Der Artikl is im Dialekt Mingarisch gschriem worn.

Fuaßboi is aa wahrscheinle oane vo de Mannschaftssportoatn, de de Leit bei uns, wo ma bairisch red, om liabsten meng. Gschbuit wiad af zwoa gengüba liegende Tor' mit öif oane gega öif ondane, wobei a jeda an Boi nua mit de Fiaß in da Gengd umanandatreten deaf; Brust, Mong und Belle zeyn owa aa no. Nua da Toamo deaf an Boi in seim 16-Meda-Raum mit de Händ ograbbeln, um sei Tor zu vateidign. Dazu ziagt ea meist Hondschuch o, wos owa zu Beginn vo dera Sportoat no ned dea Foi g'wen is.

Football iu 1996.jpg

Damit koana vo de Schbieler an Radau, g'nannt Foul, mocht, gibts no d'Schiri mit de zwoa Heyfa an da Seitnlinie, de wo eahm ozeing, wenn a Schbieler im Obseits gschdondn is oda an sonsting Schmorrn g'mocht hot. As Abseits is dawei so schwaar zu vazäyn, dass des eh koa Sau kapiat, desweng lass'mas glei weg. Meah dazua und am Schbuifeyd findst unta Fuaßboiregeln.

Fuaßboi wead eigntle in alle Länder fabriziert, vo dene de meistn eahrane eigne Liga ham. Olle via Joahr treffens si dann zu de Weyt- oda Europamoastaschaften, wo se eahna Tschämpion damitteln.

Zu de bestn Fuasboier vo da Geschichte ghern außa dem Brasiliana Pele unsa Kaisa, da Franz Beckenbauer, da Lothar Matthäus und unsa Tormo Sepp Maier, in Östareich da "Hansiburli" Hans Krankl. Andere vo de guadn Fuaßboia wärn no da Lionel Messi und der Cristiano Ronaldo.

2014 hod die deitsche Fuaßboinationalmannschaft zuletzt wos gwunna, nähmlich de Wöidmoastaschaft in Brasilien. Dabei worn aa a baar Bayern wia da Bastian Schweinsteiger, da Philipp Lahm oda da Thomas Müller.

In da heidign Zeit san de bestn deitschen Fuaßballer alawei no da Thomas Müller, da Joshua Kimmich oda ois Toamo da Manuel Neuer. De drei hom 2020 mim FC Bayern Minga de Champions-League gwunna.

TuniereBearbeiten

NationalmannschaftnBearbeiten

VareineBearbeiten

Im Fuaßboi gibts vüle Profivareine, oiso soiche, bei denen de Spüla vom Varein angstöd san. De Spüla wean oiso vom Varein dafia bezoit, doss bei dem Varein spün und ned beiam ondan. Es gibt oba natirlich aa vüle Freizeitmannschaftn, oiso soichane wo de Spüla afoch nua in ira Freizeit Fuaßboi spün und ian Lebnsuntahoit mid an ondan Beruf vadienan. Zu de bekaunntestn Profivareine ghearn unta ondarem:

DeitschlandBearbeiten

ÖstareichBearbeiten

ItalienBearbeiten

SpanienBearbeiten

BrasilienBearbeiten

LignBearbeiten

Die Vareine spün donn in eanare Lign genganand. Die hechste Liga in Deitschland is de deitsche Fuaßboi-Bundesliga, in Östareich gibts aa a soichane Fuaßboi-Bundesliga.

OaganisationenBearbeiten

  • die FIFA is da wödweite Fuaßboivabaund
  • die UEFA is nua fia Eiropa zuaständig