Fuaßboi-Bundesliga

De easchte Bundesliga oda a Fußball-Bundesliga is de wiachtigste Fuaßboiliga in Deitschland. Si zöhd zu di steakstn Lign in Eiuopa. Neba da easchtn gibts in Deitschland no de 2. Bundesliga und 3. Bundesliga.

Fuaßboi-Bundesliga (Deutschland) Bayern München Leipzig Stuttgart Hannover Hoffenheim Dortmund Wolfsburg Mönchengladbach Leverkusen Augsburg Schalke Köln Bremen Frankfurt Freiburg Berlin Mainz Hamburg

De Vareine vo da Deitschen Bundesliga in da Saison 2017/18

De deitsche Bundesliga gibts seid da Saison 1963/64. Momentan spün do 18 Maunnschoftn genganaund. Im Heabst is di Hinrunde und im Früjoa is donn di Rückrunde. Jeda Varein spüt zwamoi im Joa gegn an ondan. Es gibt oiso 34 Spüdog. Fiaran Sieg gibts drei Punkte, a Unentschiedn bringt an Punkt. De Punkte wean zsamzöd und damid wiad a Taböön gmocht. Wea am End von da Säson Easchta is, dea is deitscha Masta. Da Letzte und da Vualetzte miassn in de 2. Bundesliga osteign, da Drittletzte, oiso da sechzente, muass zwa Relegationsspüle gengan Drittn von da 2. Bundesliga spün. Deitscha Rekoadmasta is da FC Bayern Minga mid 25 Titln. Danoch kummen Borussia Mönchngladboch und Borussia Doatmund mid fümf und daun Werder Bremen mid via Mastaschoftn.

Rekoadspüla

da Olli Kahn hot 557 Spüle in da Bundesliga gmocht

meiste Spüle

Plotz	Spüla	Zeidraum	Varein(1)	Spüle
1	GER Karl-Heinz Körbel	1972 - 1991	Eintracht Frankfurt	602
2	GER Manfred Kaltz	1971 - 1991	Hamburger SV	581
3	GER Oliver Kahn	1987 - 2008	FC Bayern Minga	557
4	GER Klaus Fichtel	1965 - 1988	FC Schalke 04	552
5	GER Miroslav Votava	1976 - 1996	Werda Bremen	546

meiste Goi

Plotz	Spüla	Zeidraum	Varein(1)	Goi
1	GER Gerd Müller	1965 - 1979	FC Bayern Minga	365
2	GER Klaus Fischer	1968 - 1988	FC Schalke 04	268
3	GER Jupp Heynckes	1965 - 1978	Borussia Mönchngladboch	220
4	GER Manfred Burgsmüller	1969 - 1990	Borussia Doatmund	213
5	PER Claudio Pizarro	1999 -	Werda Bremen	190

¹ augehm is dea Varein, fia den da Spüla di meistn Spüle gmocht oda ebn di meistn Goi gschossn hot