Simmaring

Der Artikl is im Dialekt Weanarisch gschriem worn.

Simmaring XI. Weana Gmeindebeziak (Hieb) Simmering
Woppn	Koartn
Naum:	Simmaring
Flächn:	23,27 km²
Eihwohna:	97.333 (1. Jän. 2016)
Bevökarungsdichtn:	4183 Einwohner je km²
Postleitzoih:	1110
Adresse vom Bezirksaumt:	Enkplatz 2 1110 Wien
Offiziölle Websitn:	www.wien.gv.at/bezirke/simmering
Politik
Bezirksvursteha:	Paul Stadler (FPÖ)
Bezirksvertretung (60 Bezirksräte) (2015)	FPÖ 26, SPÖ 25, Greane 3, ÖVP 3, NEOS 2, GFW 1

Simmaring (aumtlich: Simmering) is da XI. Gemeindebeziak (Hieb) vo Wean, da Hauptstod vu Östareich. Ea is 1892 aus de söbständign Gemeindn Simmaring und Kaisaebersdorf büd wuan, 1955 is dann no de Gmeinde Oiban dazua kumma. Simmaring grenzt an de Beziak Leopoidstod (Wean II), Laundstroßn (Wean III) und Favoritn (Wean X).

Eadkunde

Bezirksteule vo Simmaring

Da Beziak liegt aussahoib vom Giatl, dea wos an da Stö vom ehemolign Linawoi aug'legt is.

Simmaring liegt im Südosten vo Wean und is mit ana Flächn vo 23,27 km² da ochtgreßte Weana Gmeindebeziak. Des san 5,6 % vo da Flächn vo Wean.

Bezirksteu

Simmaring is 1892 aus de drei ehemois söständigen Gemeindn Simmaring, Kaisaebersdorf und Oiban büdt woan, de wos no heit ois Weana Katastralgmeindn weidabestehn.

Da Beziaksteu Simmering umfosst große Teul vo de Wohn- und Betriebsbauflächn vom Beziak, unta aundan des Weana Gaswerk und es Weana Elektrizitätswerk. Südwestlich vom Beziaksteu Simmaring liegt Kaisaebasdorf, zu dem aa s Schloss Neugebäude und da Zentreufriedhof ghean. Oiban grenzt im Südosten aun an Donaukaneu. Zu dem Bezirksteu ghead da oide Ortskean, Nei-Oiban und da Oibana Hofn.

Sehnswiadigkeitn

A Kiachn in Simmaring

Gasometa in Simmaring

Do is amoi da Zenträufriedhof, wo zum Beispü de östareichischn Bundespresidentn begrom wern. Und daun gibz no de Gasometa, a so a Oat Shopping-City in de oitn Gasbehöta. Und es gibt no an bsundan Friedhof, nämli in Friedhof vu de Naumenlosn. Dort wern Leit begrom, wo ma kaan Namen waaas und nix. Oft san des in da Donau dasoffane, was dort augschwappt hat.

Literatua

• Christine Klusacek, Kurt Stimmer: Simmering. Von der Had zum Monte Laa. Mohl, Wean 1997, ISBN 3-900272-55-7.
• Petra Leban: Simmering: Wiens 11. Bezirk. Sutton, Erfurt 2001. ISBN 3-89702-395-4.

Im Netz

 Commons: Simmaring – Sammlung vo Buidl, Videos und Audiodateien

• Aitrog iwer Simmaring im Estareich-Lexikon vo aeiou
• Simmering auf wien.at
• Simmering im Weblexikon vo da Weana Sozialdemokratie
• Simmering Online

48.17333333333316.441666666667