Stykkið

Stykkið [ˈstɪʰʧɪ] (dänisch: Stykket, friara Solitudo (latein fia: Einedt); boarisch weatli: s Sticki) is a Uatschoft auf d Färöer im Westn fo da Haptinsl Streymoy. Om 1. Jenna 2020 hods bei ana Flech fo 6,97 km² 40 Eiwohna ghob (Dichtn: 5,74 EW/km²). Sei Postleitzoi is FO-330 und es ghead zua Kvívíka Kommune.

S Wuat Stykkið sted im Nominativ (und in da definiatn Fuam), im Akkusativ sogg ma (á/av) Stykkið im Dativ sogg ma (í/úr) Stykkinum und im Genitiv sogg ma (til) Stykkisins. Oan, wos z Stykkið wohnd, nennd ma Stykkjamaður (weibli: Stykkjakona, neutral Stykkjafólk).

Eadkund

Stykkið ligg on ana kloan Bucht om Vestmannasund. Es bfind si glei estli fom Duaf Leynar, grenzd im Westn on Kvívík, im Nuadn on Hvalvík und im Nuadostn on Kollafjørður. Stykkið bsted aus drei Uatstei: im Duafkern, da ubwohdn Uatslog Á Heygum (Om Biichi) und da neichan Sidlung Frammi við Rætt (Hint om Pfrenga). S Duaf ligg on da Stroß 21 und is fo Vestmanna sowia fo Leynar z dareichn. Aa aufm Uatsgebiet is da eigong zum Vágatunnilin.

Gwassa

Da grejsste Fluss is d Leynará (Leynarboch), da Grenzfluss z Leynar. Ea rinnd fom Leynavatn, dea zua am Drittl z Stykkið ghead, ins Mea. Ea is mid 18 ha da grejsste natialiche See auf Streymoy. In den See rinnd d Dalá (Doiboch), da Grenzfluss z Kollafjørður im Doi fo Við Gjónna. Oi seine westlichn Nemfliss gheand z Stykkið: da Drangagil (Fejsnodlgrom), d Rættará (Pfrengaboch), d Navurtunguá, d Ærgisá (Oimboch), da Djúpagil (Diaffa Grom) und da Knuksgil. Da Grenzboch z Kvívík is d Breiðá (Broada Boch).

Seen aufm Uatsgebiet hand da Leynavatn, sowia da Heimasta-, da Fremsta- und da Niðastatjørn (Nachandsta, feansta und nidasta Weiha).

Beag

Zwoa Gipfin bfindn si im Nuadwestn fo Stykkið: da Lágafjall (kloana Beag, 663 m) und d Sneis (Stabei, 747 m). D Schoatn zwischn eana is 629 m diaf.

Gschicht

Stykkið is a Niðursetubygd, oiso a Duaf, wos im 19. oda 20. Joahunad eascht grindt woan is, wei ma mea londwiatschoftliche Fläch braucht hod. Es is 1845 grindt wuan.

Vo 1988 bis 2002 hod ma in Vágatunnilin baud, d 4940 m longe Strossnfabindung auf Vágur. Ea falaffd untam Vestmannasund und es wead a Maut falong, de owa ned hejcha is wia de fo da Feahn.

Bfejkarung^[1]

Im Netz

Commons: Stykkið – Sammlung vo Buidl, Videos und Audiodateien

Stykkið faroeislands.dk - Buidln fo Stykkið

Beleg

↑ https://statbank.hagstova.fo/pxweb/fo/H2/H2__IB__IB01/fo_vit_md_t.px/ Hagstova Forøya: Bfejkarungszoina 1985 - 2020 (färöisch).

[1] ttps://statbank.hagstova.fo/pxweb/fo/H2/H2__IB__IB01/fo_vit_md_t.px/ Hagstova Forøya: Bfejkarungszoina 1985 - 2020 (färöisch).

[1]