Der Bulle von Tölz: Berg der Begierden
| Der Artikl is im Dialekt Obaboarisch gschriem worn. |
| Foig der Serie Der Bulle von Tölz | |
|---|---|
| Originaltitl | Berg der Begierden |
| Produktionsland | Deitschland |
| Originalsproch | Deitsch/Boarisch |
| Läng | 89 Minutn |
| Oitasfreigob | FSK 12 |
| Einordnung | Staffel 3, Foig 7 19. Foig insgesamt |
| Easchdausstrohlung | 22. Novemba 1998 auf Sat.1 |
| Stab | |
| Regie | Walter Bannert |
| Drahbuach | Christian Grohmann-Colella, Franz Xaver Sengmüller |
| Produktion | Ernst von Theumer junior |
| Musi | Kristian Schultze |
| Kamera | Hanuš Polak |
| Schnitt | Ingrid Träutlein-Peer |
| Bsetzung | |
| |
Berg der Begierden is a deitscha Feansehfuim van Walter Bannert ausm Joar 1998 noch on Drahbuach van Christian Grohmann-Colella und an Franz Xaver Sengmüller. Es is de 19. Foig vo da Krimiserie Da Bulle vo Däiz midm Ottfried Fischer ois Hauptkommissar Benno Berghammer. Da Fuim is zun easchtn Moi am 22. Novemba 1998 af Sat.1 ausgstroit worn.
Handlung
WerkelnIm Sessl vo an Schilift werd de Leich van Großgrundbesitza Kaspar Schoder entdeckt; ea is vo an Schisteckn afgspießt worn. De Kriminala Benno Berghammer und Sabrina Lorenz eamittln, doss am Dog vorhea de Valobung vo an Kaspar Schoder sein Sohn Sepp mid da Vroni Röckl stottgfundn hod – gegan Wuin van oidn Schoder, dea wo gfiacht hod, doss d’Vroni nua hintan Gejd hea is.
Da Tode is ois totala Gegna vo ara Eaweitarung van Schigebiet bekannt. Des hod aa da Fremdnvakehrsdirekta Reinhard Unholzer gmeakt, dea wo mid an Schoder lang um an Vakauf vo sein Beagobschnitt grunga hod. Aa de Famij Röckl, de wo afm Hirschberg in da Näh vo da Beagstation a Schihittn betreibt, hod a Moardmotiv ghobt, weis vo da Easchliaßung vo neie Schigebiete, de wo da Schoder bishea vahindat hod, profitian dadad.
Da Tode hod an Kassenbon vo on Copyshop eistecka ghobt. So finden de Kriminala außa, doss da Kaspar Schoder a geologischs Guadochtn kopiat hod, des wo prognostiziat, doss in de nächstn 50 Joar mid gwoitigan Obrutschungan grechnt wean muass, wonn da Sidhang van Hirschberg obghoizt wead. De Investorengruppn hod no a zwoats Guadochtn in Aftrog gem, des wo de Unbedenklichkeit vo ana Obhoizung bscheinigt, und des an Sepp Schoder zuagspuit, dea van uaspringlichan Guadochtn nix gwisst hod. Wia ra duach de Polizei vo da Existenz vo zwoa Guadochtn eafoart, schlogt ea a alternative Variante vor, wia ma as Schigebiet aa ohne an Sidhong eaweitan ko. Midm Vakauf is ea oba nua eivastondn, wonn da Fremdnvakehrsdirekta nausgschmissn wead. Zun Unholzer sein Leidwesn san de Investoren und da Buagamoasta eivastondn.
Da Kommissar Berghammer hod an Vadocht, doss oana aus da Famij Röckl hinta dem Moard steckt, oba wei ea koane Beweis ned hod, bitt ea an Sepp Schoder um Mithuif: Ea soi da Famij vo seina Valobtn de finanzielle Untastitzung vaweigan. Wia de zwoa Kommissar de Famij Röckl afsuachan, frogt da Vroni ia Bruada Alfons, warum’s olle af se obgseng hom, de Polizei soi doh an Sepp Schoder frong, wei dea am moastn van Moard profitiat. Fia Gejd kunnt ma si jo ebban bsoang, dea wo an Moard begeht. Da Röckl senior wiaft ei, doss doh ajeda woaß, doss da Sepp Schoder sein Voda zun Vakauf ibaredn woid, bis ea wegan Guadochtn, des wo an Beagstuaz voraussogt, eiseng hod miassn, doss sei Voda recht hod. Und so häd da Sepp gwisst, doss nua oa Lösung gibt. Da Kommissar Berghammer frogt an Karl Röckl, wohea ea wos vo dem Guadochtn woaß; do sogt dea, da Kaspar Schoder häd’s eam vor ungfähr zwoa Wochan zoagt. Mid dera Aussog entlarvt ea si sejba ois Liagna, wei da Kaspar Schoder eascht a poar Stundn vor sein Tod vo dem Guadochtn eafoarn hod. Drum beschuidigt da Berghammer an Karl Röckl, doss ea noch da Valobungsfeia an Kaspar Schoder dastocha und eam as Guadochtn obgnumma hod, und sogt, ea soi’s außagem. Do hoit da Röckl junior as Guadochtn aus an Schublodn und sogt, es häd aus an Schoder seina Jackn außagschaugt, do häd ea’s hoid midgnumma. Da Karl Röckl sogt, doss sei Bua liagt, oba da Alfons hoid dageng, doss nua da Täta woaß, wo de Moardwoffn is. Ois Motiv gibt ea o, doss ea noch da Valobungsfeia an Streit zwischn an Kaspar und an Sepp Schoder mitkriagt hod, wo da Schoder senior afs Neie an Vakauf obglahnt hod, und do is eam kloar worn, doss olle, de wo van Tourismus lem, nua donn a Zuakunft hom, wonn da oide Schoder weg is.
Nemhandlung
WerkelnAn Kommissar Berghammer sei Muada Resi wui ian „Original Tölzer Streuselkuchen“ in da gonzn Region vamoarktn. S Rezept hods vo ara inzwischn gstormnan Tant aus Niedabayern kriagt. Se kafft zwoa neie Bochefn und a Toagrihrmaschin und findt aa on Obnehma fian Kuacha. Dea dadad eara liaba as Rezept obkafa und sejba produzian, oba de Gschäftsidee wuis ned aus da Hond gem, nimmt an Kredit vo 30.000 Mark af und kafft de Schihittn vo da hoch vaschuidetn Famij Röckl; ois Biag muass da Benno heahoidn. As Peasonal wiabts kurzahond vorm Orbatsamt o, weis an Papierkram spoarn und iare Leit schwoarz zoin wui.
Wia de Berghammerin eafoart, doss bei ara Eaweitarung van Schigebiet afm Beag a riesigs Sejbstbedienungsrestaurant baut wean soi, siagts iare Existenz bedroht und vakafft de Schihittn iam Bankberoda, dea wo oba nua 15.000 Mark zoin wui. De Restschuidn deckts duach an Vakauf van Streislkuacharezept samt Bochefn und Toagrihrmaschin.
Hintagrund
WerkelnGfuimt worn is z Däiz und am Spitzingsee (Hirschberg);[1] ois Schaublotz fia de „Pension Resi“ homs as Hollerhaus Irschnhausn heagnumma.
Kritik
WerkelnDe Programmzeitschrift TV Spielfilm schreibt: „Schmackhafte ‚Original Tölzer‘ Krimiware.“[2]
Im Netz
Werkeln- Berg der Begierden in der Internet Movie Database (englisch)
- Berg der Begierden bei Fernsehserien.de
Beleg
Werkeln- ↑ Berg der Begierden – derbullevontoelz.de (Memento vom 29. Aprü 2016 im Internet Archive)
- ↑ Der Bulle von Tölz: Berg der Begierden – Filmkritik bei TV Spielfilm
| Vorherige Foig 16. August 1998: Tod in der Walpurgisnacht |
Episodnlistn | Nächste Foig 7. Feba 1999: Tod aus dem All |