Kaufbeiren

Der Artikl is im Dialekt Obaboarisch gschriem worn.

Kaufbeiren
Basisdatn
Bundesland:	Bayern
Regierungsbeziak:	Schwobm (Bayern)
Koordinatn:	47° 53′ N, 10° 37′ O
Hechn:	678 m ü. NN
Flächn:	40,03 km²
Eihwohna:	43.134 (31. Dez.. 2016)
Dichtn:	1078 Eiw. pro km²
Sonstige Datn
Postleitzoi :	87600
Vorwoi:	08341
Kfz-Kennzeichn:	KF
Gmoaschlissl:	09 7 62 000
Stodgliedarung:	9 Ortstei laut Gmoateiledatei
Adress vo da Stodvawoitung:	Kaiser-Max-Straße 1 87600 Kaufbeuren
Hoamseitn:	www.kaufbeuren.de
Politik
Obabuagamoasta:	Stefan Bosse (CSU)

Kaufbeira (amtli: Kaufbeuren) is a kroasfreie Stod im bayerischn Regiarungsbeziak Schwobm (Bayern). De Stod im Allgai is komplett vom Allgai umgem.

Stefan Bosse (2010)

Eadkunde

Kaufbeiren liegd om Fluss Wertach im estlichn Allgai.

Ortstei

• Hirschzell
• Kaufbeiren (Oidstod)
• Kemnat (Kloakemnat, Großkemnat)
• Neigablonz
• Obabeuren

...

Gschicht

Kaufbeiren is aus am fränkischen Kenigshof entstondn, dea um 740 ois Vawoitungssiez und militärischs Rückzugsgebiet in da Näh vo da Grenz zum Herzogtum Bayern grindd worn is. De Herrn vo Beuren, de Gfoigsleit vo de Welfen woan, hom da geng End vom 11. Joahundad iahn Adlssiez. De easchte uakundliche Eawähnung vo Kaufbeiren woa im Joar 1126. End vom 12. Joahundad kimmt de Stod unta de Herrschoft vo de Staufer. Vo 1286 bis 1803 woa Kaufbeiren a freie Reichsstod. 1377 is de Stod vom Herzog Friedrich vo Teck und 1388 vo de boarischn Herzög vagems blogad worn. 1802 kimmd se owa donn doch no an Bayern. Seit 1939 is in am noadestli vo Kaufbeiren glengna Woidgebiet a Fabrik vo da Dynamit AG, voamois Alfred Nobel u. Co, fia de Vasoagung vo da deitschn Kriagswiatschoft mid Munition afbaud worn. Duat san Zwangsoabata ausm noheglengna Konzentrazionsloga Riederloh in Steinholz ba Mauerstetten, a Aussnstej vom KZ Dachau, eihgsezd. Noch'm Zwoatn Wejdkriag is af de Trümma vo dem Gebiet da heitige Stodtel Neugablonz, grindd vo sudetndeitschn Vatriemna aus Gablonz an da Neiße.

Bevejkarung

Bevejkarungsstruktua

De Oitasvateilung innahoib vo da Bevejkarung schaud foingdamoßn aus:

unta 15 Joa	15,4%
15–18 Joa	3,3%
18–25 Joa	7,9%
25–35 Joa	12,2%
35–60 Joa	33,6%
iwa 60 Joa	27,5%

Da Otei on Spätaussiedlan liegd mid uma 12 % relativ hoch. Zamm mid de Auslända hom in da Stod somid meah ois 20 Prozent vo da Bevejkarung Migrazionshintagrund.

Bevejkarungsentwicklung

Im Vagleich zum Vorjoa valiad Kaufbeiren 2005 insgsomd 335 Eihwohna. Laut statistischm Joabuach hom Ende 2005 nua no 43.845 Leit in da Wertachstod glebd, 2004 woans no 44.180 gwesn. Ois oanziga Stodtei woxd Obabeiren: vo 3718 af 3780 Eihwohna. A Grund fian Ruckgong da Kaufbeira Bevejkarung deafad de niedrige Gebuatnrate sei: 2005 hom nua no 344 Kaufbeira s Liacht vo da Wejd eablickd, weahnds 2004 no 387 woan. Olladings san mid 484 Leit aa 56 weniga ois im Voajoa gstorm. Des hoassd, es miassn wesndli meah Kaufbeira wegzong sei ois Neibiaga hinzua kemma san. Betroffn san olle Ortstei bis af Obabeiren. Duat hom 2005 insgsmd 62 Leit meah gleb ois a Joar z'voa. In Kaufbeiren woans 202, in Neugablonz 167, in Hirschzell 20 und in Kemnat ocht weniga. Noch wia voa san in da Meahzoih de Fraun (22.822) gengiwa de Männa (21.023). Kaum vaändad hod se de Zoih vo d Auslända: Se sinkd gonz leicht vo 3860 af 3854.

Religion

De Eihwohna vo Kaufbeiren san heit meahheidli vo katholischn Glaam. Im Zug vo da Reformazion woa Kaufbeiren owa a evangelische Freie Reichsstod worn, wos bis heit sein Ausdruck in a stoakn evangelischn Mindaheit findd (Evangelischs Haptpforramt in da Innenstod; seit 1955 eings Pforramt im Stodtei Neugablonz). Weida exisdiad a muslimische Mindaheit vo tiakischa und kurdischa Obstommung, de in Kaufbeiren a sunnitische Moschee bsuacha kenna. Weida gibds foingde kiachliche Gmoana: Evangelisch-freikiachliche, Freie evangelische, Adventistische und aa a russischsprochige Baptistngmoa, a Oidkatholische Gmoa und de Kiach Jesu Christi vo de Heilign vo d Lezdn Dog. In da Oidstod vo Kaufbeiren is vom Crescentiaklosta a Franziskanerinna-Klosta.

Politik

Stodrod

Da Stodrod hod 40 Midglieda. Bei da Kommunoiwoih vom 16. Meaz 2014 eagibd se foingde Siezvateilung:

Rodhaus

Partei/Gruppiarung	Sitz
Christlich-Soziale Union (CSU)	15
Freie Wählergmoaschoft	7
Kaufbeira Iniziative e.V.	6
Sozialdemokratische Partei vo Deitschland (SPD)	5
Bündnis 90/De Greana	4
Freie Demokratische Partei (FDP)	3

Städtpartnaschoftn und Patnschoftn

• Städtpartnerschaft mit Ferrara, Italien (seit 1991)
• Städtpartnaschoft mid Szombathely, Ungarn (seit 1992)
• Im Joar 1954 is afgrund a Oregung vom Deitschn Städtedog a Patnschoft fia de Stod Gablonz an da Neiße iwanumma, de 1981 afn gonzn Landkroas eaweidad worn is. Seit Jenna 2004 beteiligd se de Stod Kaufbeiren on da Stiftung „Zentrum geng Vatreibunga“, um kinftige Patin vo dera Stiftung z' sei.

Kuitua und Sengswiadigkeitn

De middloitaliche Stodmaua zwischn Fimfknopftuam und Blasiuskiach

Fimfknopftuam

• Fimfknopftuam (Woahzeichn vo da Stod)
• Historische Oidstod mid teiweis dahoidna, historischa Stodmaua (ko bei Stodfiahrunga aa begonga wean)
• Gerbatuam
• Hexntuam
• Kloasta Kaufbeiren (1150 grindd)
• kunsthaus Kaufbeiren
• Münztuam
• Puivatuam
• Rodhaus (noch Plän vom Georg vo Hauberrisser, baud 1879 bis 1881)
• Stodheata Kaufbeiren
• Sywollntuam
• Zoijhaisl

Kiachn

• remisch-katholische St.-Blasius-Kiach
• De remisch-katholische Stodpforrkiach St. Martin[2] gehd af on romanischn Voagängabau vom 13. Joarhundad zruck. Da Umbau im gotischn Stui woa 1438 bis 1443.
• De evangelische Dreifoitigkeitskiach[3] gehd af des vom Koasa Maximilian im Joar 1504 eawoamne Stodquartia zruck. Es is im Joar 1604 zua Kiach umbaud worn.

• 
  St. Blasius Kaufbeiren
• 
  St. Martin Kaufbeiren
• 
  Dreifoitigkeitskiach Kaufbeiren

Museen

• Feiaweahmuseum
• Isergebiags-Museum Neugablonz
• Puppntheata-Museum
• Stodmuseum

Spoat

Kaufbeiren is bekonnd fia sei Eishockeymonnschoft, an ESV Kaufbeiren, de wo 1994 Grindungsmidglied vo da Deitschn Eishockey-Liga woa und scho in de Voajoar ofdmois easchtklassig gspuid hod.

Freizeid

• All-Kart Karthoj
• Corona-Kinoplex Multiplex-Kino
• Freibod Neugablonz
• Jordan Bodepark inkl. Hojn- und Freibod

Wiatschoft und Infrastruktua

As dm middloitalichn Textilhondweak und -hondl entwickld se in da easchtn Hejfd vom 19. Joarhundad de vom Christoph Friedrich Heinzelmann (1786–1847) und ondan Midgliedan eihgsessna Kafmonnsfamijn im Joar 1839 grindde und 2005 insoivente mechanische Baamwoispinnarei und -webarei Momm. Donem buidds tradizioneje Braugweabe in Kaufbeiren on regionoin Wiatschoftsfaktoa. Vo de zeidweilig 16 in Kaufbeiren osässing Brauarein exisdiad heit olladings nua no de Aktienbrauarei. Bis zum End vom Koidn Kriag woa da duat zwischn 1933 und 1935 eihgrichdde Fliagahorst im Stodtei Obabeiren vo wiatschoftlicha Bedeitung. Seit de 1980a Joar diend'a ois Schuiungszentrum vo da Luftwaffe. Aus da ehemoling Schreibmaschiinafeatigung vo da Firma Alpina, de vo Olympia afkaffd worn is, entwickld se in de 1970a und 1980a Joar a middlständische Elektronikindustrie in da Automazions-, Mess- und Regltechnik. Weidare große Oabatgeba ghean zum effntlichn Dienst oda zum Baugeweabe. Im Stodtei Neugablonz existiad vo 1939 o a Fabrik da Dynamit AG und donn ob 1945 Glos-, Metoi- und Schmuckindustrie.

Veakeahsobindung

Stroßnnez

Kaufbeiren is on zwoa Bundesstroßn ogschlossn: de B fiahd mid direktm Oschluss n Kaufbeiren voabei und de B fiahd duach Kaufbeiren. De näxdliegnde Autoboh A 96 is uma 15 km vo Kaufbeiren entfeand; de Zufiahrung eafoigd iwa de ausbaude B 12. De A 7 (Flensburg–Fiassa) is vo Kaufbeiren aus in uma in 30 Autominutn eareichboa.

Schienavakeah

Kaufbeiren liegd on da [[Allgaiboh (Minga–Lindau)|Allgaiboh (KBS 970)]], de zwischn Minga und Lindau vakeahd. De Streckn is ned elektrifiziad. Im Feanvakeeh vo da Deitschn Bahn hoidn tägl zwoa InterCity-Zuig in Kaufbeiren. Ois Easoz fian gstrichna InterRegio vo da DB hoidd iaz da Arriva-Ländaboh-Express, kuaz: „Alex“, in Kaufbeiren, dea zwischn Minga und Obaschdoarf bzw. Lindau vakeahd. Afgrund vo da Log im eaweidadn Eihzugsbereich vo Minga und Augschburg gibds vui Pendla. Bis 1972 hod in Kaufbeiren de Nemboh Kaufbeiren–Schongau noch Schongau vo da Allgaiboh obzweigd. De Bohstreckn is middlawei zruckbaud und af weidn Tein duach on Radlweg easezd.

Luftvakeah

Sidli vo Kaufbeiren gibds'n ehemoling Militärflugploz, dea inzwischn zivui gnuzd wead.

Schuin

Grund- und Haptschuin

• Adalbert-Stifter-Voiksschui (Grundschui)
• Beethoven-Voiksschui (Grund- und Teihaptschui)
• Gustav-Leutelt-Voiksschui (Grund- und Haptschui)
• Jörg-Lederer-Voiksschui (Teihaptschui II)
• Konradin-Voiksschui (Grundschui)
• Schrader-Voiksschui (Grund- und Teihaptschui I)
• Voiksschui Hirschzell (Grundschui)
• Voiksschui Oberbeiren (Grund- und Teihaptschui I)

Feadaschuin

• Josef-Landes-Schui (Sondapädagogischs Feadazentrum)
• Ludwig-Reinhard-Schui (Stootliche Schui zua individuejn Lemsbewejtigung)

Weidafiahnde Schuin

• Jakob-Brucker-Gymnasium
• Marien-Gymnasium fia Deandl
• Marien-Realschui fia Deandl
• Private Wiatschoftsschui Frenzel e.V.
• Sophie-La-Roche-Realschui (ehemois Stootliche Realschui)
• Stootlíche Bruafsobaschui (BOS)
• Stootliche Fochobaschui (FOS)

Bruafs- und Bruafsfochschuin

• Bruafsfochschui fia Kronknpflege
• Bruafsfochschui fia Kranknpflege vom Beziak Schwobm om Beziakskronknhaus
• Fochschui fia Oidnpflege
• Stootl. Bruafsfochschui fia Glos und Schmuck
• Stootl. Bruafsfochschui fia Hauswiatschoft
• Stootl. Bruafsfochschui fia Kindapflege
• Stootl. Bruafsschui (Fochbereiche Wiatschoft und Vawoitung, Elektro-, Hoiz-, Metoi- und Foabtechnik)
• Stootl. Technikaschui fia Agrarwiatschoft

Sunstige Schuin

• Städt. Sing- und Musischui
• Voikshochschui

Beheadn

• Agentua fia Oabat Kaufbeiren
• Amtsgricht Kaufbeiren
• Finanzamt Kaufbeiren
• Landwiatschoftsamt Kaufbeiren
• Polizeiinspekzion und Kriminoipolizeistazion Kaufbeiren
• Stootlichs Hochbauamt Kempten
• Technische Schui vo da Luftwaffe 1
• Technischs Huifsweak

Berihmtheitn

Buam und Dechta vo da Stod

• Hans Magnus Enzensberger (* 11. Novemba 1929 z Kaufbeiren) is a bayerischa Dichta, Schriftstella, Iwaseza und Redakteur.
• Ludwig Ganghofer (* 7. Juli 1855 in Kaufbeiren, † 24. Juli 1920 z Tegernsee) woa a bayerischa Schriftstella, dea wo duach sei Hoamatromane bekonnd worn is.
• Loy Hering (* 1484/1485 in Kaufbeiren; † 1. Juni 1564 z Eichstätt) woa a Buidhaua vo da Renaissance.
• Daniel Hopfer da Äidare (* uma 1470 in Kaufbeiren; † 1536 z Augschburg) woa Woffnäza, Radiara und Hoizschneida. Sei kunstgschichtliche Bedeitung kriagt a ois Erfinda vo da Ätzradierung.
• Rudolf Michael Kuppelmayr (* 1843 in Kaufbeiren; † 1918 z Minga) woa a bayerischa Mola.
• Jörg Lederer (* uma 1470 in Fiassa oda Kaufbeiren – † uma 1550 z Kaufbeiren), Buidschnitza.
• Maria Crescentia Höss (* 20. Oktoba 1682 in Kaufbeiren, † 5. Aprui 1744 Kaufbeiren), Mystikarin, Theologin und Äbtissin im Franziskanerinna-Klosta Kaufbeiren. 1900 selig-, 2001 heiliggsprochn.
• Walter Riester (* 27. Septemba 1943 in Kaufbeiren), ehemoliga deitscha Bundesminista fia Oabat und Sozioioadnung (in seina Amtszedt is de sog. „Riester-Rente“ gschoffn worn).
• De Eishockeyspuia: Sebastian Furchner, Didi Hegen, Alexander Sulzer, Stefan Ustorf und Erich Weishaupt san in Kaufbeiren geboan.
• Hans Liebherr (* 1. Aprui 1915 in Kaufbeiren; † 7. Oktoba 1993 in Bulle FR/Schweiz) woa Mauramoasta, Eafinda vom mobijn Tuamdrehkran und Firmengrinda vom Baumaschiinakonzern Liebherr.
• Wolfgang Gessenharter (* 1942 in Kaufbeiren), Politikwissnschoftla, Soziologe und Theologe.
• Kunz vo da Rosen (* um 1470, † 1519), da lustige Rod vom Koasa Maximilian

Vaostoitunga

S Dänzelfest is a Stodfest, des wo olle Joar im Juli voa de Summaferien stodfindd. Es guid ois ejdasts Kindafest in Bayern.

Donem gibds aa no on Afbruch-Umbruch, a Kaufbeira Foschingsvaostoitung.

Im Netz

 Commons: Kaufbeiren – Sammlung vo Buidl, Videos und Audiodateien

• Hoamseitn vo Kaufbeiren
• Tourismus vo Kaufbeiren
• Kaufbeiren: Woppmgschicht vom Haus der Bayerischen Geschichte

→ Dea Artikl basiad auf ara frein Ibasetzung vom säim Artike in da Wikipedia af deitsch.