Nowosibirsk
Nowosibirsk (russ. Новосибирск (
anhören?/i) is noch Moskau und Sankt Petersburg d drittgresste Stod vo Russland und d gresste Stod vo Sibirien. D Metroboin vo da Oblast Nowosibirsk in Westsibirien hod knapp 1,5 Mio. Eihwohna und vadankt d Grindung am Bau vo arana Bruck vo da Transsibirischn Eisenbahn iban Fluss Ob 1893. Heid gibts an Groußraum Nowosibirsk sechs Bruckan iban Ob, dea wos oft fast an ganzn Kilomeda broad is. Den Nam Nowosibirsk („Neis Sibirien“) hod d Stod seit 1926.
| Stadt
Nowosibirsk
Новосибирск
| ||||||
Eadkunde
Werkeln
D Stod ligt estle vom Uralgebirge am Sian vom Westsibirischn Diafland a da Zeitzone UTC+6 (3 Stundn voa da Moskauer Zeid (UTC+3)). Mim Bau vo da Eisenbahnbruck iban Ob hod da Aufstieg voram gloana Dorf zua Millionastod agfangd.
Am damolign Nowonikolajewsk is ois Symboi fian geographischn Middlpunkt vom Russischn Reich am Jea 1915 zwecks am 300-jahring Jubiläum vo da Romanow-Dynastie d Kabejn St. Nikolai baud woan. Heid is de a da Middn vom Zendrum vo Nowosibirsk stehade Kabejn a bsundane Sengswiadigkeit und a Woazeichn vo da Stod.[1] Da geographische Middlpunkt vom heidign Russland ligt iaz oba z Krasnojarsk.
Sengswiadigkeitn
Werkeln
D Stod karan Haufa Zeigniss vom Sozialistischn Klassizismus fiaweisn, zum Beispui as Opernhaus, d riesige Lenin-Statue wo do aufm Voablotz aufgsteid is, as Rodhaus, as Lenin-Haus und fei mehra. Zu de Sengswiadigkeitn vo Nowosibirsk zäind aussadem a am Afang vom 20. Joahundat bauds repräsentativs Gebeide wia da Bahnhof am Zendrum vo da Stod, oana vo de gresstn vo seina Oat in Russland, d Kunstgalerie, as städtische Heimatmuseum, as Haus vo de Offiziere sowiara an Haufa Kiachan.
D Nowosibirska sengand a gloane Kabejn, de ois Zendrum vom Russischn Zarenreiche zeid hod, am Zendrum sowia de easchtn zwe Bruckan iban Ob ois wichtigste Sengswiadigkeit vo da Stod o. Wos se de Touristn a stoag aschaund hand d Alexander-Newski-Kathedraln sowia da grousse, weidleifige Zoo.
Buidung
WerkelnIn Nowosibirsk gibts zum heidign Zeitpunkt 24 (mid Filialen vo Hochschuin aus andane Städt 34) Hochschuin, davo d Staatliche Universität Nowosibirsk, d Staatliche Technische Universität Nowosibirsk und de Staatliche Universität fia Architektur und Bauwesen Nowosibirsk. Z Nowosibirsk is a as grousse Konservatorium, und da Sietz vo da Sibirischn Sektion vo da Akademie der Wissenschaften Russlands.
Universitätn
Werkeln- Fakultät vo da Staatlichen Handelsuniversität Moskau
- Filiale vo da Staatlichen Universität Tomsk
- Russisch-Deutsche Universität
- Sibirische Staatliche Universität für Telekommunikation und Informatik
- Sibirische Staatliche Universität für Verkehrswesen
- Sibirische Universität für Genossenschaftswesen
- Staatliche Agraruniversität Nowosibirsk
- Staatliche Medizinische Universität Nowosibirsk
- Staatliche Pädagogische Universität Nowosibirsk
- Staatliche Technische Universität Nowosibirsk
- Staatliche Universität Nowosibirsk
- Staatliche Universität für Architektur und Bauwesen Nowosibirsk
- Staatliche Universität für Wirtschaft und Verwaltung Nowosibirsk
Spoat
Werkeln.jpg)
Da Eishockeyverein HK Sibir Nowosibirsk speid a da Kontinentaln Hockey-Liga.
In Nowosibirsk is da Fuaßboivarei FK Sibir Nowosibirsk dahoamd, dea wos d Stod seit 2010 a da Premjer Liga vadren duad.
Stodpartnaschoftn
Werkeln
Bolidik und Vawoidung
Werkeln
Nowosibirsk is auf zehn Stadtrajons aufteild, davo hand simme auf da rechtn Seitn vom Ob:
- Zentralny (Центральный, Stodzendrum)
- Schelesnodoroschny (Железнодорожный, Bahnhofsviadl, westle vom Zendrum)
- Oktjabrski (Октябрьский, siadle vom Zendrum)
- Dserschinski (Дзержинский, estle des Zendrum)
- Kalininski (Калининский, neadle des Zendrum)
- Sajelzowski (Заельцовский, neadle des Zendrum)
- Perwomaiski (Первомайский, Voastod siadle vom Stodgebiet)
Links vom Ob hand zwoa weidane Stodteile:
- Leninski (Ленинский, neadlicha Teil mid am zwoatn Stodzendrum)
- Kirowski (Кировский, siadlicha Teil)
Beleg
Werkeln- ↑ www.olympia-reisen.ru: (Memento des Originals [1] vom 19. August 2009 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. "Nowosibirsk"
Schau a o
Werkeln
Commons: Nowosibirsk – Sammlung vo Buidl, Videos und Audiodateien