Hauptmenü öffnen

De UEFA Champions League is a eiropeischer Fuaßboibeweab fia Vareinsmonschoftn. De Champions League gibts oba a in ondare Kontinente und fia ondare Spuioatn. Se wiad vo da UEFA vaonstoitet. Da kloane Bruada vo da Champions League is da UEFA-Cup. Durt spuin di Monschoftn, dis net in de Champions League gschoft hom.

Inhoitsvazeichnis

GschichtBearbeiten

De Champions League haaßt eascht seit 1992/93 so, davua hots Eiropapokal vo de Londesmasta ghasn. De Idee fia den Beweab is Onfong da 50er entstondn und suit den Mitropapokal dasetzn. S easchte Mol is a im Joa 1955 austrogn wurn. Seit domois hot Real Madrid nein Moi gwunna, da FC Bayern Minga via Moi. De sponendstn Endspü aus jingara Vagongenhet san de vo 1999 und vo 2005. 1999 hot Menschester Juneited den FC Bayern Minga duach zwa Diadln in da Nochspuizeit 2:1 besiegt. 2005 hot da AC Mailand scho 3:0 gfiat, oba da FC Liverpool hot a no drei Diadln gmocht und se donn im Öfmetaschiassn duachgsetzt.

SpümodusBearbeiten

 
da Pokal vo da Champions League

Es gibt zeascht amol a Qualifikatioun im KO-Sistem. Donn san no 32 Monschoftn übrig de se in ocht Viaragruppn auftön. In dera Gruppnfasn spüt jede Monschoft sechs Spüle: Zwa Spüle gegn jedn vo di ondan drei aus ira Gruppn. De bestn zwa aus jeda Gruppn kumman donn weita in de KO-Rundn. Duat gibts donn imma a Hin- und a Rückspü. Es güt de Ausweatstoaregl. Wonns noch de 180 Minutn no unentschidn is, gibts a Valengarung (zwa Moi 15 Minutn) und wonns sei muass a Öfmetaschiassn. S Finale is nua a Spü und wiad of neitralem Bodn gspüt.

EndspüleBearbeiten

In dera Taböön siacht ma olle Finalspüle von da Champions League ob da Säson 1992/93.

Säson Stadion, Oat Gwinna Eagebnis Zwoata Plotz
1992/93 GER  Olympiastadion, Minga FRA  Olympique Marseille 1:0 ITA  AC Mailand
1993/94 GRE  Spyridon Louis, Athen ITA  AC Mailand 4:0 ESP  FC Barcelona
1994/95 AUT  Ernst-Happel-Stadion, Wean NED  Ajax Amsterdam 1:0 ITA  AC Mailand
1995/96 ITA  Olympiastadion, Rom ITA  Juventus Turin 1:1 n. V., 4:2 i. Ö. NED  Ajax Amsterdam
1996/97 GER  Olympiastadion, Minga GER  Borussia Dortmund 3:1 ITA  Juventus Turin
1997/98 NED  Amsterdam Arena, Amsterdam ESP  Real Madrid 1:0 ITA  Juventus Turin
1998/99 ESP  Camp Nou, Baßelona ENG  Manchester United 2:1 GER  FC Bayern München
1999/00 FRA  Stade de France, Paris ESP  Real Madrid 3:0 ESP  FC Valencia
2000/01 ITA  Giuseppe-Meazza-Stadion, Mäland GER  FC Bayern München 1:1 n. V., 5:4 i. Ö. ESP  FC Valencia
2001/02 SCO  Hampden Park, Glasgo ESP  Real Madrid 2:1 GER  Bayer 04 Leverkusen
2002/03 ENG  Old Trafford, Menschesta ITA  AC Mailand 0:0 n. V., 3:2 i. Ö. ITA  Juventus Turin
2003/04 GER  Arena AufSchalke, Gösnkiachn POR  FC Porto 3:0 FRA  AS Monaco
2004/05 TUR  Atatürk-Olympiastadion, Istanbul ENG  FC Liverpool 3:3 n. V., 3:2 i. Ö. ITA  AC Mailand
2005/06 FRA  Stade de France, Paris ESP  FC Barcelona 2:1 ENG  FC Arsenal
2006/07 GRE  Spyridon Louis, Athen ITA  AC Mailand 2:1 ENG  FC Liverpool
2007/08 RUS  Olympiastadion Luschniki, Moskau ENG  Manchester United 1:1 n. V., 6:5 i. Ö. ENG  FC Chelsea
2008/09 ITA  Olympiastadion, Rom ESP  FC Barcelona 2:0 ENG  Manchester United
2009/10 ESP  Estadio Santiago Bernabéu, Madrid ITA  Inter Mailand 2:0 GER  FC Bayern München
2010/11 ENG  Wembley Stadion, London ESP  FC Barcelona 3:1 ENG  Manchester United
2011/12 GER  Allianz Arena, Minga ENG  FC Chelsea 1:1 n. V., 4:3 i. Ö. GER  FC Bayern München
2012/13 ENG  Wembley Stadion, London GER  FC Bayern München 2:1 GER  Borussia Dortmund
2013/14 POR  Estadio da Luz, Lissabon ESP  Real Madrid 4:1 n. V. ESP  Atletico Madrid
2014/15 GER  Olympiastadion, Berlin ESP  FC Barcelona 3:1 ITA  Juventus Turin
2015/16 ITA  Giuseppe-Meazza-Stadion, Mäland ESP  Real Madrid 1:1 n. V., 5:3 i. Ö. ESP  Atletico Madrid
2016/17 WAL  Millenium Stadium, Cardiff ? ?

AußademBearbeiten

De Trofee um dis geht is egantlich a Wandapokal. Eascht wemmas dreimol nochanonda oda fümfmol insgesomt gwunna hot deaf ma sis ghoitn. Jetzan homs scho des sechste Trofee. Se is 62 cm groß. De Monschoftn de in da Champions League mitspün kriagn olle an Haufn Göd. Alanich fias dabeisein in da Grupnfase gibts 4,4 Mijona Euro. Zu de Premien dazua gibts a no a Fernsegöd. Es gibt a a Himne zua Champions League. Se wiad imma am Ofong von an jedn Spü im Stadion gspüt. Bei dem Liadl singans auf Englisch, Franzesisch und Deitsch. Se is an Stickl vom Geoag Friedrich Händl nochempfundn.

Im NetzBearbeiten