Boarische Wikipedia

Inslstoot

A Inslstoot is a Land, wou se primea af oa oda mejrane Insln oda Inslobschnitt dastreckt. Umma 1996 han 25.2% vo de unohanging Lenda Inslstootn.[1] Inslstootn han zwengs irna Geografi vo de Konsequenzn von Klimawandl i da Regl mejnra troffn wej ondane Stootn, z. T. is des aso zwengs an affaschlejffatn Meerwossa, en einadruckatn Solzwossa u de Aswiakunga af d Vapfleḡing.

Suwerene Inslstootn u Inslstootn mid bagrenztn intanazionaln Dakkoa (Australia wiad aswej a Kontinent gseng): Dej wou koa Landgrenzn niad hom, han blou, dej iwatn grej.

Politik Werkeln

Historisch han Inslstootn wenga troffn vo politische Instabilitetn wej d kontinentoln Entsprechunga. Aa da Õtoal vo demokratischn Stootn is ba d Inslstootn generell hejcha wej ba de kontinentoln Lenda.[1] Inslstootn han owa uaft gnou d Basis vo maritimna Anektir-Akziona un Iwafell[2] u han zwengs irna Winzekait un irna grejssan Ohangekait vo Meer- u Lufdkomonikazionslinjan uaft ejara troffn vo Õgriff vo groussn, kontinentolnan Stootn.[3] Vill Inslstotn han zwengs dan wundn Punkt aa leichta driwahea zen falln fia Sellna un Inwasorn.[4] Af da ondan han s owa zwengs ira Obglenghait aa wida afwendiga õzengreiffn.

Ressuassn u Geographie Werkeln

Vill kleannane Inslstootn, wou ejtzad niad za d Industrinaziona ghejan, valoua se stoak af n Fisch aswej d primera Fouttaquelln.[5] Manchane wendn se aa, dass s wenga von n Erdialpreis obhenge han, dej daneiaborn u nouwochsatn Energiquelln zou.[6]

 
Madagaskar is dea nou da Flechn am ollagressaste Inslstoot vo Afrika.

Manchane Lenda trift da Klimawandl stiaka, u vaursacht Schlamassl wej wenga nutzbore Grindt, Wossaknapphait un ej amol a Umsidlunga. Oa tejff lingade Inslstootn han zwengs an steiḡatn Meerwossa in n Pazifik pomalad am osickan.[7] Da Klimwandl houd aa an Eifluß af d Inslstootn zwengs en eftan Aftretn vo Natuakatastrofn wej tropische Wirblstiam, Stuazflutn u Trickn.[8]

 
Japan is a Archipl in Asjen un oina vo de reichan un am mejran bvelkatn Stootn af da Welt.

Wiatschaft Werkeln

Vill Inslstootn valoua se stoak af Importt u wean stoak beitlt vo Schwankunga i da Weltwiatschaft. Zwengs da Natua vo de Inslstootn is irnane Wiatschat eftas klejnna u mejra isoliad vo Aussnhandl u -wiatschaft u mejra troffn vo Kosten fia Transpoatt. Aa d Infrastruktua wiad duach d Umwelt stiaka i Mitleiḏnschaft zong. Asnouma han midunta Japan, Taiwan u s Vaoinigta Kinereich.[9][10][11] A gwichtinga Wiatschaftssektoa is fia vill Inslstootn heitztoḡ da Turismus.[12]

 
Heisa u Landwiatschaft z Skógasafn af Island.

Zammsetzung Werkeln

Inslstootn han, trutz a poa nennasweata Asnouma, wej Indonesjen u Japan, tipischaweis ned aso stoak bsidlt.[13]

Manchane Inslstotn konzentrian se af oa oda zwou Haptinsln, wej es Vaoinigta Kinereich, Trinidad u Tobago, Neisejland, Kuba, Bahrain, Singapua, Island, Malta, u Taiwan. Ondane dastreckn se iwa hundate oda tausade kleannane Insln, wej Indonesja, d Philippina, de Bahamas, de Seyschelln u de Maledivn. Oa toaln se oa oda mejrane Insln mid ondane Lenda, wej es Vaoinigta Kinereich u Irland; Haiti u de Dominikanische Repablik; u Indonesja, wou a Insln mid Papua Neiguinea, Brunei, Oustimor u Malaysja toalt. Bahrain, Singapua u s Vaoinigta Kinereich hom festa Vabinunga wej Bruggn u Tunnln zen Festland: Bahrain is vabunna mid Saudi-Arabja duach dej King-Fahd-Bruggn, Singapua mid Malaysia duach dej Johor–Singapore-Bruggn u dej Tuas-Second-Link-Brugg u s Vaoinigta Kinereich houd a Zuḡvabinding mid Frankreich iwa n Ärmlkanaltunnl.

Geographisch wiad es Land Australja ejara aswej a kontinentala Landmassn gseng, wou scheja an ganzn australiischn Kontinent obdeckt. I da Vagangahait hod ma s midunta zwengs an Turismus[14] eftas aa a Insl ghoissn u vaoinzlt wiad s allweill nu aso gnennt.[15]

Schau aa Werkeln

Beleg Werkeln

  1. ↑ 1,0 1,1 Ott, Dan: Small is Democratic, Routledge 1996, S. 128. ISBN 0-8153-3910-0, afgrouffn 23. Miarz 2019.
  2. ↑ Chasle, Raymond: "The quest for identity. (island countries)", UNESCO Courier 1986.
  3. ↑ Perry, Walt L.; Robert W. Button; Jerome Bracken; Thomas Sullivan; Rand Corporation; United States Navy; Jonathan Mitchell: Measures of Effectiveness for the Information-age Navy, Rand Corporation 2002, S. 7. ISBN 0-8330-3139-2.
  4. ↑ WREN, CHRISTOPHER S.. Mercenary Holding Island Nation Seeks Deal . 
  5. ↑ Many of the world's poorest people depend on fish. Food and Agriculture Organization of the United Nations. 7. Juni 2005.
  6. ↑ Pacific Islands countries switch to renewable energy source due to increasing fuel prices. 17. Oktoba 2008.
  7. ↑ Leader of disappearing island nation says climate change an issue of survival, not economics. June 5, 2008. Archiviert vom Original [1] am 5. Juni 2008. Abgerufen am 7. Mai 2021.
  8. ↑ FAO: Climate change threatens food security of Pacific island countries. December 2, 2008.
  9. ↑ WTO/FORSEC Trade Policy Course for Pacific island countries. 9 March 2001.
  10. ↑ NZ calls for global solutions to problems faced by small island nations. 18. Jenna 2005.
  11. ↑ U.N. ambassador gives keynote.
  12. ↑ China enlists Pacific island countries as tourist destinations, XINHUA. , 10 August 2004. 
  13. ↑ Wen pledges new aid to Pacific countries. International Herald Tribune. April 5, 2006.
  14. ↑ Australian Naval Defence. The Brisbane Courier. 24 July 1897.
  15. ↑ China, Pacific island countries discuss cooperation at forum meeting.
Voh „https://bar.wikipedia.org/w/index.php?title=Inslstoot&oldid=837069“