–1980. C.H.Beck’sche Verlagsbuchhandlung, München 1983, ISBN 3-406-09669-7. Seite 466

[5] Haus der Bayerischen Gschicht@1@2Vorlage:Toter Link/www.hdbg.de (Seite nicht mehr abrufbar; Suche in Webarchiven)

[1]

[2]

[3]

[4]

[5]