Deging am Inn

Deging am Inn Töging a.Inn
Basisdatn
Bundesland:	Bayern
Regierungsbeziak:	Obabayern
Landkroas:	Landkroas Oidäding
Koordinatn:	48° 15′ N, 12° 34′ O
Hechn:	398 m ü. NN
Flächn:	13,65 km²
Eihwohna:	9196 (31. Dez.. 2015)
Dichtn:	674 Eiw. pro km²
Sonstige Datn
Postleitzoi :	84513
Vorwoi:	08631
Kfz-Kennzeichn:	AÖ, LF
Gmoaschlissl:	09 1 71 132
Stodgliedarung:	9 omtli bekonnte Gmoatei
Adress vo da Stodvawoitung:	Hauptstraße 26 84513 Töging a.Inn
Hoamseitn:	www.toeging.de
Politik
Easchta Buagamoasta:	Dr. Tobias Windhorst (CSU)
Log vo da Stod Deging am Inn Töging a.Inn im Landkroas Oidäding

Deging am Inn (amtli: Töging a.Inn) is a Stod im obaboarischn Landkroas Oidäding. Im Joar 2015 sand 9196 Biaga zejd worn. Da deazeitige Easchte Buagamoasta is da Dr. Tobias Windhorst vo da CSU.

Log

Deging is im Sidostn vo Bayern im Landkroas Oidäding im Inntal gleng. Deging is neadli vom Inn direkt beim Innspidz.

Gschicht

Deging hod's scho zua Zeid vo de Kejtn und de Rema gem. Do is domois a Bronse-Schwert am Inn vo am gloanan Bua gfundn worn, des vo de Kejtn kimmd. Des Bronze-Schwert is aa im Woppn vo Deging zu seng. Wia nacha s zwanzigsde Joarhundad kema is, is in Deging da Innkanoi baud worn, dea a neibauds Aluminiumweak mid Strom vasoagd hod. Des Weak is 1924 ereffnt worn. Mid'm Aluminiumweak is Deging donn aa schnej gwoxn und hod vui Oabatsstejn botn. Des Weak is donn 1991 gschlossn worn, weis oafoch z'deia worn is. Den Kanoi und des Stromkroftweak, as Wossaschloss, gibds owa nadiale imma no.

Vaeine

Da gräßte Vaein in Deging is da TUS Töging. Vom TUS Töging und vom SSV Töging is im Joar 2002 da FC Töging entstondn, de 2007 aa a neis Stadion beim Wossaschloss griagd hom. Deging is aa bekonnt fia sein Schachclub wo vui guade Schachspuia, de Oidn sowia aa de Jungan aus'm gonzn Landkroas Schach spuin.

Gwässa

Deging is a bissl neadli vom Inn gleng. Dozua gibd's aa an Innkanoi, dea in de 1920er baud worn is. In Deging is aa da Hubmuihboch. Weida neadli vo Deging is de Isen und da Isenkanoi gleng, im Ostn am Inn is da Silbersee.

Vakeah

Deging is am Zugnetz vo da Sidostbayerboh vabundn. Neadli vo Deging is de B und seit Dezemba 2006 hod Deging aa a eigne Audobohausfoaht vo da A 94.

Schuin und Kindagoatn

Deging hod drei Kindagäatn, zwoa Voiksschuin, a Berufsbuidungszentrum und a Voikshochschui. Zwoa Kindagäatn san katholisch und oana is vo da Stod. De zwoa Voiksschuin san de Rengboongschui und Comeniusschui.

Sunstigs

Deging is aa bekonnt fia eana Schwimmbod und fia eana Dreikinisinga jeds Joar.

Beleg

-http://www.toeging.de/

Im Netz

• https://web.archive.org/web/20080222220318/http://www.toeging-online.de/
• https://web.archive.org/web/20080315031614/http://www.toeging.de/
• http://www.tustoeging.de/
• http://www.fctoeging.de