Puigram

Puigram (deitsch: Pulgram, tschechisch Bulhary) is a Gmoah im Beziak Lundnburg in Südmährn (Jihomoravský kraj), Bezirk Lundnburg in da Tschechei. Sé liegd åcht Külometa östlich vau Nikoisburg (Mikulov). Da Uat is ois a Stråßnaungadorf auglegd.

Puigram
Puigram (Tschechien)
Basisdatn
Staat:	Tschechien
Region (Kraj):	Südmährn
Flächn:	1516 ha
Geographische Log:	48° 50′ N, 16° 45′ O48.83146666666716.748738888889
Eihwohna:	746 (1. Jänner 2021)
Kfz-Dafal:	B
Vakea
Stross:	Millowitz – Eisgruab
Strukdua
Stadus:	Gmoah
Oatstei:	1
Vawoidung
Buagamoasta:	Jiří Osička (Stand: 2018)
Adress:	Bulhary 88 691 88 Bulhary
Hoamseitn:	www.bulhary.cz

Geographie

Luftaufnahme, Puigram

As Dorf bfindt sé rechts vau da Thaya und reichd im Westn andn Millowitza Hügl (Milovická pahorkatina), an Ausleifa vau Pollauer Bérg, midn Hécknwoid (373 m) drau.

Nachboaruate

Millowitz	Prittlach Neimühl	Rakwitz
Klentnitz Pardorf		Kostl
Muschel Nikoisburg	Bischofswoarth Voitelsbrunn	Neidek Eisgruab

Gschicht

Dé Anlåg vaum Uat sowia dé bis 1945 gspråchne Ui-Mundoart (boarisch-östareichisch) mid ihre speziön Boarischn Kennwörta weisn auf a Bsiedlung duach bayrische Stämm hí, wias, um 1050, owa voa oim im 12/13. Joarhundat basiad is. Sé haum Åckagrät aus Eisn midbråcht und haum de Laundwirtschaft im Uat modernisiert.

1244 woar dé easte urkundliche Erwähnung, ois mid Neidek und Eisgruab vaum Kénig Wenzl an Sifrit den Waisen glicha werd. 1310 hod mas an Heinrich II. vau Liechtnsta vakaufd, 1414 san im Grundbiacha grod deitsche Eiwohna drin. Seit 1545 san im Uat radikal-reformatorische Teifa (Hutterer) nåchweisboar. Dé Kirchn is lutherisch gweiht. 1574 hod da Adam vau Dietrichsta as Dorf kaufd und da Uat is wieda katholisch woan. 1585 bis 1785 is Puigram da Pfoarre Voitelsbrunn zugwiesn woan. Im Dreißgjährign Kriag is da Uat 1619 vau dé Ständischen niedabrennt woan. Im Joar 1622 san de Teifa aus Südmähren ausgwiesn woan, und san weida nåch Simbüang zong. In de Grudnbiacha vau 1414, 1560 und 1629 findn sé vaschiedne Schreibweisn fia Puigram, wie „Bylgrem“, „Pulgrvm“ und „Pullgram“.

1672 is a einklassige Schui baud owan, midn Neubau 1882 is dreiklassig und ab 1908 vierklassig woan. Zwa groß Bränd in dé Joare 1828 und 1833 Häf und Heisa vanicht. In dea Zeit is da herrschåftliche Meierhof aufglöst und s´Laund an Bauern vapåcht woan. 1886 is a neiche Thayabruckn baut woan, um de oide Hoizbruckn zum ersetzn. De Freiwüllige Feierwehr is im Joar 1888 gründt woan. 1911/12 is a Turnraum baud woan. Dé Bvökarung hod zum Großteil vau da Forst-, Viech- und Laundwirtschåft glebt, wobei da Weinbau a bsudnane Roin gspüd hod. Dé Reblausplåg um 1900 hod vü Weinstéck vanicht und da Anbau is bis 1945 oiwei weniga woan. Im Uat söwa hods newa Klahaundwerk, drei Ziegleien, eine Müchsåmmestöh, a Raiffeisenkassa und a Lågahaus gehm. Große Teile vaum Grundbsitz woan bis in dé Zwischnkriagszeit im Eigentum vau da Famülie Dietrichsta. Um dé Joarhundatwénd san aufm Uatsgebiet a poa Urnengräber aus da Hallstattzeit gfundn woan.

Matriken wean seit 1678 gfiahd. Onlinesuche üwas Laundesarchiv Brünn. Grundbiach wean set 1781 gfiahd.

Ana vau de Nachfoigestootn Östareich-Ungarn nåchm Eastn Wödkriag, 1914–1918, woar dße Easde Tschechoslowakische Republik. Puigram woarTeil davau. 1925 woar dé Schui wieda dreiklassig, wei a necihe zwaklassige Voiksschui fia dé tschechischn Kinda baud woan is. Dé Elektrifizierung is åb 1929 basiad. Infoige vaum Münchner Abkommens woar Puigram am 1. Oktober 1938 ein Teil des deitschn Reichsgaus Niederdonau (heite und vor 1938 Niedaöstareich)

Nåchm Zwatn Wödkriag, in dem 83 Puigramer gfoin san, is dé Gmoah wieda vau Östareich åbtrennt am 8. Mai 1945 wieda zur Tschechoslowakei z´ruckkumma. Da Uat is vau militante Tschechn bsetzt woan. Aufm Kriagadenkmoi vaum Eastn Wödkriag san dé Büda da Gfållenen entfernt und s´Kreis aufm Spitz is durch an rodn Stern ersetzt woan. Bis auf 40 san olle Uatsbewohna glücht voa dé eigsetztn Nåchkriågsexzéss oda san am 30. Mai 1945 üwa dé Grénz nåch Östareich vartriem woan, wo vier Männer und a Frau gstoam san.

Wappen und Siegel

As öteste bekaunnte Siegel vaum Uat kummd ausm 16. Joarhundat. Es zagd a Umschrift, wo in da Mittn a Renaissanceschüd is. Aufm Schüd is a bladdlde Weintraum zwischn an Pflugeisen und an Rebméssa üwa an Fisch obbüdt. Nåch dé Kriage im 17. Joarhundat is des Siegel vagessn woan.

Åbm Joar 1764 hod ma a neichs Siegel vawendt. Es zagd dé Großbuachstom 'BV', unta dem se a ane vau fünf Lilien umgems Hoibrundschüd mid zwa kreuzten Fischen bfindt. Im Lauf vau dé Joarhundate hod sé des Siegel öfta gändat, wobei des Hoibrundschüd mid dé zwa kreiztn Fisch blim is. Während da Zwischnkriagszeit woar die Umschrift vaum Siegel zwaspråchig.

Bvökarungsentwicklung

Voikszählung	Heisa	Eiwohna insgsåmt	Volkszugehörigkeit der Eiwohna
Joar			(Oid-)Östareicha	Tschechn	aundere
1793	101	529
1836	127	728
1869	148	906
1880	164	1.044	1.016	7	19
1890	189	1.008	947	49	12
1900	208	1.097	979	108	10
1910	233	1.109	1.049	50	10
1921	247	1.124	979	117	28
1930	288	1.144	940	183	21
1939		997
Quön: 1793, 1836, 1850 aus: Südmähren von A–Z, Frodl, Blaschka
Sonstige: Historický místopis Moravy a Slezska v letech 1848–1960, sv.9. 1984

Sehenswürdigkeiten

• Kirchn St. Aegidius baud 1580, augrissn 1781 und neich aufbaud im Joar 1783. Haupt- und Seitenaltar vau Martin Schmidt (Kremser Schmidt).
• Friedhof außahoib vaum Uat
• Pfoarrhof (1785)
• Statue Hl. Johannes da Teifa
• Schui (1672)

Sagen aus dem Ort

• Der verwunschene Jaga

Persönlichkeiten

• Alfred Vogel (* 1926). In Eisgruab geboan. Aufgwåchsn in Puigram. Pädagoge. Heimåtforscher. Träger vaum Bundesvadienstkreiz und Josef-Freising-Preises.

Quellen

• Wilhelm Szegeda: Heimatkundliches Lesebuch des Schulbezirks Nikolsburg. 1935, approbierter Lehrbehelf, Lehrerverein Pohrlitz Verlag, Puigram S. 55f.
• Gerald Frodl, Walfried Blaschka: Kreis Nikolsburg von A–Z. Eiwohnazahl, Fluren, Anbau, Denkmäler, Einrichtungen, Handel und Wandel, … Südmahrischer Landschaftsrat, Geislingen an der Steige 2006.

Literatur

• Loserth Johann: Der Communismus der mährischen Wiedertäufer im 16. und 17. Joarhundat. Beiträge zu ihrer Geschichte, Lehre und Verfassung. Carl Gerold's Sohn, (1894)
• František Hrubý: Die Wiedertäufer in Mähren Leipzig (1935)
• Franz Josef Schwoy: Topographie vom Markgrafthum Mähren. 1793, Puigram S. 314.
• Johann Zabel: Kirchlicher Handweiser fia Südmähren. 1941, Generalvikariat Nikolsburg. Puigram S. 37.
• Ilse Tielsch-Felzmann: Südmährische Sagen. 1969, München, Verlag Heimatwerk
• Wenzel Max: Thayaland, Volkslieder und Tänze aus Südmähren. 1984, Geislingen/Steige
• Felix Bornemann: Kunst und Kunsthandwerk in Südmähren. 1990, Puigram S. 32.
• Alfred Vogel: In Puigram daheim. 1991, Selbstverlag, gefördert von der Niederösterreichischen Landesregierung
• Felix Ermacora: Die sudetendeutschen Fragen. Rechtsgutachten. Langen Müller Verlag, 1992, ISBN 3-7844-2412-0.

Weblinks

 Commons: Bulhary (Břeclav District) – Sammlung vo Buidl, Videos und Audiodateien