Stootswissnschoftn

Stootswissnschoftn is de traditionoie Bezeichnung fia a intadisziplinärs Konzept deajenign Wissnschoftsdisziplinan, de se mit dem Wesn und da Oaganisation vom Stoot bfassn. Aus heitinga Sicht san des:

de Vawoitungswissnschoft;
de Rechtswissnschoft;
de Wirtschoftswissnschoft, voa ollm de Voikswiatschoftslehre und Eaffantliche Betriebswiatschoftslehre;
de Politikwissnschoft;
de Gschichtswissnschoft;
und de Soziologie.

Modeane Konzeptiona vo de Stootswissnschoftn umfassn dobei weite Teile vo de om gnenntn Disziplina, um komplexe Frogestellunga im Spannungsföjd vo Gsöjschoft, Recht und Wiatschoft begengna zum keanna. Dohea wern aa de Privatwiatschoft und den Non-Profit-Oaganisation relevante Teile vo de Disziplinan (z. B. ausgwöjte Teil vom Privatrechd und da Betriebswiatschoftslehr) in dene Konzeptiona integriert.

Historische Entwicklung

Noch da Differenzierung undProfessionalisierung vo de Rechtswissnschoftn und Voikswiatschoftslehr um 1850 hot se da Ausdruck Stootswissnschoft zum Ibabegriff fia de Nationoiökonomie entwicklt. A weidara historischa Eifluss is de Kameroiwissnschoft. Voa de Universitätsrefoaman vo de 1960a und 1970a Joahr warn Rechds- und Wiatschoftswissnschoft dohea haife in ana "Rechds- und Stootswiatschoftlichn Fakultät" zammagfasst. Vom Söjbstvaständnis vuia Wiatschoftswissnschoftla is da Ausdruck Stootswissnschoft zumeist a rein historische Reminiszenz.

Aktuelle Situation

Mit da zuanehmandn Komplexität vaschiedana Frogestellunga hot ma se aaf de Voateil intadisziplinära Osätz zruckzumbesinna begonna. Grod in ana komplexa werdandn Wissnsgsöjschoft werd da Schnittstellnkompetenz in de Bereich Wiatschoft, Rechd und Gsöjschoft wieda mehra Bedeitung beigmessn. So keannan seit oanige Joahr Stootswissnschoftn wieda an vaschiedane Universitätn im deitschsprochign Raum studiert wern. De Universität Eafuat hot ois erste Universität wieda a Stootswissnschoftliche Fakultät gründt, in wöjcha Soziologn, Wiatschofts-, Rechds- und Politikwissnschoftla intadisziplinär foaschn und lehrn. Dea uaspringlich im anglsächsischn Bereich vabreitate, intadisziplinäre Studiengang Philosophy, Politics and Economics bedeant se am ähnlichn Konzept.

Stootswissnschoftn ois universitärs Studienfoch

Studienmeaglekeitn

De Universität vo da Bundesweah Minga hot ab 1988 an Diplomstudiengang obotn, dea im Heabsttrimesta 2007 in an Bacheloa/Mastastudiengang umstrukturiert worn is. Bacheloastudiengäng vo de Stootswissnschoftn wern zudem an da Universität Eafuat und da Universität Bossa obotn. Mastastudiengäng in dem Bereich keannan unta andam an da Universität in Eafuat, da Universität Potsdam, in Bossa sowia in Lünebuag obglegt wern; wobei se oi de Ogebot in eahnam inhoitlichn Zuaschnitt a bissl untascheidn. Beispuisweis is de Gschichtswissnschof a Teil vom Studium an da Universität Bossa, an da Universität Eafuat jedo ned. An da deitschsprochign Andrássy Universität in Budapest konn a Master of Laws in Vagleichanda Stoots- und Rechdswissnschoft awoabn wern. In da Schweiz gibt's entsprechande Lehrgäng an da Universität Genf und da Universität St. Galln. An da ETH Zürich absoiviern ogehande Berufsoffizier vo da Schweiza Armee den Baschelastudiengang Stootswissnschoftn. Des Studium an da Sciences Po Paris is emfois mit dem Konzept vo de Stootswissnschoftn vaeinboa. A entsprechands intadisziplinärs Grundstudium konn seit 2002 zuadem aaf dem Deitsch-Franzeasischn Campus in Nancy in Franzeasisch, Englisch und Deitsch absoiviet wern.

Karriereschansn vo Absoiventn stootswissnschoftlicha Studiengäng

Absoiventn stootswissnschoftlicha Studiengäng oabatn in ana Vuizoi vo Berufsföjda in Fach- und Führungspositiona. Obwoi da Nama a Tätigkeit im stootlichn oda zumindast stootsnahn Oabatsmoakt nahelegt, is a beträchtlicha Oteil vo de Absoiventn aa in da Privatwirtschoft und im Non-Profit-Sektoa täte. Do Stootswissnschoftla iba a multidisziplinäre und eha generoilistisch orientierte Ausbuidung vafügn, steht eahna a breits Föjd meaglicha beruflicha Perspektivn offn. Stootswissnschoftla zeichnat nem de umfassandn eigantlichn Fachkenntnis voa ollm des hohe Moß an Methodn- und Problemleasungskompetenz aus, wöjchas a wichtiga Bestondteil vo eahnana Ausbuidung is. Haife vatretane Oabatsföjda san voa ollm:

Untanehma

Voa ollm intanationoi oparierande Bankn, Vasicharunga und andane intanationoi oparierande Untanehma frong Obsoiventn vo de Stootswissnschoftn noch, do's da guit, heachst komplexe Frogestellunga aus vaschiedane Perspektivn zum betrachtn. Mit eahnana interdisziplinärn Ausbuidung, eahnane Schnittstöjn- und Methodnkompetenzn san Stootswissnschoftla da bsondas attraktiv. Dohea oabat ungefähr de Höjftn vo de Obsoiventn in dem Bereich.

Eaffantliche Vawoitung, Diplomatie und intanationoie Oaganisationa

Aafgrund vo eahnam umfassndn Fachwissn, eahnam ehana genaroilistischn Ausbuidung und eahnam bsondan Vaständnis vo Frogestellunga im gsöjschoftlichn, wiatschoftlichn und politischn Bereich, san Stootswissnschoftla fia des Oabatsföjd prädestiniert.

Berotungsuntanehma, Non-Profit-Sektoa und Wissnschoft

Aa de Untanehmens-, de Vawoitungs- und de Politikberota san wichtige Oabatgeba fia Stootswissnschoftla. A bsondas Oabatsföjd is dobei da Bereich "Government Relations", in dem's um de Beziehung vo wiatschoftlichn oda gsöjschoftliche Oaganisationa zum Stoot geht. Weidare haife vatrene Oabatsföjda san do Non-Profit-Sektoa sowia de Oabat in Denkfabrikn und da wissnschoftlichn Foaschung.