Dischkrian:Österreichischa Schilling

il => üü

Letzter Kommentar: vor 10 Jahren7 Kommentare4 Personen sind an der Diskussion beteiligt

"il" wiad im Ost-Mittl-Bairischn imma zu an "ü". Oisan haassat des Klumpat durtn "Schülling". Jezan waas i oba ned, wia des im restlichen Bairischn Sprochraum is. Hobz a Idää ?--RobTorgel (dischkrian) 08:56, 18. Dez. 2014 (CET)Beantworten

Im Raum Minga werd "il" oft zu "ui" z.B. bei "viel" => "vui". Im Werdnfoisa Land z.B. z'Mittawold oda Wollga werd "il" zu "üll" oda "üü" => "viel" => [füll/füü]. Richtung Augsburg gibts aa no amoi des "üü" fia "il" z.B. Diahoppn oda Höiabooch. In Noikirchn im Pinzgau sogt ma aa "füü" meglichaweis gibts on da Westgrenz aa ra "vüll" für "viel". Weita im sidboarischn Tirolerischn bleibt "il" ois "il" dahoitn. Hinta Freising werd [il] bei viel und spielen zu "ej". Fia Schilling kenn i von de Leit ausm sidboarischn Tirol und ausm westmittlboarischn Raum Minga "Schilling". Beim sidboarischn Tirolerischn is eh klar. Bei uns Brucka, Buachhama, Mingara is aa klar wei Schilling koa Dialektwort gwen is. Do hot ma's oafach Schriftdaitsch gsogt. --Buachamer (dischkrian) 10:00, 18. Dez. 2014 (CET)Beantworten

"Schülling" hob i bei Eschreicha oba scho efta gheart. I buit ma ei, dass i's aa von an Owaestreicha kenn. Sicha bin i ma awa nimma... --Buachamer (dischkrian) 10:13, 18. Dez. 2014 (CET)Beantworten

Jo, in Östareich hoaßts Schülling. I hob bei Leidln wo Boarisch/Östareichisch redn no nix andasta gheat. (Boarisch/Rupertiwinklarisch hoaßts Schilling). I dad Schilling oda Schülling im Artike schreim. Owa Schilling ois Lemma lossn.

Wei: I siech de Eignnama, so wia aa Familiennama (wann oana Max Huber hoaßt, nacha sog I Huawa Maxl zu eam owa in ana Enzyklopädie dad i schreim: Max Huber oda Huber Max, sunstan weads uniwasichtli), wo ma in da Umgangsschproch andas sogt, owa in ana Enzyklopädie nit vaendan soit. Schilling oda Dollar hoaßn iwaroi auf da Wäit Schilling und Dollar, so weit i woaß. Desweng soit ma des ois Lemma lossn, so wia aa Euro. Wos andas is Eiropa, Deitschland oda Niambeag (für Nürnberg) wei des jo in vui Sprochn andasta hoaßt, owa bei säichan "variablen" Eignnama soit ma si im Boarischn auf oa Variantn festleng, wann ma Boarisch ois Schproch dahoidn woin. --Howan Hansi (dischkrian) 13:28, 18. Dez. 2014 (CET)Beantworten

Nojo, mia haum ja iwlichaweise den jewäulichn Standard-Nauman ois Weidaleitung. äussa: "Osterreichischer Schilling"(redirect)==>"Östareichischa Schülling". Owa so oda so, ana Meaheid schliass i mi gean au --RobTorgel (dischkrian) 13:43, 18. Dez. 2014 (CET)Beantworten

Fia "Euro" gibts scho aa vaschiedne Schreibweisn in da Wiki https://ast.wikipedia.org/wiki/Euru, https://az.wikipedia.org/wiki/Avro, https://bat-smg.wikipedia.org/wiki/Eurs, https://wa.wikipedia.org/wiki/Uro. Bei Schilling is de Schreibweis aa untaschiedle z.B. https://pl.wikipedia.org/wiki/Szyling_austriacki mit y oda https://it.wikipedia.org/wiki/Scellino_austriaco. Mi daat Schülling in am obaeschtreichischn Artikl aa ois Lemma ietz ned stearn und zum owaeschtreichischn oda Nidaeschtreichischn Dialekt daats aa guad bassn find i. --Buachamer (dischkrian) 14:01, 18. Dez. 2014 (CET)Beantworten

Da Iwagaung is fliaßend und ma kaun des net imma schoaf trennan, owa im Prinzip stimm i dem zua wos da Hansi sogt. Es gäht do nua um bstimmte Eignnauman und net um gwehnliche Lemmata. Des is natialich a Oat Konvention wo ma de Trennlinie ziagt, net mea und net weniga. Driwa kennt ma aa streidn. Lem kennt i aa mit Schülling. I kennt owa net damit lem, dass Famüliennauman vaändat wean, des is fia mi da Rubicon. --Gschupfta Ferdl (dischkrian) 15:58, 18. Dez. 2014 (CET)Beantworten

Externe Links gendad

Griass enk Autorn,

I ho 1 externe Links af Österreichischa Schilling gendat. Nehmts enk a weng Zeid und priafts mein Edit. Waans a Frog hobts, oda wann da Bot de Links, oda de Seitn ignorian soi, schaugts af da FaQ-Seitn noch, wo mehr Infos stenga. I ho de foigade Endarung gmocht:

As Archiv https://web.archive.org/web/20130226061711/http://www.oenb.at/de/ueber_die_oenb/geldmuseum/064_Sammlung/schilling-banknoten_der_oenb_2republik.jsp zan http://www.oenb.at/de/ueber_die_oenb/geldmuseum/064_Sammlung/schilling-banknoten_der_oenb_2republik.jsp dazuagschriem

Wanns mit da Iwapriafung fiati seits, kunnts da Oweisung af da Voalog foign und as Problem mit da URL korrigian.

Pfiad enk.—InternetArchiveBot (Fehler Melden) 22:24, 26. Okt. 2017 (CEST)

An Obschnit dazua doah