Brodzeid
| Der Artikl is im Dialekt Obaboarisch gschriem worn. |
A Brodzeid oda dt.: Brotzeit, aa Jausn in Estareich (dt.: Jause), is a deftiga Imbiss, dea wos uaspringli zwischn Fruahstuck und Mittogessn eignumma worn is. De Brodzeit kimmd aus Bayern und is friaha vo Bauan, Oimhiatn, Handweakan und Wondasleitln ois Zwischnmoihzeid eihgnumma worn und is heit no recht beliabt.
Zu oana Brodzeid ghean a boa Scheim Brod, vaschiedane Kaas- und Wuaschtsortn, Gsejchts und Schinkn. Dazua isst ma gern Obazdn, Eadepfekaas und Radi. De Speisn wern in da Regl afm groußn Hoiztella oda Hoizbrettl - moastns mid Bia - serviat. Weng dem haasst des in Estareich aa: „Breddljausn“. Friaha woa a Schmoizbrod da wichtigste Bstondtei vo da Brodzeid.
Literatua
Werkeln- Lydia Jackson, Hermann Wilhelm: Brotzeit, Braten, Brennsuppen: Ein literarisches Münchner Vorstadt-Kochbuch. Münchenverlag, Minga 2005. ISBN 978-3937090115