Stony Brook
Stony Brook is a Ort (unincorporated hamlet) am Noadufa vo Long Island im US-Bundesstoot New York. Ea hod 13.740 Eihwohna (2010). Bekonnt is Stony Brook voa oim fia de State University of New York at Stony Brook ('Stootliche Universität vo New York z Stony Brook'). Stony Brook gheat zua Stod Brookhaven.
| Stony Brook | |||
|---|---|---|---|
 | |||
| Log in New York | |||
| |||
| Basisdaten | |||
| Stoot: | Vereinigte Staaten | ||
| Bundesstaat: | New York | ||
| County: | Suffolk County | ||
| Koordinaten: | 40° 54′ N, 73° 8′ W | ||
| Zeidzone: | Eastern (UTC−5/−4) | ||
| Einwohna: | 13.740 (Stand: 2010) | ||
| Bevökarungsdichtn: | 916 Einwohna pro km2 | ||
| Flechn: | 15,4 km2 (ca. 6 mi2) davo 15,0 km2 (ca. 6 mi2) Land | ||
| Höhe: | 50 m | ||
| Postleitzoin: | 11790, 11794 | ||
| Vorwoi: | +1 631 | ||
| FIPS: | 36-71608 | ||
| GNIS-ID: | 2390358 | ||
Eadkund Werkeln
Stony Brook hod a Fläch vo 15,4 km², davo 15,0 km² Lond- und 0,4 km² Wossafläch. Da Stony Brook Harbor is a sumpfige Bucht vom Long-Island-Sund (Long Island Sound). Do liegt aa de Insl Youngs Island und da kloana städtische Strond Sand Street Beach.
Gschicht Werkeln
Im Gebiet vom heitign Stony Brook hom voa da eiropäischn Besiedlung de Setalcott-Indiana glebt. Da Gegend homs en Nom Wopowog (Lond on de Wossaenga) gem ghobt.
Anno 1660 hods de easchte eiropäische Siedlung gem, de wo 1685 zum easchtn Moi urkundli eawähnt worn is.
1884 is da Noma vo "Stoney Brook in" "Stony Brook" gändat worn.
Um de Joahundatwende woa Stony Brook zeitweis a beliabta Tourismusort. Wia des wieda voabei woa, hom de Bewohna voa oim vom Fiischfong glebt.
1939 hod da Gschäftsmo Ward Melville aus Stony Brook a Entwicklungsprogramm fia Stony Brook ins Lem gruafa. Seitdem is mid Stony Brook wieda beagauf gonga. Da Ort hod a neies Zentrum eahoidn, und zwoa im amerikanischen Baustui vom 19. Joahundat. 1957 is de Universität grindt woan und 1962 auf a Grundstick in Stony Brook umzong, des wo da Melville gspendet hod. De Universität is etz da domniarende Faktor in da Gegend.
Vakea Werkeln
Stony Brook liegt on da New York State Route 25A.
Es gibt aa a Station vo da LIRR (sog „L-I-double-R“; Obkiazung fia Long Island Rail Road). Da Hoitepunkt liegt zwischn Port Jefferson und Penn Station.
Sengswiadigkeitn Werkeln
- de Universität vo Stony Brook
- s Long Island Museum of American Art, History, and Carriages
- de Grist Mill a Wosamih vo 1751 (a lebendigs Museum, de Mui wead betriem)
- da Stony Brook Harbor, de Bucht vo Stony Brook
- de St. James Chapel
- da West Meadow Beach Historic District
- s William Sidney Mount House, s ehemolige Wohnhaus vom Mola William Sidney Mount
Galerie Werkeln
-
De Bucht vo Stony Brook -
De Grist Mill (Grist-Mui) -
Da Teich vo da Mui -
Long Island Museum of American Art, History, and Carriages
Berihmtheitn Werkeln
- George Booth: New Yorker Cartoonist
- Kevin James: Komika, Schauspuija, Synchronsprecha und Drehbuchautor (Doug Heffernan in da Sitcom King of Queens)
- Karsh Kale: Musika, Produzent, Komponist vo indischa Musi
- Michael Kimmel: Soziologe, Dozent on da Stony Brook Universität, Hrsg. vom Journal International Encyclopedia of Men and Masculinities.
- Stan Lee: Superhäidncomics, u. a. Spider-Man
- John Petrucci: Gitarrist, u. a. Dream Theater
- R.A. The Rugged Man: Hip-Hop
- Dee Snider: Sänga, Frontmo vo Twisted Sister (Heavy Metal)
Im Netz Werkeln
Commons: Stony Brook – Oibum mit Buidl, Videos und Audiodateien