Mario mr

Seavus Mario, schau maj, dei Atickl vu gestern is ajz unta The White Stripes (mid da richtign Grouß- and Kloaschreibung). Do konnst gern weidabastln, owa bidde ned wieda nei ooleng mit lauda Kloabouchstam :-) --Kazu89 19:37, 9. Okt. 2008 (CEST)

Seavas!

Liaba Mario mr, griaß di in da boarischn Wikipedia!

Schee, dass'd zu unsam Projekt gfundn håst, mia san üwa an jedn froh, dea bei uns mithöifn wüi. Wãnn'st Hüife brauchst, kãust di bei am jedn Wikipediana möidn oda am Stãmmdisch a Möidung åbgem.

Du håst sicha schãu midkriagt, dass då herin mea wia a Dialektvariantn viakimmd und dass a jeda sein Dialekt schreim kãu wiar a wüi. A Hüifestellung und Ãnregungen dazua gibt's auf Wikipedia:Boarische Umschrift.

Freili deaf ma a schreim, worüba ma wüi, solãng ma si drãn håit, dass d'Wikipedia in easta Linie a Enzyklopädie is. Enzyklopädie hoaßt, dass de Beiträge Wissn transpoatian soin, mid dem de Lesa wås ãufãnga kinan. Drum, wãun'st an Artikl schreibst, schreib'n bitte gscheid. Aus am Artikl mid 5 Wöata kãu ka Mensch wås leana und drauf valåssn, dass a ãndana si de Åawad ãutuad, deafst di aa ned. Zwoa oda drei sinnvolle und infoamative Åbsätz, natiali neutral gschrim, san sicha aa fia di ka Problem ned. Inhåitliche Ãnregungen zu de meistn Themen kãust da auf da hochdeitschn Wikipedia hoin.

Schau außadem bitte, dass de Artikl unta'm richting Nãmen schreibst: de "White Stripes" haaßn ned "White strips", drum håw i den Artikl schãu vaschom. Fremdspråchliche Begriffe, wia de Band zum Beispüi, soitn mid eanam Originalnãmen gschrim wean (eventuell kãu ma jå de Dialektausspråch im Artikl dazuaschreim), Nãmen vu Leid aa, oiß ãndare is im Dialekt eawünscht.

I hoff du låsst di vu de Infos ned åbschrecka und bleibst uns lãng dahåidn und måchst uns dabei aa vüi Freid. A jeda fãngd bei Nui ãu, neamt waaß glei vu Ãufãng ãu, wia's in so am Projekt zuagehd.

Scheene Griaß! → «« Man77 »» 19:53, 9. Okt. 2008 (CEST)

Danke--Mario mr 15:50, 22. Okt. 2008 (CEST)