Oiing

Der Artikl is im Dialekt Obaboarisch (Oiing) gschriem worn.

Oiing oda Olling (amtli: Alling) is a Gmoa im Sidosten vom obaboarischn Landkroas Fiarschtnfoidbruck, uma 25 km westli vo Minga. Zur Gmoa ghearn Olling, Biiwa, Hoizhausn, Germaschberg, Gogaschd, Angahof, Hoflach, Hoizkircha, Neiriad und Waaglsriad.

Woppn	Deitschlandkoatn
	Huif zu Koatn
p1
Basisdotn
Bundesland:	Bayern
Regiarungsbeziak:	Oberbayern
Landkroas:	FiarschtnfoidbruckVorlage:Infobox Gemeinde in Deutschland/Wartung/Landkreis existiert nicht
Hechn:	550 m ü. NHN
Flächn:	21,02 km2
Eihwohna:	3873 (31. Dez. 2020)
Bevökarungsdichtn:	184 Einwohner je km2
Postleitzoi:	82239
Voawoi:	08141
Autokennzeichn:	FFB
Gmoaschlissl:	09 1 79 113
Address vo da Gmoavawoitung:	Gmoa Oiing Am Kirchberg 6 82239 Oiing Alling
Webseitn:	www.alling.de
Burgamoaschta:	Frederik Röder (CSU)
Log vo da Gmoa Oiing Alling im Fiarschtnfoidbruck
Karte

Oiinga Kirch

Gschicht

As easchte Moi wead Olling um 802 in a Urkund ois Allingas und Allinga (bei de Leit vom Allo) schriftle feschdghoitn. De oiteste schriftliche Urkund von Biiwa (Biburg) is von oifhunderdfuchzk und von Hoizhausn 776. Soim is Biiwa Piburch und Hoizhausn Holzhusun (Haiser am Woid) gschrim worn. Nochdem de oanzoin Orte ob'm 9. Joarhundat zua vaschiedne Kleschda ghert hom, is durch de Säkularisation 1812 de Gmoa Olling entstandn. Im neinzehntn Joarhundat is am Starzlboch in da Näh von Roggnstoa a neie Siedlung (spaada Eichenau) entstondn. Mit de Leit aus dem Ortstoi Eichenau hots politische Spannungen gem. 1925 beschliaßn de mehrheitlich Eichenauer Gmoaräte de Valegung vo da Gmoavawoitung auf Eichenau. Noch 1945 erheht si de Bevoikerung enorm duachn Zuazug vo Flichtling und Vertrieme. Am 1. Aprui 1957 is Eichenau a soibständige Gmoa worn. Sengswert is de Hoflacher Kapoin, de an de Schlacht bei Oiing erinnert. Bei dera Schlacht san 1422 de vafeindetn Heere vo de Wittelsbacher Herzög Ernst vo Boarn-Minga und Ludwig da Bartige vo Boarn-Ingoistod aufeinandertroffa. Aus Donkbarkeit iba sein Sieg loßt Herzog Ernst in de Joar danach de Kapoin baun und mit am 7 m langa Fresko ausschmickn. De Kapoin is Privateigentum und blos bei bsundre Anläß zuagänglich.

Politik

De Sitzverteilung im Gmoarat.

Joar	CSU	SPD	Dorfgmoaschaft der Freien Wähler	Dorfgmoaschaft Biiwa-Hoizhausn	Birgaschaft Oiing e.V.	gsamt	Woibeteiligung in %
2014	6	2	4	3	1	16	72,2
2008	7	1	3	3	2	16	71,9
2002	6	1	4	3	2	16	74,2

Ökonomie und Infrastruktur

Wirtschaft mitsamt Land- und Forstwirtschaft

1998 hots in da Land- und Forschdwirtschaft 13, im Handwerk 222 und im Handl und Vakea 83 sozialvasicherungspflichtig Bschäftigte am Orbatsort gem. In sinschdige Wirtschaftsbereiche san am Orbatsort 102 Leit sozialvasicherungspflichtig beschäftigt gwen. Ois in oim hots 1055 sozialvasicherungspflichtig Bschäftigte am Wohnort gem. Im verarbatendn Gwerbe (und aa Bergbau und Gewinnung vo Stoana und Erdn) hots oan Betrieb, auf'm Bau fimf Betriebe gem. Außerdem hots im Joar 1999 54 Bauanhef mit a landwirtschaftlich gnutztn Flächn vo 1500 ha gem. Davo san 1311 ha Okchaflächn und 187 ha Wiesn gwen.

Buidung

Im Joar 1999 hom de foigendn Eirichtunga existiert:

• Kindagärtn: 125 Kindagartnplätz mit 121 Kinda
• Voiksschuin: 1 mit 5 Lehra und 106 Schuikinda

Vareine

• Oigmoana Sportverein Biiwa (ASV)
• Bloskapoin Oiing (BKA)
• Bleamen und Gartnfreind Biiwa
• Dorfgmoaschaft Oiing
• Dorfgmoaschaft Biiwa-Hoizhausn
• Flugmodellsportgruppe Oiing
• Gospelchor „Allsing“
• Freiwillige Feirwehr Oiing
• Freiwillige Feirwehr Biiwa
• Freiwillige Feirwehr Hoizhausn
• JM Oiing
• Jugendroatkreiz Oiing
• Junge Union Oiing
• Kolpingsfamilie Oiing
• Kuitur- und Theatavarein Oiing (KTV)
• Kurbl-Club Biiwa
• Landjugend Oiing
• Landjugend Biiwa
• Ländlicha Reit und Fohrvarein Oiing
• Parsberger Schitzn Oiing
• Schitznvarein "Bei da Burg" Biiwa
• Schitznvarein "Parsberga Schitzn" Oiing
• Starzltoia Sängerrunde Oiing
• TSV Oiing
• Veterana- und Soidatnverein Oiing

Bsundaheitn im Oiinga Dialekt

• Vokalisierung von "el": In da Gengd um Oiing wead "el" zu "oi" vokalisiert. Ma sogt oiso z. B. "schnoi", "Goid", "Foid" und "soiba".
• mittlhoachdeitsch "o": Wia im Siidboarischn is ausm mittlhoachdeitschn "o" a Zwiilaut "oa" worn. Ma sogt oiso z. B. "hoach", "road", "groaß" und "Kloaschda".
• mittlhoachdeitsch "ê": De Werta, de im Mittlhoachdeitschn a "ê" ghobt hom, wern im siidboarischn mit am Zwiilaut "ea" gsprocha. In Oiing guit des nur no fir a boar Werta z. B. "Schnea", "wea", "Zeacha" und "Reah", de mehrern wern haint mit "ää" gsprocha z. B. "Sää". De männliche Form vo zwoa is friaras "zwean" gwen z. B. "zwea(n) Buam" wead obar woi scho ausgstarm sei.
• "st": Durch an lechroanischn und siidboarischn Einfluß san an etla "st" Laute zu "schd"/"scht" worn oiso z. B. "feschd", "huaschdn", "Moaschda", "Fenschda", "Neschd", "Koschdn", "Pfingschdn", "Auguschd", "hoschd", "woaschd" und "kimmscht". De "scht/schd/sch" Aussproch guit oba net fir olle Werta. "Schuasta" und "Schwesta" wead zum Beispui mit "st" gsprocha.
• "-ck-": A "ck" innerhoib an Wort wead wia "kch" gsprocha z. B. "Okcha", "brokcha", "schtekcha", "zwickcha" … "Lakchl".

Vui von dene sprochlichn Bsundaheitn san heint bedroht daß vagessn und vadrängt wearn. Da Einfluß aus Minga, vo de vuin "Zuagroastn" und vom Mediendeitsch is aa z'Oiing ziemli groaß.

Literatua

• Dr. Bernhard Stör und Traudl Albrecht: Die Mundart von Puchheim und Umgebung (Landkreis Fürstenfeldbruck)

Im Netz

 Commons: Oiing – Oibum mit Buidl, Videos und Audiodateien

• Oiing: Woppmgschicht vom Haus der Bayerischen Geschichte
• Gmoa Olling

→ Dea Artikl basiad auf ara frein Ibasetzung vom säim Artike in da Wikipedia af deitsch.