S Weisse Biffekoib Weib, aa White Buffalo Calf Woman oda Pte Ski Win (in Lakota) is a mythische, heilige Indianarin mit ibanatialicha Mocht und Kroft. Sie trogt a weiss Gwand und guit ois Prophetin und Heilsbringarin. In da Religion vo de Lakota kimmt ia a Schlisslroin zua. Ma sogt, sie hod dena Lakota de Heilige Pfeifn und de "Siem Heilign Ritn" brocht und damit Kuitua und Woistand.

De Legendn Werkeln

De Legendn sogt, dass voa longa Zeit a Hungaperiodn fia de Lakota gem hod. Da Haiptling hod deswegn zwoa Briada auf da Jogd gschickt. Do homs a wundascheens Diandl vo weitn gseng. Sie is auf de zwoa Lakota zuaganga. Do woit da oane Bruada Sex vo ia hom und hod si glei umoamt. Do hod si glei a dunkle Woikn um eana buidt und da Indiana is vom wuidn, weissn Biffe umbrocht woan. Wia de Woikn wieda vaschwundn woa, hod da ondane Bruad sie glei mit seim Bong bedroht. Sie hod owa gonz ruhig zu eam gsogt, dass a sie im Indiana-Doaf fian nächstn Dog okindign soit. S Weisse Biffekoib Weib is am nächstn Dog ins Loga kema und hod dena Lakota-Indianan en Umgang mit da "Heilign Pfeifn" und de "Siem Heilign Ritn" (z. B. Sundanz, Schwitzhittn) gleat. Wias Doaf wieda valossn hod, hod sa si in a weiss Biffekoib vawondlt und is nia mea wieda kema.

Literatua Werkeln

  • Walker, James R.: Lakota Belief and Ritual (University of Nebraska Press, 1980, ISBN 0803225512 ; Bison Books, 1991 ISBN 0-8032-9731-9)
  • Little Eagle, Lionel: Greengrass Pipe Dancers (Naturegraph Publishers, 2000, ISBN 0879612509)
  • Pickering, Robert B. : "Seeing the White Buffalo". (Denver Museum of Natural History & Johnson Books), 1997; ISBN 1-55566-181-5 & 1-55566-182-3.

Im Netz Werkeln