Roa am Lech
| Der Artikl is im Dialekt Westmittlboarisch gschriem worn. |
Roa (amtli: Rain) is a Stod im schwabischn Laundkroas Doana-Rias und Siiz va da Vawoitungsgmoaschoft Roa am Lech.
| Woppn | Deitschlandkoatn |
|---|---|
|
 Huif zu Koatn |
| Basisdotn | |
| Bundesland: | Bayern |
| Regiarungsbeziak: | Schwoom |
| Landkroas: | Doana-Rias |
| Vawoitungsgmoaschoft: | Roa am Leech |
| Hechn: | 402 m ü. NHN |
| Flächn: | 77,12 km2 |
| Eihwohna: | 8897 (31. Dez. 2015) |
| Bevökarungsdichtn: | 115 Einwohner je km2 |
| Postleitzoi: | 86641 |
| Voawoien: | 09090, 08276 (Hagenheim, Wallerdorf), 08432 (Etting, Gempfing, Staudheim) |
| Autokennzeichn: | DON, NÖ |
| Gmoaschlissl: | 09 7 79 201 |
| Address vo da Stadtvawoitung: |
Hauptstraße 60 86641 Roa Rain |
| Webseitn: | |
| Buagamoasta: | Gerhard Martin (SPD) |
S'ligg sou 40 km neadli va Augschburg, gaunz nachad ba da Mündung vom Leech in d' Doana. Voa da Gebietsrefoam zum 1. Juli 1972 hoot dia Stood zum Laundkroas Neiburg an da Donau gheat.
Stoodgliederung
WerkelnDüüing, Ejdding (mit Dejdding, Bruunnahouf und Koupfmüü), Gejmpfing (mit Ibaacka), Middlschtejn (mit Neihouf), Oubabeiching (mit Sejgmüü), Soia, Stauda, Untabeiching, Wejchtaring, Woiadoaf
Nochbargmoana
WerkelnGschichtn
WerkelnD' easchte Erwähnung va da Stod is am 4. Juli 1257 in a Urkundn vom Kloaschta Niederschönenfeld, s' wead doo ois „civitas nostra“ (lateinisch: unsare Stod), ois heazogliche Stood, bezeichnet. Mit groaßa Wohrscheinlichkeit vadaunkt Roa sei Grindung am boarischn Heazog Otto II. zwischn 1248 und 1253, spataschtns aba am Heazog Ludwig am Strengen voa 1257. Wegs dem is dia Oatschoft Bruckloch, a weani weida sidlich Richtung Düüing, umgsiedlt woan. Hejnt gibts blouß nou a Brucklochama Stross, wos va dem Doof ibabliim is. Da wohre Grund fia dia Stoodgrindung sejn wohrscheinlich wüddschoftliche und strategische Grind wia dia Sicharung vom Kuafiaschtntum Boan nooch Noadwejschtn gween. Dia Stood Roa hoot an heazoglichn Zui an da Leechbruck ejgnoumma.
1372 hoot Roa dia niedare Grichtsborkeit valiecha kriagg und is oiso Siiz va am heazoglich-boarischn Laundgricht woan.
1394 hoot dia Stood s'Umgödrecht aus da Soizniedaloog kriagg. Da Soiz-, Waii-, Viech-, Eisn- und Brucknzui hoot Roa innahoi va Boan dia drittheakschtn Ejnauma nooch Inglstood und Friberg brocht.
Dia Rechta sejn no nooch'm Laundshuata Eabfuigekriag 1505 valoan gaunga. Ba dem Kriag is no Grindung va Pfoiz-Neibuag gween, wejsweeng Roa iatzad Grejnzstood in drei Richtunga woan is. Nur in Richtung Sidn und Sidouschtn is koa Ausland gween.
In da Schlocht ba Roa im Dreißgjaarign Kriag hoot am 14./15. Aprüü 1632 da Graf von Tilly mit da boarischn Armee vageblich vasuacht, Kejni Guschtav Aduif va Schwedn ba Roa an Ibagang nooch Boan zum vaweahn. Da kaisaliche Föjdherr hoot si mit seine Truppn nooch Inglstood zruckziacha mian und is sööm am 30. Aprüü 1632 wega a Schussvaletzung am Fuaß gschtoam.
1806 is Roa und Umgebung am neian Kroas Oitmüükroas zuagoadnet woan, 1810 am Oubadoanakroas.
Dia Refoam, dia am 29. Novejmbba 1837 düüch an Kejni Ludwig I. vaoulosst woan is, hoot da Stood sei niedare Grichtsborkeit gnoumma. S'Laundgricht Roa is ab 1838 zum neian Regierungsbezirk Oberbayern gwechslt. Seit 1862 iss am neian Beziaksaumt Oacha zuagoadnet woan, ob 1880 am schwabischn Beziaksaumt Neibuag an da Doana. S'Aumtsgricht Roa is 1932 Spoormoßnauma zum Oupfa gfoin.
Am 1. Juli 1972 hoot no düüch dia Gebietsreform in Bayern dia lejtschte Vaejndarung in da Laundkroaszuageherigkeit stottgfuuna. Dia urspringlich oitboarische Stood Roa und sei Umlaund sejn schwabisch bliim (im Gegnsotz zur Stood Neibuag) und sejn zum neian Laundkroas Doana-Rias kejmma.
Zwischn 1972 und 1978 hoot si dia Stood düüch dia Ejgmeindung va dia bis doohi söbstäindign Gmoana Düüing, Ejdding, Gejmpfing, Middlschtejn, Oubabeiching, Soia, Stauda, Untabeiching, Wejchtering und Woadoof gaunz schea vagreaßat.
Mit am gaunzjaarign Programm - Konzerte, Ausstöiunga, Voatrejg, Untahoitung, Fejschta und Aktiouna – hoot Roa im Joar 2007 das 750-jaarige Jubiläum va da easchtn uakundlichn Eawähnung begaunga.
Vom 29. Moa bis 23. Auguscht 2009 hoot z'Roa dia boarische Regionalgortnschau "Natua in Roa" stottgfuuna.
Bolitik
WerkelnWoppn
WerkelnDia Woppnbeschreibung lautet: Geteilt; oum in Schwooz da heeschauate, roat krönte Schejl va am guiddign Löwen, untn gwejckt va Süüba und Blau.
Stadtaportnaschoft
Werkeln- Tougan in Burkina Faso – seit 18. Jejnna 1974 (Provinzhauptstood in da Nachad va da Sahelzouna im ehemalign Obervolta).
Persönlichkeitn
Werkeln- Johannes Bayer (Jurischt und Erstöia va da Uranometria, 1562–1625)
- Franz Lachner (Musiker, 1803–1890)
- Ignaz Lachner (Musiker, 1807–1895)
- Vinzenz Lachner (Musiker, 1811–1893)
- Georg Tannstetter – ghoaßn Collimitius (Gelehrter und Humanischt, 1482–1535)
- Ernst Kaiser (Laundschoftsmoia, 1803–1865)
- Johann Pollak (Büddhaua, 1843–1917)
- Joseph von Weber (Natuawissnschaftla und Geischtlicha, 1753–1831)
- Michael Raucheisen (Pianischt und Liadbegleita, 1889–1984)
- Georg Weber (Unternehmer, 1910–1986)
Filmografie
WerkelnZ'Roa hoot da boarische Regisseur Franz Xaver Bogner dia Außnaufnauma va seina neiaschtn Serie, Der Kaiser von Schexing draht.[1]
Im Netz
Werkeln
Commons: Roa am Lech – Sammlung vo Buidl, Videos und AudiodateienBeleg
Werkeln
|
Alerheim | Amerdingen | Asbach-Bäumenheim | Auhausn | Buchdorf | Daiting | Deiningen | Doanaweat | Ederham | Ehingen am Rias | Forham | Fremdingen | Fünfstetten | Genderkingen | Hainsfarth | Harburg (Schwoom) | Hohenaltham | Huiza | Huisheim | Kaisham | Maihingen | Marktoffingen | Marxham | Megesham | Mertingen | Mönchsdeggingen | Monham | Möttingen | Munningen | Minschda | Niedaschönenfeld | Nördlingen | Obandorf am Lech | Oettingen in Bayern | Otting | Raigli | Roa am Lech | Reimlingen | Tagmersheim | Tapfham | Wallerstoa | Wechingen | Wemding | Wolferstod |