Landkroas Bad Däiz-Woifradshausn

Der Artikl is im Dialekt Obaboarisch gschriem worn.

Wappen	Karte
Basisdatn
Bundesland:	Bayern
Bezirk:	Obabayern
Verwoidungssitz:	Däiz
Flächn:	1.110,69 km²
Einwohna:	124.930 (31. Dezemba 2015)
Bevöikerungsdichtn:	112 Eihwohna bro km²
Kfz-Kennzoacha:	TÖL, WOR
Kreisschlüssel:	09 1 73
Kreisgliedarung:	21 Gmoana
Adress vo da Kreisverwaltung:	Prof.-Max-Lange-Platz 1 83646 Bad Tölz
Offizielle Webseidn:	www.lra-toelz.de
Politig
Landrat:	Josef Niedermaier (FW)
Koatn

Da Landkroas Bad Däiz-Woifradshausn (amtli: Landkreis Bad Tölz-Wolfratshausen) liegt im Sidn vo Obabayern. D'Nochboan han im Noadn da Landkroas Minga, im Ostn da Landkroas Miaschboch und im Westn de Landkroas Gamisch-Patnkiacha, Weilheim-Schogau und Starnbeag. Im Sidn grenzt as Tiroi an den Landkroas.

Geografischs

Da Landkroas gheat zur Region Obaland und werd duch de Flusstäia vo da Isar und da Loisach sowia vo vui Seen prägt. Er umfosst sowoi alpins ois a voralpins "Gelände". Da Schafreider im Karwendel is mit seine 2100 m da hechste Berg im Landkroas.

Woppn

D' Offizieje Bschreibung vom 24. Feba 1974: Des Woppn vabindt des Woppn vom friahan Landkroas ad Däiz midm Wolfratshausena Lewn.

Historischs

As Gebiet vom heitign Landkroas Däiz-Woifradshausn gheart zum historischn Bestondtoi vo Baiern. 1803 san im heitign Kroasgebiet de Landgerichtsbeziake Däiz und Woifradshausn buidt worn. Se hom ob 1808 zum Isarkroas (Hauptstod Minga), vo 1838 weg zu Obabayern gheat.

1862 is aus'm Landgerichtsbeziak Däiz as gleichnomige Beziaksomt earicht worn. Da Landgerichtsbeziak Woifradshausn is znächst am Beziaksomt Minga rechts da Isar, ob 1879/1880 am Beziaksomt Minga II zuateit worn. Letztas is 1902 aufglest worn. Donoch is as Beziaksomt Woifradshausn entstondn. De zwoa Bziaksämta Däiz und Woifradshausn han ob 1939 ois Landkroas bzeichnt worn. Bei da Gebietsreform in Bayern 1972 is da Landkroas Däiz und da greßte Tei vo am Landkroas Woifradshausn zum neien Landkroas Däiz vaeinigt worn. A bor Gmoana vo am Landkroas Woifradshausn han on de Landkroas Minga, Starnbeag und Miaschboch ogliadad worn. Om 1. Mai 1973 hod da neie Landkroas Däiz sei heitige Bezeichnung Landkroas Bad Däiz-Woifradshausn griagt.

Städt und Gmoana

Städt Däiz (18.475) Geretsriad (24.392) Woifradshausn (18.237) Vawoitungsgmoaschoftn Benediktbeirn (Beirn) (Gmoana Beirn und Biche) Koche am See (Gmoana Koche a.See und Schlehdorf) Reischbeirn (Gmoana Greiling, Reischbeirn und Sachsnkam) Gmoafreie Gebiete (7,99 km², in oi zwoa wohnt koana) Pupplinger Au (3,72 km²) Woifratshausna Forst (4,27 km²)

Gmoana Heilbrunn (3822) Benediktbeiern (3620) Biche (2187) Dietramszäi (5442) Egling (5456) Eiraschburg (4316) Goaßa (3131) Greiling (1457) Icking (3780) d'Jachna (848) Koche am Sää (4053) Kinschdarf (3029) Lenggrias (10.030) Minsing (4254) Reischbeirn (2317) Sachsnkam (1338) Schlehdorf (1223) Wackerschberg (3523)

(Eihwohnazoin vom 31. Dezember 2015)

Wirtschafd

De Eihkummasteiakroft pro Eihwohna hod im Jor 2004 a Häch vo 329 Euro ghobt (Bundesdurchschnitt 216 Euro). De Kafkroft je Eihwohna im Jor 2005 is 9761 Euro (Bundesdurchschnitt 8523) gwen.

Im Netz

• No mea Infos zum Landkroas Bad Däiz-Woifradshausn