Steiamoak

Der Artikl is im Dialekt Steirisch gschriem worn.

Laundesflaggn	Laundeswoppm
Steiamoak Land Steiermark


Basisdatn
Laundeshauptstod:	Graz
Greißte Stod:	Graz
Laundeshymne:	Dachsteinlied
ISO 3166-2:	AT-6
Hoamseitn:	http://www.steiermark.at/
Politik
Laundeshauptmaun:	Christopher Drexler (ÖVP)
Regiarnde Partein:	ÖVP und SPÖ
Sitzvateilung im Laundtog (48 Sitz):	ÖVP 18 SPÖ 12 FPÖ 8 Grüne 6 KPÖ 2 NEOS 2
letzte Woi:	24. Novemba 2019
nächste Woi:	voraussichtlich 2024
Bevejkarung
Eihwohna:	1.252.922 (Staund: 1. Jenna 2022)
- Raung:	4. von 9
Bevöikarungsdichtn:	76 Eihwohna/km²
Sprochn:	Deitsch
Geografie
Flächn:	16.399,34 km²
- davau Laund:	16.251,13 km² (99,1 %)
- davau Wossa:	147,61 km² (0,9 %)
- Raung:	2. von 9
Hechsta Punkt:	2.995 m (Hocha Dochstoa)
Tiafsta Punkt:	200 m (Mur östlich vo Bad Radkersburg)
Vawoitungsgliedarung
Bezirke:	1 Statutorstod 12 Bezirke
Gmoana:	286
- davau Städt:	35
- davau Moaktgmoana:	122

Die Steiamoak, aumtlich: Land Steiermark (friara Herzogtum Steyer) (slowenisch: Štajerska), is a Laund da Republik Östareich. Es is es zwoatgreßte, waun ma noch da Flächn gehd. Es grenzt an Obaöstareich, Niedaöstareich, Soizburg, es Burgenlaund und Kärnten, und im Süden aun Slowenien. Die Laundeshauptstod is Graz, die mit Obstaund greßte Stod da Steiamoak, sowia die zwoatgreßte vo gaunz Östareich.

Gschicht Werkeln

Des Laund Steia (Steyr, später Steyer) is 1056 zua Moakgrofschoft (daher a da vuikstümliche Nauman Steiamoak) erhoben wuan und 1180 vau deran Bindungan zua de Herzogtümer Bayern und Kärnten glöst wuan und zan eiganan Herzogtum Steia wuan. Kurz drauf hot mas die Babenberger und später die Habsburger in Personaüunion untastöt. Va durt weg is des gaunze Laund sche laungsaum, aba sicher immer klana wuan, waü im 15. Joarhundat is da steirische Traungau mitsaumt da joahhundertelaungan Hauptstod Steyr va Östareich anektiert wuan und Pitten haums im 16. Jh. a na weggnaumman, obwois vasprochn hobn, des Territorium vaum Herzogtum Steia zu respektiern. Nochn Ersten Wödkriag haums daun de Untersteiamork auns daumolige Jugoslawien obtreten miaßn, aba seit daumois is de Steiamoak so, wia sie is.

Charakter Werkeln

Die Steiamoak is quasi synonym mit ländlicher Idylle, so wird etwoa sämtliche ländliche Musik weithin ais steirische Musik bezeichnet (siehe a steirische Harmonika). Trotz jenam ländlichen Ruaf is de Steiamoak owa a ais Hochburg da Kuitur bekaunt, etliche große Künstler wia zan Beispü da bekaunte Liadkomponist Hugo Wolf oda da Dichter Peter Rosegger san vaun do. A da britische Reiseschriftstöller Basil Hall hod im 19.Jh. "Styria's ancient majesty" (Steyers alte Majestät) gepriasen.

Eadkunde Werkeln

Des Laund Steiamoak hod a Flächn vo 16.399,34 km² und is damit des zwoatgreißte Laund Östareichs. Es hod a 145 km launge Außngrenz mit Slowenien.

Die Steiamoak is historisch in drei Regionan gliadat. Da Flächn noch is die Obasteiamoak am greißtn. De erstreckt si vaun die neadlichn Laundesgrenzn bis zan Steirischen Raundgebiage südlich va da Mur-Miaz-Fuachn. Darunter is die Mittelsteiamoak, die si nomoi in West- und Oststeiamoak gliadat. Die Weststeiamoak liegt westlich da Mur. De Oststeiamoak liegt östlich voun da Mur und südlich vaum Wechsel und vaun die Fischbocha Oipn. Zwischn Ost- und Weststeiamoak liegt de Laundeshauptstod Graz. De regionale Eitaülung da Steiamoak is nua daun vaständlich, waun ma waß, dass friara no die Untasteiamoak gebn hod. Des woa es gmischtsprochige deitsch-slowenische Gebiet mit da Hauptstod Marburg. Des Gebiet is nochm 1. Wödkriag zu Jugoslawien kumma und gheat heit zu Slowenien.

Die Steiamoak wiad a ais „Greane Moak“ (im Tourismus a ais „Greanes Heaz va Östareich“) bezeichnet, wei rund 61 % da Bodnflächn bewoidet is und a weitas Viatl va Wiesn, Weidn sowia Obst- und Weingärtn eingnaumman wiad. Die Hauptflüsse da Steiamoak san heite Mur und Enns, historisch a Drau und Sann (In da Steiamoak zumeist ais Drave und Save bezeichnet)

Die Steiamoak hod owa a an Auntaü aun die Oipn: die neadlichn Koikoipn, vom Dochstoa übers Ennstoi in die steirischen Eisenwurzen mitm Nationalpark Gesäuse und weitas de Gebirgsplateaus zwischn Hochschwab und Rax. Weita im Südn de Niedan Tauan, Gloanoim, Seetola Oipn, Stuboim und Koaoim. Die Obasteiamoak und die oststeirische Thermenregion san wichtige Tourismusgebiete.

Statutarstod Werkeln

Laundeshauptstod Graz

Beziak Werkeln

Beziak	Vawoitungssiitz	Fläche (km²)	Eiwohna (1.1.2013)	Kfz-Kennzeichn (auslaufande)
Bruck-Miazzuaschlog	Bruck aun da Mur	2.155,82	101.245	`BM (MZ)`
Deitschlaundsberg	Deitschlaundsberg	0863,49	060.437	`DL`
Graz	Graz	0127,58	265.778	`G`
Graz-Umgebung	Graz	1.100,71	144.316	`GU`
Hortberg-Fiastenföd	Hortberg	1.219,52	089.183	`HF (FF, HB)`
Leibnitz	Leibnitz	0681,50	077.674	`LB`
Läioum	Läioum	1.099,69	062.027	`LE, LN`
Liazn	Liazn, Gröübming	3.270,37	079.040	`LI, GB (BA)`
Murau	Murau	1.384,58	028.939	`MU`
Murtoi	Judenburg	1.675,38	073.343	`MT (JU, KF)`
Südouststeiamoak	Bod Radkersburg	1.064,22	089.160	`SO (FB, RA)`
Voitsberg	Voitsberg	0678,60	051.778	`VO`
Weiz	Weiz	1.070,48	088.051	`WZ`

Aungrenzende Gebietskeapaschoftn Werkeln

Owaöstareich	Niedaöstareich
Soizburg		Burgnlaund
Kärntn	Slowenien

Panorama vo da Noadoststeiamoak vom Ringkogl

Steirische Kuchl Werkeln

De bekauntaste steirisch-kulinarische Spezialität is woascheinli s Kernöi. Bsundas bekaunt san an no weit iwa s Land ausse: Es Vahockate,^[1] de Käfabauln, da Schücha, da Steirische Junka und de Schogglad vo da Schokoladenmanufaktur Zotter. De Steiamoak is aa a Laund vo de Biabraua, bekaunt san: es Murauer, es Schladminger, es Puntigamer, es Reininghaus und es Gösser Bia.

Zua den berihmdn typisch steirischn Moizeitn zöht a da Sterz. Ea wiad auf vaschiedanste Oat gmocht und wiad oft scho in da Fruah midn Kafää gessn (voa oim da Polenta) genauso wia ois Hauptmoizeit oda zua Suppn gessn. Im sea bekauntn Voiksliad "Da Steirische Brauch" (in Gstanzlfoam) wiad vom (...) Tiaknsterz mit ana Schwaummsuppn drauf (...)" gsunga.