Vibrant
Der Artikl is im Dialekt westlichs Nordboarisch gschrim worn. |
A Vibrant (aa Trill, wos von Englischn kummt) is a Konsonant in ara Lautgruppm nouch da Artikulationsoart: Da Artikulator (des ko ba Vibrantn d Unterlippm, es Zungaspitzl oder es Gamazapfal sa) vibriert durchn Luftstroum. Da Artikulator schnolzt quase vo da Artikulationsstöll kurz a pormol wegga, ower der blaibt ba derer. Vibrantn han stimmhaft.
De druntere Tabölln zoigt, wos fir Lautt in Internationaln Phonetischn Alphabet (IPA) unterschin wern. D IPA-Zaichn kinnts oklicka, nou kummts af d Listn vo de IPA-Zaichn:
IPA | bschrim |
---|---|
ʙ | bilabial, Vibrant, stimmhaft |
r | alveolar, Vibrant, stimmhaft |
ʀ | uvular, Vibrant, stimmhaft |
De boarische Sprouch kennt vo deane: [r ʀ]
Es uvulare [ʀ] kummt in an Tol siidboarische Dialekte fir, onsunstn iss in Boarischn es alveolare [r]. In ollzwoa Föll weadsquase grollt.
Artikulationsoartn (an Iwersicht) | |||||||||||
---|---|---|---|---|---|---|---|---|---|---|---|
pulmonal | niat-pulmonal | ||||||||||
Nasal | Plosiv | Frikativ | Affrikat | Approximant | Vibrant | Tap | Flap | Lateral | Implosiv | Ejektiv | Klick |