Da SK Sturm Graz is am 1. Mai 1909 ois Grazer Fußballclub Sturm gründet g'woatn. Noch ana Legend hom die Gründer an Noman Sturm g'numan wal an dem Tog a Sturm in Graz g'wütet hot. Wohrscheinlich kumb der Noman owa vom DBC Sturm Prag, der nur a por Tog voa da Gründung in Graz gastiert hot. Am Aufong woa Sturm a Gruppn vo 16 und 18 Johr olte Schüler. Im März 1912 wor die statutengerechte Gründung. 1912/13 hot as erschte Mol a Amateur-Moastaschoft des Deutsch-Alpenländischen Fußballverbandes stott g'fundn. De hot ma a auf Auhieb g'wungan. A die nächste Moastaschoft, im Johr 1913/14 hot ma g'wungan. Fost war Sturm Easchtklassig, ma hättt nur a Spül geng an Wiana Verein g'winnen mias, dem hot owa da Easchta Wödkriag dazwischen g'funkt. An Haufn Sturm-Spüla hom in Kriag ziagn miasn und san durt gstorm. Troutzdem wor Sturm aner der wenig'n Vereine der a während des Erschten Wöldkdriages Spiele austrog'n hot. Über Johre war Sturm ohne Platz, bis ma 1919 a Wiesn an da Eickn Jakominigürtel/Klosterwiesgasse an Plotz g'funden hot. Der besser bekonnt is als Graubn. Am 20 Aprül 1919 wor mit Hakoha easchtmols a Wianer Verein zu Gost bei Sturm. As Spül hat ma knapp mit 2:3 valurn. Am Tog drauf hot ma die Wianer owa 1:0 gschlagn. Am 20. Juli 1919 hot da Deutsch-Alpenländische Fußballverband Sturm ols easchtklassig erklärt. Um 1920 herum hot ma neben da Fuaßbollobtalung a noh a Handboll und Leichtathletikobtalung dazugründet, warum ma sich im Feba ba ana Johreshauptversammlung Grazer Sportklub Sturm g'nonnt hot.
Vareine vo da esterreichischn Fuassboi-Bundesliga 2018/19
Christian Jauk
?
Commons: SK Sturm Graz – Sammlung vo Buidl, Videos und Audiodateien