Der Bulle von Tölz: Bei Zuschlag Mord
| Der Artikl is im Dialekt Obaboarisch gschriem worn. |
| Foig der Serie Der Bulle von Tölz | |
|---|---|
| Originaltitl | Bei Zuschlag Mord |
| Produktionsland | Deitschland |
| Originalsproch | Deitsch/Boarisch |
| Läng | 95 Minutn |
| Oitasfreigob | FSK 12 |
| Einordnung | Staffel 2, Foig 3 7. Foig insgesamt |
| Easchdausstrohlung | 26. Jenna 1997 auf Sat.1 |
| Stab | |
| Regie | Walter Bannert |
| Drahbuach | Christian Grohmann-Colella |
| Produktion | Ernst von Theumer junior |
| Musi | Kristian Schultze |
| Kamera | Hanuš Polak |
| Schnitt | Ingrid Träutlein-Peer |
| Bsetzung | |
| |
Bei Zuschlag Mord is a deitscha Feansehfuim van Walter Bannert ausm Joar 1997 noch on Drahbuach van Christian Grohmann-Colella. Es is de siemte Foig vo da Krimiserie Da Bulle vo Däiz midm Ottfried Fischer ois Hauptkommissar Benno Berghammer. Da Fuim is zun easchtn Moi am 26. Jenna 1997 af Sat.1 ausgstroit worn.
Handlung
WerkelnDa Antiquitätntandla Franz Landig wead daschlong im Woid afgfundn. Ea woar in da „Pension Resi“ eiquartiat. An Todn sei Hoibbruada, da Thomas Landig, vazejhd de Kriminala Berghammer und Lorenz, doss ea a schlechts Vahäitnis zu eam ghobt hod, wei da Franz oiwei Kundn bschissn hod. Außadem hot ea im Antiquitätnlodn vo da Marthe Posche, da Tant vo seina Freindin Nicole, an Franz ban Ausrama van Dresor dawischt.
Vo da Marthe Posche eafoarn de Kommissar, doss da Franz Landig bei iam inzwischn gstormnan Mo gorbat und as Restaurian gleant hod. Se gibt an Landig de Schuid am Niedagang van Antiquitätenlodn, wei ea in de oagne Toschn gwiatschoft und wega seina Bscheißarei an Ruaf ruiniat hod. Ban Ibapriafn van Dresor stejt se Fest, doss a Bischofskreiz ausm 13. Joarhundat fejt. De Bischofskrumme, de wo dazuagheat, nimmt da Berghammer fian Obgleich vo Spuan und Fingaobdrick mid.
De Nicole Posche glabt, doss da Anwoit Ewald Rennmann si schrittweis an Lodn vo iara Tant untan Nogl reißn wui – a Voimacht hod ea si scho gsichat und de Kunsthistorikarin Frauke Bierling ois Berodarin eigstejd; de Nicole sejba hod an dem Gschäft koa Interesse ned.
Wia a noglneia, scho zoida Mercedes fian Franz Landig bei da Pension Resi obgliefad wead, is an Benno Berghammer kloar, doss da Tode a bishea ungahnte Gejdquejn ghobt hod. in an Haus, wo an Franz Landig gheard hod, treffn de Kriminala af de Nicole Posche und an Thomas Landig. De hom grod eibrocha und a Listn gfundn, de wo draf hideit, doss da Franz Landig gfäischte gstoine Ikona vakafft hod.
Da Kommissar Berghammer stejd sei Muada zua Red, wei de oide Kaminuhr vaschwundn is; draf gibt's schliaßli zua, doss de Uhr fia 3.000 Mark on an Franz Landig vakafft hod. Se is gonz entsetzt, wias eafoart, doss af 40.000 Mark gschätzt worn is. In da nächstn Nocht wead in de Pension Resi eibrocha, oba da unbekonnte Diab dawischt bloß zwoa Ikona, donn wead ea van Kommissar Berghammer afgscheicht, ko oba obhaun. De Resi Berghammer Rahmt as Bankkonto laar, weis de Kaminuhr zruckdasteigan wui, oba da Anwoit Brennmann ibabiats hoffnungslos. Dea dabarmt si und wui da Berghammerin de Uhr schenga, oba da Benno siagt’s ois Bstechungsvasuach.
Dawei hom de Kriminoitechnika außagfundn, doss as vaschwundene Bischofskreiz woahrscheinli de Moardwoffn is, wei dea in ara Kopfwundn sichagstejte Rubin scheinboar genau dazuapasst. Außadem is a obgrissne Applikation mid Hautpartikln van Opfa gfundn worn. De Afschrift fiaht de Kommissar af a entlegne Beaghittn. De Buaschn, de wo dort wohnan, schlong fia Gejd ondane Leit zamm. Se gem de Attacke afn Franz Landig zua, song oba, doss ea no glebt hod, wias eam valetzt zruckglossn hom. De Aftroggeba woarn da Auktionator Berghof und da Antiquitätntandla Georg Erbacher. De zwoa gem zua, doss im Aftrog van Anwoit Rennmann de Schläga bsorgt hom. Se san, wia aa da Anwoit, van Landig mid sein Wissn um de Gschäfta mid de gfäischtn Ikona eapresst worn. Es is drum gonga, doss belostends Material van Landig kriang. Da Berghof und da Erbacher wean wega Ostiftung zun Moard vahoft.
De Nicole Posche und da Thomas Landig hom vaschwiegn, doss an Schlissl zu an Bankschliaßfoch gfundn hom, und gengan zua Bank. Im Schliaßfoch findns a Listn mid Naman und Gejdsumman. De Nicole Posche nimmt a Kopie davo ois Druckmiddl, um an Anwoit Rennmann nauszweafa, oba dea hod a Woffn und speat de zwoa in Kella. Aft foart ea zun Thomas Landig und valongt as Original. Da Anwoit schiaßt af eam und flicht. Ea moant, doss da Thomas Landig tod is, oba dea steht af, wia d’Luft rein is, und alarmiat de Polizei. De Kriminala foarn sofort zu eam. Ea gibt eana a Listn mid de Naman vo de Peasona, de wo van Franz Landig eapresst worn san, drunta da Berghof, da Erbacher, da Prälat Hinter und da Rennmann.
De Marthe Posche hoit de freigemne Bischofskrumme vo da Polizei ob. Da Anwoit Rennmann nimmts eara ob und bstejt an Prälatn Hinter hea; ea wui eam de Krumme vakafa – 200.000 Mark fia de Krumme, 70.000 Mark Provision fian Rennmann. Wia des Gschäft grod obgwicklt is, stiaman da Berghammer und de Lorenz mid an Thomas Landig im Schlepptau an Lodn. Do entdeckt da Berghammer as vaschwundene Bischofskreiz; de van Prälatn grod kafte Bischofskrumme konfisziat ea glei mid. Da Landig bedroht an Anwoit mid ara Woffn und wui wissn, wo de Nicole is. Da Brennmann varots eam. Aft eilt de Sabrina Lorenz in Kella und befreits. De Nicole ko an Thomas grod no davo obhoidn, af an Anwoit z schiaßn. Da Brennmann und de Bierling wern vahoft.
De kriminoitechnische Untasuachung van Bischofskreiz ibafiaht an Anwoit zweifllos ois Mearda van Franz Landig, obwoi da Brennmann de Tatwoffn obgwischt und sei Gständnis widaruafn hod, dmid ea da Frauke Bierling ois in d’Schuach schiam ko.
Da Benno Berghammer biat an Prälatn Hinter de Bischofskrumme fia 400.000 Mark o. Dea mechad eam obahandln, oba da Kommissar vaspricht eam, doss da Nam Hinter vo da vafänglichn Ikonenlistn vaschwindn wead, wonn ea in volla Heh zoid. Nochm obgschlossnan Handl geht da Kommissar hoam, wo de Gebuatstogsfeia vo seina Mama scho ogfonga hod. De Nicole Posche und da Thomas Landig kemman emfois und schengan da Resi Berghammer de oide Kaminuhr.
Hintagrund
WerkelnGfuimt worn is haptsächli z Däiz;[1] ois Schaublotz fia de „Pension Resi“ homs as Hollerhaus Irschnhausn heagnumma.
Kritik
WerkelnDe Programmzeitschrift TV Spielfilm schreibt: „Benno bekommt wieder unseren Zuschlag.“[2]
Im Netz
Werkeln- Bei Zuschlag Mord in der Internet Movie Database (englisch)
- Bei Zuschlag Mord bei Fernsehserien.de
Beleg
Werkeln- ↑ Bei Zuschlag Mord – derbullevontoelz.de (Memento vom 29. Aprü 2016 im Internet Archive)
- ↑ Der Bulle von Tölz: Bei Zuschlag Mord – Filmkritik bei TV Spielfilm
| Vorherige Foig 19. Jenna 1997: Tod auf Tournee |
Episodnlistn | Nächste Foig 2. Feba 1997: Bauernhochzeit |