Ukraine

	Україна
	Ukrajina
	Ukraine
Amtssprache	Ukrainisch; regional a Krimtatarisch, Rumänisch, Russisch und Ungarisch
Hauptstadt	Kiew
Staatsoberhaupt	President Wolodymyr Selenskyj
Regierungschef	Ministapresident; Denys Shmyhal
Fläche	603.700 km²
Einwohnerzahl	45.426.200 (1. Januar 2014)
Bevölkerungsdichte	78 Einwohner pro km²
Bruttoinlandsprodukt Total (nominal); Total (KKP); BIP/Einw. (nominal); BIP/Einw. (KKP);	2011 164,9 Milliardn USD (55.); 329,4 Milliardn USD (38.); 3.621 USD (108.); 7.233 USD (103.);
Index der menschlichen Entwicklung	▲ 0,740 (78.)
Währung	Hrywnja (UAH)
Unabhängigkeit	24. August 1991 ; (vo da Sowjetunion)
Nationalhymne	Schtsche ne wmerla Ukrajina (Ще не вмерла Україна);
Nationalfeiertag	24. August (Unobhengigkeitsdog)
Zeitzone	UTC+2 ; UTC+3 (eaz bis Oktober)
Kfz-Kennzeichen	UA
ISO 3166	UA, UKR, 804
Internet-TLD	.ua
Telefonvorwahl	+380

De Ukraine [ukraˈiːnə] (ukrainisch Україна/Ukrajina) is a Stoot in Osteiropa. Ea grenzt an Russland im Nordostn, Weißrussland (Belarus) im Noadn, Poin, de Slowakei und Ungarn im Westn, Rumänien und Moldawien im Sidwestn und ans Schwoazzes Meea und as Asowsche Meer im Sidn oo. De Hauptstod is Kiew. De Ukraine is nach Russland des flächenmaßi gresste Land in Eiropa.

Eadkund

Da gresste Tei vo da Ukraine (uma 95 %) liegt aufm Gebiet vo da Osteiropejischn Ebane. Desweng wead se fost imma zu Osteiropa zejt. De restlichen 5 % zejn zu Middleiropa (de Karpaten und Lemberg) und Sidosteiropa (Odessa und da Hoibinsl Krim).

Wichtige Städt

Charkiw
Dnipro
Donezk
Kiew (Hauptstodt)
Odessa
Sewastopol
Simferopol
Lemberg (Lwiw)
Czernowitz (Tschernywzy)
Proskurow (Chmelnyzkyj)

Gschicht

De Ukraine war de längste Zeit a zwischn vaschiedne Groaßmächte umstrittens Gebiet, in easchta Linie zwischen Poin, Östareich-Ungarn, Russland und am Osmanischn Reich. Da Hauptteil vo da Ukraine war seit 1654 in am gmeinsama Staat mit Russland. Seit am Zafoi vo da Sowjetunion im Joar 1991 is de Ukraine unabhängig. Da Konflikt zwischn dem eha nach Russland orientiadm Ostn und dem nach Eiropa orientiadn Westn hot 2004 mit zua da „Orangena Revolution“ gführt - ausglöst durch de Presidentschaftswoin, aus dene da Wiktor Juschtschenko ois Siega hervorganga is. 2010 is da Wiktor Janukowytsch gwöid woan. Noch Demonstrationa im Joar 2014 isa gstiatzt gwen.

Kirchn

De Ukraine is vo Haus aus multikonfessionell. De dominierenden Kirchn san de Ostkirchn, vo dene de Ukrainisch-orthodoxe Kirche und de Ukrainisch-orthodoxe Kirche Moskauer Patriarchats de greßtn san. Erstere hot an eigna Patriarchn in Kiew, de zwoate ghert zu da Russisch-orthodoxn Kirchn in Moskau. Net kloa is a de 1596 entstandne griechisch-katholische Kirchn, de mit Rom uniad is.