Helge Payer
Da Helge Payer (* 9. August 1979 in Wöhs, Owaöstareich) is a ehemoliga östareichischa Tormau, dea wos vo 2001 bis 2012 beim SK Rapid Wien im Tial gstondn is und vo 2003 bis 2011 österreichischa Fuaßboi-Nationalspüla woar.
| Helge Payer | |||
.jpg)
| |||
| Personalia | |||
|---|---|---|---|
| Geburtstag | 9. August 1979 | ||
| Geburtsort | Wöhs, Östareich | ||
| Größe | 184 cm | ||
| Position | Tormau | ||
| Junioren | |||
| Jahre | Station | ||
| 1985–1991 | SK Eintracht Wöhs | ||
| 1991–1997 | SK Rapid Wien | ||
| Herren | |||
| Jahre | Station | Spiele (Tore)1 | |
| 1997–2000 | SK Rapid Wien Amateure | ||
| 2000–2001 | → ASK Kottingbrunn (Leihe) | ||
| 2001–2012 | SK Rapid Wien | 298 (0) | |
| 2012–2013 | AEL Kalloni | 3 (0) | |
| Nationalmannschaft | |||
| Jahre | Auswahl | Spiele (Tore) | |
| Östareich U-16 | 11 (0) | ||
| Östareich U-17 | 6 (0) | ||
| Östareich U-18 | 10 (0) | ||
| Österreich U-21 | 13 (0) | ||
| 2003–2011 | Östareich | 20 (0) | |
| Stationen als Trainer | |||
| Jahre | Station | ||
| 2015–2016 | Östareich U-15 | ||
| 2015–2016 | Östareich U-19 | ||
| 2016 | Östareich U-16 | ||
| 2016–2019 | SK Rapid Wien (Tormautrainer) | ||
| 1 Angegeben sind nur Ligaspiele. | |||
Karriere
WerkelnMit Sekse hot da Helge is easchte Moi Fuaßboi gspüt, bei an klaan Varein in Wöhs. 1991 hot a gwechselt zu Rapid und seks Joahr speda hot a mit ochtzehne sein easchtn Profivatrog untaschriem, owa gspüt hot a trotzdem nua bei de Amateure vo Rapid.
Zwatausend hot erm die Rapid zum ASK Kottingbrunn ausbuagt, zum Spüpraxis saummöhn. Mit Kottingbrunn - auch Koschabräu gnaunnt - is a Master wuan in da Regionalliga. Aum End vo da Saison is er wieda zruck zur Rapid, damit ea in mittlaweu scho oidn Ansa-Toamaunn Ladi Maier ersetzn tuat. Des hod da Helge daun a gmocht.
Ea woa daunn realtiv launge Zeit Anso-golie vo Rapid und hod a im Europacup gspüt, unter aunderem gengan zoddladten Ronaldinho, gegen den a sie owa leida zwa Tialn gfaunga hot.
Da Krankl Hansi, seines Zeichens Nationaltrainer vo 2002 bis 2005, hot in Helge daun ah ins Nationalteam bestöd, wo da Helge gegen die Weißrussen ah debütiad hod. Vo 2005 wega, is fürn Helge org woan im Rapid-Tiadl. Easchtns, weu der Trainer domois im Kostn roschian hot lossen, sprich amoi da Helge, amoi wer aundast. A joahr speda hot sie des owa daun wieda eipendelt, und da Helge wor wieda Nummer ans.
Zwatausendocht is daun drunta und driawa gaungen. Easchtns woa Europamasterschoft in Östarreich und da Schweiz, und da Helge warad vielleicht Teamtoamau gwesn owa daun is wos Bleds passiad: da Helge hot si irgenda Kraunkheit eigfaunga und wor bis Fewaah im neksten Joahr valetzt. Er hot sie daunn immer wieder ohweksln miasn im Tial, zeascht mitn Koch Schurli und daun speda mitn Hedl Mundi. Mitn Mundi woa des a irrlaunges Hin und Her wer die Numma Ans sei sui oda ned. Zaummangfosst kau ma sogn dass zwa-zehn da Mundi die Numma Ans woa und zwa-öhf daunn wieda da Helge, immahin hod a is easchte Mastaschaufstspü gegen Weana Neistod gspüht und da Traina, da Pacult Peda, hot gmant er is jetzt Goimau fian Rest vo da Saison.
Eafoige
Werkeln- zwaa moi östareichischa Maasta: 2005, 2008
- Dareichn von da UEFA Champions League Gruppmfaase 2005/06
- zwaa moi bester Tormau vo da Saison laut Sportwoche
Im Netz
Werkeln
Commons: Helge Payer – Sammlung vo Buidl, Videos und Audiodateien