Sid-Dakota
Sid-Dakota oda amtli: South Dakota is a Bundesstoot im neadlichn mittlan Westn vo de USA. Da Nom kimmt vo de Dakota-Indiana, de wo zua Haptgruppm vo de Sioux ghean.
| Sid-Dakota | |||||
|---|---|---|---|---|---|
| |||||
| Hauptstod: | Pierre | ||||
| Stootsmotto: | Under God the people rule | ||||
| Fläch: | 199.731[1] km² | ||||
| Eihwohna: | 814.180 (Zensus 2010) (4 E. / km²) | ||||
| Mitglied seit: | 2. Novemba 1889 | ||||
| Zeit: | Mountain: UTC-7/-6 Central: UTC-6/-5 | ||||
| Häxda Punkt: | 2.207 m (Harney Peak) | ||||
| Durchschn. Hächn: | 670 m | ||||
| Diafsta Punkt: | 294 m Big Stone Lake | ||||
| Gouverneur: | Dennis Daugaard (Republikanische Partei) | ||||
| Post / Amt / ISO | SD / / US-SD | ||||
 | |||||
Sid-Dakota is 199.731 km² grouß und hod ebba 800.000 Einwohna. De gresste Stod is Sioux Falls, de Haptstod is Pierre. In Sid-Dakota gibts mearane Indianareservat, bsundas vo de Lakota. Da Bundesstoot hod innahoib vo de USA en viathechstn Bevökarungsotei vo Indianan (ebba 8%); und zwoa noch Alaska, Oklahoma und New Mexico.
Sid-Dakota is vo de Bundesstootn Noad-Dakota, Minnesota, Iowa, Nebraska, Wyoming, und Montana umgem. De Prärie (Groslond) is as dominiarende Biotop. Duachn Fluss Missouri wead da Stoot in zwoa Hejftn teit.[2] Da Großtei vo da Bevökarung lebt im Westn vom Fluss, im Ost iwawiegt as Farmlond. Im Sid-Westn lieng de Black Hills, de wo fia de Indiana a große spirituelle Bedeitung hom.
Sengswiadigkeitn
Werkeln-2_new.jpg)
- Black Hills mit dena Black Hills Hejn (Caves)
- Crazy Horse Denkmoi (Crazy Horse Memorial) - analog zu de Presidentnschädl vom Mount Rushmore is a riesigs Denkmoi mit an Kopf vom legendärn Haiptling Crazy Horse in am Beag in de Black Hills entstondn; owa aa des wead vo vui Indianan ois Sakrileg ogseng.
- Historisches Stodzentrum vo Deadwood
- Jewel Cave National Monument
- Mount Rushmore Denkmoi (Mount Rushmore National Memorial) - mit de via Presidentn: George Washington, Thomas Jefferson, Theodore Roosevelt und Abraham Lincoln im Beag einigmeißlt. Des Denkmoi guit ois "Heilignschrein" vo da amerikanischn Demokratie; fia de Indiana is des owa a Entweihung vo eanare heilign Beag (Black Hills).
- Nationalpark (State Parks)
- Custer State Park
- Bear Butte State Park
- Lake Herman State Park
Berihmtheitn
Werkeln- John Gutzon de la Mothe Borglum, Buidhaua vom Beag Rushmore
- Sitting Bull, Haiptling und Medizinmo vo de Hunkpapa-Lakota
- Seth Bullock, US-Marshal vo Sid-Dakota
- Red Cloud, Haiptling vo de Oglala-Lakota
- Crazy Horse, Haiptling vo de Oglala-Lakota
- Calamity Jane, Frontfrau und Westernhejdin z Deadwood
- Wild Bill Hickok, Revolvahejd und professionella Spuija z Deadwood
Beleg
Werkeln- ↑ Density Using Land Area
- ↑ Hasselstrom, Linda M. (1994). Roadside History of South Dakota. Missoula, S. 2–4.
Im Netz
Werkeln
Commons: Sid-Dakota – Sammlung vo Buidl, Videos und Audiodateien
|
Bundesstootn: Alabama | Alaska | Arizona | Arkansas | Colorado | Connecticut | Delaware | Florida | Georgia | Hawaii | Idaho | Illinois | Indiana | Iowa | Kalifornien | Kansas | Kentucky | Louisiana | Maine | Maryland | Massachusetts | Michigan | Minnesota | Mississippi | Missouri | Montana | Nebraska | Nevada | New Hampshire | New Jersey | New Mexico | New York | Noad-Carolina | Noad-Dakota | Ohio | Oklahoma | Oregon | Pennsylvania | Rhode Island | Sid-Carolina | Siid-Dakota | Tennessee | Texas | Utah | Vermont | Virginia | Washington | West Virginia | Wisconsin | Wyoming Bundesdistrikt: Washington, D.C. Außengebiete: Amerikanisch-Samoa | Jungferninseln | Bakerinsel | Guam | Howlandinsel | Jarvisinsel | Johnstoninsel | Kingmanriff | Midwayinseln | Navassa | Nördliche Marianen | Palmyra | Puerto Rico | Wake |