Zdob și Zdub

Der Artikl is im Dialekt Owaöstareichisch gschriem worn.

Zdob şi Zdub
Live-Auftritt vu Zdob şi Zdub
da Start:	1994
Genre:	Crossover/Rock/Hiphop/Folk
Webseitn:	zdob-si-zdub.com
Mitglieda
Gsang:	Roman Iagupov
E-Gitar:	Igor Buzurniuc
E-Boss, Tuba:	Mihai Gîncu
Trommin:	Anatol Pugaci
Trumpetn:	Valeriu Mazîlu
Posaun, Flötn:	Victor Dandeş

Zdob şi Zdub (in da kirillischn Schreibweis: Здоб ши Здуб) is a moldawische Musikgruppn, de wos Hardcore-Punk, Hiphop und tradizjonelle Musi aus eanara Hoamat, oiso voa oim Zigeinamusi, midanaunda kombinian. De Gruppn gibts seit'm 1994a-Joa.

Wia Moldawien 2005 s'easchte Moi beim Eurovision Song Contest midgmocht hod, woan Zdob şi Zdub de easchtn Vatreta vu eanam Laund und haum glei an sextn Plotz eigsunga. Eana Liadl hod Bunica bate doba ghoaßn ("d'Oma schlogt de Trommi").

Gschicht

Wias augfaunga hom, haums nu weniga de tradizjonelln Elemente eibaud ghobt und aa nu auf Russisch gsunga. Um 1998 umanaund haums daun vastäakt mi'm Crossover augfaunga, und seitdem singans fost netta nu auf Rumänisch.

Seitdem is de Gruppn vü ummanaundagroast und hod dabei aa schau in Deitschlaund und Hollaund Auftritte ghobt, und natiali in eanara Heimat, in Rumänien, da Ukraine und in Russlaund. Außadem sans schau ois Aufwäamband fia d'Red Hot Chili Peppers und Rage Against The Machine auftretn; fia eana easchte Best-Of-CD ("Ethnomecanica"), haums mi'm Hubert von Goisern a neiche Veasion vu Koa Hiatamadl aufgnumma.

Diskografie

• "Hardcore Moldovenesc" (Moldawischa Hardcore)
• "Tabăra Noastră" (Unsa Loga)
• "Zdubii bateţi tare"
• "Remix"
• "Agroromantica"
• "450 De Oi" (450 Lammpin)
• "Ethnomecanica"

Im Netz

• Hoamseitn
• MySpace
• Zdob si Zdub auf Tournee
• Thomas Winkler: Red Hot Balkan Peppers. In: taz, die tageszeitung, 3./4. Mai 2008