Bruck

Basisdotn
Bundesland:	Bayern
Regiarungsbeziak:	Obabayern
Landkroas:	Bruck
Hechn:	517 m ü. NHN
Flächn:	32,53 km2
Eihwohna:	36.843 (31. Dez. 2020)
Bevökarungsdichtn:	1133 Einwohner je km2
Postleitzoi:	82256
Voawoi:	08141
Autokennzeichn:	FFB
Gmoaschlissl:	09 1 79 121
Stadtgliedarung:	6 Stadtteile
Address vo da; Stadtvawoitung:	Hauptstraße 31; 82256 Bruck; Fürstenfeldbruck
Webseitn:	www.fuerstenfeldbruck.de
Obabuagamoasta:	Erich Raff (CSU)
Log vo da Stadt Bruck; Fürstenfeldbruck im Bruck
	Karte

Der Artikl is im Dialekt Obaboarisch gschriem worn.

Bruck (amtli: Fürstenfeldbruck) is a Grouße Kroasstod im Landkroas, der wo densoibn Nama hod. Bruck is 25 km im Nordwestn vo Minga und gheat zua Metropoiregion Minga. Offiziell hoaßts „Fürstenfeldbruck“, de Leid sogn „Bruck“ dazua, oda „Firstnfoidbruck“, oda „Feastenfejdbruck.“

Geografie

Durch Bruck laft de Ampa. Bruck is aufm hoibn Weg zwischn Minga und Augschburg.

Nachbargmoana

De Grouße Kreisstod Bruck is in da Mittn vom Landkroas Fiarstenfoidbruck. Um Bruck herum san de Gmoana: Moasa (im Nordn), Emmaring (im Ostn), Oiing und Scheegeising (im Sidn), Landschbariad und Mammadoaf (im Westn).

Stodgliedarung

Zu Bruck ghean Aich, Buchenau, Feastenfejd, Gelbenhoizn, Hasnheide, Kreuth, Lindach, Nei-Lindach, Pfaffing, Puch, Rothschwaig und Weiherhaus.

Klima

Durch sei Lage in Middleiropa is Bruck in da warmgemäßigten Klimazone. De Stod is im Übagang zwischn am feichtn atlantischen und am trucknen Kontinentalklima. Im Winta hods mera Schnää ois wia in vui anadane Gegndn, scho wei Bruck üba 500 Meta hoch ligt. Wia fast übaroi in Obabayern hots in Bruck oft an gachn Föhn. Dann komma de Berg sche seng, de Leid kriagn Kopfweh und wern manchmoi damisch.

Gschicht

Ludwig der Strenge, in da Klosterkirchn vo Feastnfejd

„Fürstenfeldbruck“ kimmt davo hea, dassd „Fürstenfeld“ und „Bruck“ zammabappt ham. „Fürstenfeld“ (Feld des Fürsten) bedeidt, dass des früher de Wittelsbacher Fürstn gheat hot. 1258 hot da Herzog Ludwig der Strenge a Kloster baun miassn, wei er sei Fraa Maria von Brabant umbracht ghabt hot.^[2] Zeascht war des Kloster in Aibling, seit 1262 wars in Oiching. De Zisterziensermönch hams aba ned lang in Oiching ausghoitn und san 1263 noch Füstenfeld ganga. „Bruck“ war scho davoa do. Der Name kimmt vo a Bruckn, de wos üba de Ampa baut ham, für de Soizstraßn, de wo vo Reichenhall üba Minga und Landsberg zum Bodnsee ganga is. Den Zoll ham die Gegenpointer fia de Welfen kassiert.

1306 is aus Bruck a Markt worn. 1425 hot ois am Klosta gheat.

St. Leonhard

1803 is des Klosta säkularisiert worn. Es hod scho damois vui Nama für Bruck gem, und drum hot de Bairische Regierung 1908 den Nama „Fürstenfeldbruck“ festglegt, damits aufheat, mit dem Durchananda. 1935 is aus dem Markt a Schtod worn.

Alpha-Jet vo dem JaBoG 49, a leichta Jagdbomber, dens in Bruck zum Waffentraining gnumma ham

Da Flugplatz Fürstenfeldbruck war friaha a großa NATO-Milidärflugplatz, davoa hot er dena Amerikana gheat, und davoa da Hitler Luftwaffe. 1935 hams bei Bruck de „Luftkriegsschule 4“ baut. De greßte Fliagaschui in ganz Reichsdeitschland hods wern solln. Bekannt is da Brucker Flugplatz woan mit seim "Kilometerbau" und ois traurige Endstation von da Geiselnahme von München. Des Milidär is seit 1997 furt, seiddem woaß kaona mehr so recht wos damit macha soin.

Bairische S 3/6 auf der Streckn bei Kaufbeiren

Bruck hod seit 1873 an Bahnhof. De Allgäubahn vo Minga auf Lindau is 1853 fertig worn.^[3] De Streckn war berühmt für sei S 3/6 Dampflokomotivn. Seit 1972 is Bruck a Bahnhof vo da Linie 4 vo da Münchner S-Bahn.

Da Landkroas hot inzwischn iwa 180.000 Leid. De Grouße Kreisstadt Germering, de wo zum gleichn Landkroas gheat, hod mea Leid ois wia Bruck. 2006 is Bruck aa a Große Kreisstadt worn.

Woppn

Woppn vo Bruck

Wie Bruck so lang zum Kloster Fürstenfeld gheat hot, hots es späd, 1813, soiba a Woppn kriegt. Des Woppn hot obn de bairischn Rautn, drunta a Bruckn mit am goidenan Kreiz.

Städtepartnerschaftn

	Livry-Gargan (Frankreich) (seit 28. Juni 1967)
	Cerveteri (Italien) (seit 29. Juni 1973)
	Wichita Falls (USA) (seit 3. Dezember 1985)
	Zadar (Kroatien) (seit 2. Oktober 1989)
	Almuñécar (Spanien) (seit 25. Juni 2005)

Kuitua

Theater

Broadaway FFB
s’Brucker Brettl
Neue Bühne Bruck
Theater 5

Literatua

Die Nachkriegsatmosphäre in Fürstenfeldbruck ist Thema des umstrittenen Romans „Trümmerkind“ des in Fürstenfeldbruck geborenen Autors Bernd Späth.

Beriamte Brucka

Ferdinand von Miller, Erzgießer, Erbauer der Bavaria
Olaf Ittenbach, Horrorfilm-Regisseur
Anna Katharina Kränzlein, Violinistin
Alexander Mazza, Fernsehmoderator
Erni Singerl, Bayerische Volksschauspielerin
Bernd Späth, deutscher Schriftsteller
Lars-Henrik Walther, Handballprofi
Oskar von Miller, Gründer vom deutschen Museum
Richard Higgins, Pilot der USAF
Dr. Owlglass (eigentlich Hans Erich Blaich) Schriftsteller, Lyriker und Redakteur beim Simplicissimus.

Beleg

↑ Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).
↑ Archivierte Kopie. Archiviert vom Original [1] am 8. Oktoba 2008; abgerufen am 29. August 2008.
↑ Archivierte Kopie. Archiviert vom Original [2] am 15. Novemba 2011; abgerufen am 14. August 2019.

Im Netz

Bruck: Woppmgschicht vom Haus der Bayerischen Geschichte

Städt und Gmoana im Landkroas Fiarstnfoidbruck

[Metadaten_Einwohnerzahl_DE-BY-1] Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).

[2] Archivierte Kopie. Archiviert vom Original [1] am 8. Oktoba 2008; abgerufen am 29. August 2008.

[3] Archivierte Kopie. Archiviert vom Original [2] am 15. Novemba 2011; abgerufen am 14. August 2019.

[1]

[2]

[3]