Wikipedia Dischkrian:Moanungsbuida/Archiv/2009-3

Antwortn und Gedonkn zur Benutzersperrung

I mecht ietz net auf da Moanungsbuidseitn dischkriern und auf a boor Antwortn meine Gedankn schreim: Hiasl Du schreibst: "De Regelung wead ma vamuatli nia braucha, owa schodn duats ned. De Regelung bewiakt as Gegentei, vo dem, wos du befiachtest, Roland: Langfristige Sperrn wean ned vo oana Person alloa vahängt, sondan vo da Gmoaschoft (oiso demokratisch). Wei um de zwoa Alternativn gähds, um sunst nix (und ned um a Obwoisystem fia unbeliabte Nutza)"

A gmoaschaftliche Sperre is auf jedn Foi besser wia wenn des nur oa Person bestimmt. Olladings muaß klare Richtlinien gebm wann so a Sparrotrog fir wia long zualässig is. Oanfoch "grundlos" obwäjn (z.B. "der hot mi amoi gnerft oiso gheart a unbegrenzt gsparrt") derf ned meglich sei. Da Benutza muaß scho gegn Regln verstessn hom und obhängig wia schwaar de Verstess san und wia oft soit de Zeitdauern fir de Sparrn sei. A Bestrofung und as Strofmoß muaß greglt sei und derf ned wuikirlich gwäjt wern. Des is jo God sei Donk im echtn Lebm aa aso, daß ned de Leit "demogratisch" obstimma derfn wejche Strof daß'd kriagst wennst z.B. foisch parkt host ... Wißts wos i moan und um wos mir gäht? I hoff des beantwort aa de Frog von Dir Prjaeger. --Roland 18:46, 11. Okt. 2009 (CEST)

Roland, a boa Richlinien wead ma do a sicha afstejn kena, owa i glaab, dass des Grenzn hod. Sowos is mangmoi a Ermessnssoch, weis oft a um Konflikte zwischn Nutzan gähd, um Editwars oda Beleidigungen beispuisweis. Af deWP mochn de a reglrechts Vaforn draus. Owa do gäds praktisch imma um Wiedaholungsdäta (vo Extremfälle obgsegn: rechtli relevante Socha etc.), oisdann Nutza de wo scho a boa moi vo Admins gsparrt worn san und oafoch koa Bessarung in Sicht is. I bin ma aa ganz sicha, dass do herin nia un nimma a Mehrheit fia a grundlose oda a leichtfertige Sperre gibt. Owa moch oafoch Vuaschläg wias da du des vuastejst. --Matthias Klostermayr 20:54, 11. Okt. 2009 (CEST)