Uptojoe

Griasde Uptojoe, gfraid ins das's di då hea zu da boarischn Wikipedia faschlång håd. Laid de guade Artikl auf Dialekt schraim, kina ma oiwai guad braucha! Wãnst Frång håst schau baim Schdãmdisch foabai oda schraib õan fu de Laid dé schã lenga dabai han. Sunst kã I da neta sång, drau di und weakl a weng! --El bes 21:07, 8. Aug. 2008 (CEST)

Hallo El bes, danke füa de Begrüßung, a por Sachn werd i scho schreibn. Wenn i wos folsch moch, donn korrigierts mi bitte. Vielleicht host du a a bissl Zeit, auf "my-happening" (siehe mei Benutzerseitn) wos zu schreibn? I kock dort am Wiki nämlich ziemlich alloan und woas nit recht wia weitertoan. --Uptojoe 21:18, 8. Aug. 2008 (CEST)

Ealich gsågt, mid da Wiki-Software ken I mi goa ned aso aus und bai de Faãnschdåitungstips kã I da a ned recht fü höfn. Wås åwa grundsezli zan sång is: Niagends earaicht ma so fü Publikum ois wia bai da oaginaln Wikipedia. D'Wikipedia Artikl wean oiwai gãns am Ãnfãng fu da Google-Suach ãnzoagt und wãnst wås schraibst, wo's sunst ned fü Infoamazion driwa gibt im Intanet, dãn güt dés wås auf Wikipedia schded, a auf da Dialektwikipedia. Dés is do a guada Grund, das ma då midmåcht, oda? --El bes 22:14, 8. Aug. 2008 (CEST)

P.S.: Wås nu zan sågn is. De Wikipedia auf Boarisch is ned iagend a Wiki-Gschicht, wo's blos um Gaudi und so ged. Es is genau dés söwe wia de Wikedia auf Daidsch oda auf Englisch mid genau den glaich hochn Qualidetsãnschbruch, blos håid das's de Schbråch då a ãndane is, nemli Boarisch. Wãns di intressiad kãnst da a Video ãnschaun, wo dés guad beschrim wiad um wås då genau ged: http://okto.tv/whatthefuckisbairisch/vorschau-wikipedia-auf-boarisch/ --El bes 22:20, 8. Aug. 2008 (CEST)

Jetzt woar a "Bearbeitungs-Konflikt". Ois weg, wos i schreibn wollt. Auf jedn Foll danke füa deine Antwortn. Werde mia de Videos anschaugn. --Uptojoe 22:32, 8. Aug. 2008 (CEST)

P.S. I wollt nu sogn, i bin a koa wiki-profi. Bei da Installation von da Wiki-Software hod mia epa kholfn. Dass i bei da wikipedia nit dabei bin liegt daron, dass mia des zu schnell geht dort (noch). Dafür bi i bei da WIKIVOYAGE dabei. Dem Veranstaltungswiki für BENACHBARTE REGIONEN wär scho gholfn wenn du einen Tipp (zb Theateraufführung, Konzertl, Festl, Ausstellung, usw.) in DEINER REGION einfügn tatst. Vielleicht dabormt sich decht oana vüa MY-HAPPENING? --Uptojoe 22:50, 8. Aug. 2008 (CEST)

Oiso, då gibt's ole méglichn Zaidungen, wo du õafåch de Faãnschdåitungen aussa kopian kintast, in Wean, wo I momentan dahoam bin, warad dés da Falta (www.falter.at), då schded ois drin wås in Wean so årennt. A klõana Insidertip warad a nu www.heimfest.at wo de gãnzn Schdudentn-Gschichtln in Ésdaraich drinan schdengan, åwa a wida meara in Wean ois wia wo ãndas. --El bes 00:21, 9. Aug. 2008 (CEST)

Danke vüa deine Tipps, i hob a por Veranstaltungstipp nach http://my-happening.com/Wien eingefügt und den Ort auf de BAR.WIKIPEDIA.ORG verlinkt. Wär super, wenn du ab und zu an Blick auf de Wean-Seite schaugn tatst und eventuell an Tipp einischreibn tats. War koa extra großa Aufwond und MY-HAPPENING war a kholfn? --Uptojoe 13:12, 9. Aug. 2008 (CEST)

Servus, Uptojoe! Gfreit mi, dass'd zu uns gfundn håst und glei dein gãnzn Eifa in des Projekt steckst. Wãun i ma fia'd Zukunft wås vu dia wünschn deafat, dãun mecht i di bittn, dass'd d'Voaschaufunktion (schau dazua d'Eaklärung auf hochdeitsch) in Ãnspruch nimmst. Durch's neiche Åbspeichan nåch jedm Gsatzl, des'd vaändast, wiad d'Veasionsgschicht unübasichtlich ([1]) und de Server unnötig vü beãnsprucht. Ansunstn dãngschee fia's Heafindn und Midschreim und bleib uns bitte lãng dahåitn! scheene Griaß, --i bin da Man77 und do kaunst mit mia redn 18:40, 9. Aug. 2008 (CEST)

Servas, Uptojoe! Leiwand dass'd mitmochst. Man77 hod ned ganz unrecht, nua de Regl güt aa fia eahm :-)) --Grantla 18:55, 9. Aug. 2008 (CEST)

Servus Man77 und Grantla, i wea in Zukunft aufn Vorausschauknopf mehra Ocht geben. Mit dem Stockholm-Artikel hob i ma epa zvill aufkolst. I wor dort auf Urlaub, dewegn hod ea mi intressiat. Jezat bin i grod im hintastn Eck vo Oschttirol. Morgn vor i wieda hoam. Sischt iss gonz nett do, muas i sogn. Da Artikl üba Mozart gfallt ma guat, den wea i a nu brauchn kennen. Im Dialekt kut ma a diem Sochvahalte guat aufn Punkt bringen. Gruß aus I.V. --Uptojoe 20:24, 10. Aug. 2008 (CEST)

Servus nu amåi! Schee dass's da gfåid då herin – Leid, de si wås zum Hackln suachan und des söiwa fertig bringan kãu gråd a kleanas Projekt wia des unsrige ned gnuag dazuakriang, drum is's üwahaupt a Problem, wãun'st da fia an Moment a z'große Påckung zum Ååaweitn (des soid iatst „abarbeiten“ hoaßn, schaud åag aus in dea Schreibweis *g*) nimmst. Gehd an jedn mãnchmåi so.

I wünsch da dãun nu vüi scheene Reisn, voa oim, wãun'st uns nåch ana jedn an Artikl üwa s'Reisezüi spendiast ;) lg, --i bin da Man77 und do kaunst mit mia redn 17:26, 12. Aug. 2008 (CEST)

Danke Man77, bei mia iss aso, dass i meistens kod 1-2 des Johr irgendwo hi kimm. Sischt bin i olm im tirola Untalond. Wenn ins nit des Fräulein bam Automatn kolfn had, nocha war i noch Stockholm a nit kemmen. gruß j--Uptojoe 16:49, 13. Aug. 2008 (CEST)

Hauptschuala erwünscht?

I kannt, falls i heuer wieda Informatik kriag, einign Schiala des wiki zoagn. De schreibn gern im Dialekt. Allerdings san de 13-14 johr olt, des muaß ma donn (inhaltsmäßig) in kauf nemmen. --Uptojoe 17:45, 12. Aug. 2008 (CEST)

Browian soidst das auf jédn Fåi, filaicht san's jå sogoa richdig guad und se kinan si jå a iagend an Wissnsberaich aussuacha, wai bai ins e nu foi fü föd. --El bes 18:38, 12. Aug. 2008 (CEST)

Åiso, du håst as dãu. An Vasuach is des auf jedn Fåi weat, nua san de bishering Beiträg nu ned wiakli wikipediatauglich. Måchst du des åis Untarichtsprojekt oda wåa des netta a Ausflug in a Wiki-System zum praktischn Kennaleana?

Beiträge wia Spore ghearadn nu ziemli vaändat; wia i drauf reagia, hängt iatst håid davãu å, wia's deina Meinung nåch weidageht. Låssn ma de Beiträg a Wochn so steh, leidet vielleicht da Ruf vu da barWP drunta, löschn ma oißig, kemman si deine Schüla hundatpro vaåaschd fia. Kãu ma si valåssn, dass aus "is a band" ("The white strips‎") nu mea gmåcht wiad, oda wåa's des vu eanara Seitn eha schãu? Auf koan Fåi mecht i nämli, dass de iatst dutznde Via-Wöata-Artikl schreim und eawåatn, dass wea ãndara wås draus måcht. Drum fråg i di, wia du des ãnleng tadst.

Bitte vasteh des ned åis Schimpftiradn, es is in easta Linie a Fråg, wia mia iatst reagian soin – sowoih im Sinn vu dem eventuelln Projekt wia aa im Sinn vu da Enzyklopädie. Auf jedn Fåi find i's supa, dass'd "frisches Bluad" einabråcht håst – des is nämli wås, wås i nämli nu ned zsãmmbråcht håb. scheene Griaß,→ «« Man77 »» 16:38, 8. Okt. 2008 (CEST)

PS: A guada ausfoamuliata Text, den ma deine Schüla empföihn kãu, is Wikipedia:Hilfe, Åbschnitt „Glei gscheid schreim“. lg,→ «« Man77 »» 16:44, 8. Okt. 2008 (CEST)

De Bend hoast übrigens "The White Stripes". --El bes 17:06, 8. Okt. 2008 (CEST)

Ebm, des außadem ;-) Drum de Gänsehaxal. → «« Man77 »» 17:11, 8. Okt. 2008 (CEST)

---

Seavas Uptojoe, mi gfreids a dassd do bist. Dassd Schüla des Wiki zoagst stört mi a ned wiaklich, i woas, dass 13 jahrige a guade Artiklschreiwa san. I söwa bin a a Schüla (olladings hob i in da HBLA glei amoi mei letzts Jåhr...) und finds a guad, waun si mehr (gewissnhåfte) Schüla, de a wås wissn, do registrian dadn.

Liawe Griaß --Ric 18:58, 8. Okt. 2008 (CEST)

Jup, i find's a toll, owa a Fråg heid i no: Soi ma an de Atikkl midbastln oda soin die Schüla söüwa lerna, dåu wås draus zum macha? --Kazu89 19:36, 8. Okt. 2008 (CEST)

Hallo Jungs,

"wir" haben nur alle 14 Tog Informatik. Des ist KEIN Projekt.

Es ist ein kleiner VERSUCH und nicht mehr.

Nächsten Mittwoch Nachmittag kommt die andere Info-Gruppe dran. Könnt' euch schon mal drauf einstellen.

Heute waren sie recht begeistert. Ob sie dann zuhause noch mal wieder kommen, weiß ich nicht. Meistens chatten sie bei tirolchat oder partyxxl.

Vielleicht schreibt ihr auf die Diskussionsseiten von den Schülern, ob sie ihre Artikel weiter machen oder nicht. Wenn sie nicht reagieren, könnt man die Artikel dann löschen? Ich habe ihnen gesagt, dass hier auch andere user sind.

gruß j--Uptojoe 20:51, 8. Okt. 2008 (CEST)

@Uptojoe - prinzipiell kinatn ma de Artikl daun löschn. Owa fois z.B da Artikl vo Sum 41 vom Benutzer:Mario mr nimma weidagschriem wern soite, kinat I den gern weidaschreim, des måcht ma iwahaupt nix aus. S'wichtigste is jå fia mi, dass de Schüla a freid am schreim vo Artikln griang, und do muas ma eana eifoch nu a wengal Zeid gem. Owa danke, dassd de Schüla auf de barwiki aufmerksam gmocht host MFG --Ric 21:04, 8. Okt. 2008 (CEST)

Hallo Ric, wegn Artikln schreim ku i nix versprechn. Wia gsog is es nua a Vasuch und koan groaß angelegte Soch.I war mit Schuala nu nia auf an wiki untawegs. Schaun ma amoi.--Uptojoe 21:17, 8. Okt. 2008 (CEST)