Christus am Wienerberg
| Der Artikl is im Dialekt Weanarisch gschriem worn. |
De Salvatorianerkirche zu den heiligen Aposteln is a remisch-katholische Kiach'n im 10. Weana Beziak Favoritn (Beziaksteu Inzersdorf-Stadt) und gleichzeitich de Pfoakiach'n von da Pfoa Christus am Wienerberg. Se steht aum Salvatorianerplåtz 1.
Im Voiksmund wiad de Kiach'n aa heit no Salvatorianakiach'n oda Apost'lkiach'n g'hass'n.
G'schicht' Werkeln
De Salvatoriana[1], de wo scho seit 1892 in Favoritn tätich woa'n, woit'n a große Kiach'n aun da Laxenburger Stråß'n bau'n. Z'eascht amoi is a klans Klosta mt ana Notkiach' n hig'stöit wua'n. Da Grundstaa is in da Auwes'nheit vom daumålich'n Weana Buagamasta Karl Lueger g'legt wua'n, de Weih' woa'r aum 14. Juli 1901. Weu owa da vuag'sechane große Kiach'nbau net g'måcht håt wea'n kenna, is da Salvatorianerplåtz vuan aun da Laxenburger Stråß',n freiblieb'n und wiad heit öis Parkplåtz vawend't. 1907 is de Notkiach'n duach Zuabaut'n vagressat wua'n und 1937 woa de Eahebung zua Pfoakiach'n. Zua dera Zeit is a klana Glock'ntuam dazuakumma. Aum 1. Septemba 2015 san de Pfoa'n Salvator am Wienerfeld und Franz von Sales dazuag'schlåg'n wua'n. Seithea ist de Salvatorianerkiach'n de Pfoakiach'n von da Pfoa Christus am Wienerberg.
Nåch da Auflösung von da Pfoa Maria vom Berge Karmel mit 1. Jänna 2015 is de duatiche Pfoagemeinde saumt'n Pfoagebiet zu Christus an Wienerberg dazuakumma.
Da Kiach'nbau Werkeln
De Kiach'n steht aun da Ostseit'n vom Salvatorianerplåtz, nåch Westen schliaß'n si zwaa Queatrakt' au. Olle Eigäng' hau'm spitzgiebliche Umrauhmungan und romanesiarate Säui'n. De Hoiztüa'n san mit Schmiedeis'n beschlåg'n. Aum Kiach'nbau san hoche Rundbog'nfensta zum sehg'n.
Des Innare is a flåchdeckta Raum, mit da hoizanan Org'lempore im Süden. In da Mitt'n von da Westseit'n hängt des Åltoabüid mit'n Letzt'n Åbendmåhl. Aun da Nordseit'n is a groß's Textübüid mit da Aussendung von de Apost'ln. Daunn is no a Ölbüid Heiligstes Herz Jesu aus'n 19. Joahrhundat, a stanane Büst'n vom Hl. Antonius von Padua und a Bronzefigua von daSchmerzensmaria.
Literatua Werkeln
- Herbert Tschulk: Wiener Bezirkskulturführer Favoriten. Jugend & Volk, Wien 1985, ISBN 3-224-10612-3.
- Bundesdenkmalamt (Hrsg.): Dehio-Handbuch Wien. X. bis XIX. und XXI. bis XXIII. Bezirk. Anton Schroll, Wien 1996, ISBN 3-7031-0693-X.
- Werner Schubert: Favoriten. Verlag Beziaksmuseum Favoritn, 1992; S. 139-140.
im Netz Werkeln
Commons: Salvatorianerkirche zu den hl. Aposteln – Sammlung vo Buidl, Videos und AudiodateienKoordinaten: 48° 9′ 58″ N, 16° 22′ 12,7″ O
Beleg Werkeln
- ↑ schaug bei Salvatorianer