Der Bulle von Tölz: Tod in der Brauerei
| Der Artikl is im Dialekt Obaboarisch gschriem worn. |
| Foig der Serie Der Bulle von Tölz | |
|---|---|
| Originaltitl | Tod in der Brauerei |
| Produktionsland | Deitschland |
| Originalsproch | Deitsch/Boarisch |
| Läng | 95 Minutn |
| Oitasfreigob | FSK 6 |
| Einordnung | Staffel 2, Foig 5 9. Foig insgesamt |
| Easchdausstrohlung | 16. Feba 1997 auf Sat.1 |
| Stab | |
| Regie | Walter Bannert |
| Drahbuach | Claus Peter Hant |
| Produktion | Ernst von Theumer junior |
| Musi | Kristian Schultze |
| Kamera | Hanuš Polak |
| Schnitt | Ingrid Träutlein-Peer |
| Bsetzung | |
| |
Tod in der Brauerei is a deitscha Feansehfuim van Walter Bannert ausm Joar 1997 noch on Drahbuach van Claus Peter Hant. Es is de neinte Foig vo da Krimiserie Da Bulle vo Däiz midm Ottfried Fischer ois Hauptkommissar Benno Berghammer. Da Fuim is zun easchtn Moi am 16. Feba 1997 af Sat.1 ausgstroit worn.
Handlung
WerkelnD’Franziska Bachmaier woart vor da Kiach af ian Braitigam Ludwig. Da Franziska ia Tant Magda mocht koa Gheimnis draus, doss gega de Heirad is. Wia da Ludwig ned eascheint, suachans eam ibaroi. D’Franziska findt eam tod im Gästzimma vo da Brauarei vo iam Voda. Da Ludwig is vo Obgase vagift worn, de wo duach an Schlauch vo an lafadn Auto ins Zimma neiglossn worn san. Es schaugd ois wia ra Sejbstmoard aus. Da Franziska Bachmaier ia Bruada Gustl is ibazeigt, doss da Braubuasch Ludwig mid da zuakinftign Leitung und Saniarung van marodn „Däiza Brauhaus“ ibafordat woar und si drum umbrocht hod. Da Tobias Kuppenbauer schliaßt an Suizid kategorisch aus, wei sei Spezl Ludwig eascht vor kuazm hoamli de Braumoastapriafung obglegt und konkrete Saniarungsplän fia de Brauarei gfosst hod. Drum glam de Kriminala Benno Berghammer und Sabrina Lorenz aa ned on an Sejbstmoard und woin außakriang, wea am moastn vo an Ludwig sein Tod profitiat.
Da Dollinger vo da Berlina Großbrauarei „Katzenbräu“ wui da Franziska Bachmaier as „Däiza Brauhaus“ obkafa, oba de is ned intressiat; se wui de Brauarei ibanehma und sanian. Bei da Bank handlts aa glei a Kreditzuasog aus.
Da Gustl Bachmaier foart an Sportwong, dea wo an „Katzenbräu“ gheard; ea is fia de Fiama af Ibiza fia an Vatrieb vaontwortli. Ea hod vorhea de ejtaliche Brauarei gfiaht, oba sei Voda hod eam de Funktion weggnumma, wei ea an Betrieb an „Katzenbräu“ vakaffa woit.
De Baufiama van Buagamoasta Franz Wegener soi fian „Katzenbräu“ a Ausliefarungsloga baun. Fia des hod da Wegener as „Däiza Brauhaus“ ois idealen Standort entdeckt, wei bei ara Schliaßung noch da 300 Joar oidn Grindungsuakund as Grundstick wieda ans Klosta zruckfoin dadad. Und weis Klosta dringad a Gejd braucht, mocht da Wegener an Prälatn Hinter a großzigigs Ogebot, dmid ea as Grundstick kriagt. Außadem schickt ea de Gewerbeaufsicht zua Brauarei und warnt an Bankogstejdn vor da Famij Bachmaier, de wo bei deara Konkurrenz praktisch koa Schaas ned hod, doss an Kredit zruckzoin ko – mid Eafoig: De Bank ziagd de Kreditzuasog zruck. A de Hopfnliefarunga bleim aus, wei da Dollinger umanandvazejhd, doss de Brauarei pleite is.
Wia de Kriminala außafindn, doss de Magda Bachmaier jedn Omd um de gleiche Zeit im „Klosterbräu“ a Bia trinkt und danoch mid iam Hund an Rundgang duach de Brauarei mocht, is eana kloar, doss gwisst hom muass, doss as Gosthaus afs Bia van „Katzenbräu“ umgstieng is. Außadem muass mitkriagt hom, doss da bsoffane Ludwig noch an Poitaomd van Tobias Kuppenbauer und an Braumoaster Sepp hoambrocht worn is. Draf ogsprocha, streit de Bachmaierin zeascht ois ob, gibt donn oba untan greßan Druck vo de Kriminala zua, doss an Vakauf vo da Brauarei an „Katzenbräu“ sejba eigfadld hod, oba da Ludwig iara im Weg gstondn is.
As „Däiza Brauhaus“ wui grod an Betrieb eistejn, wia da Benno Berghammer und de Sabrina Lorenz dort okemman. Se hom an Rettungsplan dabei: De Kiachn soi de Klostagrind da Bank ois Sichaheit fia de Kredite vo da Brauarei ibaschreim; dafia soi de Kiachn on da Brauarei beteiligt wean.
Hintagrund
WerkelnGfuimt worn is z Däiz, z Hoizkiacha (Brauarei) und im Klosta Benediktbeiern (Braustüberl);[1] ois Schaublotz fia de „Pension Resi“ homs as Hollerhaus Irschnhausn heagnumma.
Im Netz
Werkeln- Tod in der Brauerei in der Internet Movie Database (englisch)
- Tod in der Brauerei bei Fernsehserien.de
Beleg
Werkeln- ↑ Tod in der Brauerei – derbullevontoelz.de (Memento vom 29. Aprü 2016 im Internet Archive)
| Vorherige Foig 2. Feba 1997: Bauernhochzeit |
Episodnlistn | Nächste Foig 2. Meaz 1997: Waidmanns Zank |