Gspusi

A Gspusi, aa Gschpusi oda Techtelmechtel (aus'm Jiddischn), is a mea oda weniga hoamliche Liabschoft bzw. a Vahejtnis. So ana Beziahung wead koa oi z grosse Eansthoftigkeit untastejt. Deshoib weads aa mangmoi ois Fickbeziahung, Affair oda Pantscherl bezeichnet.

Gspusi is oba aa de Bezeichnung fia de Partna vo am Gspusivahejtnis. Im Untaschiad zan Tschamsdara, des imma an Mo moant, ko a Gspusi a Liabhoba oda a Liabhobarin sein.

Heakumpft

Ibas Italienisch "sposa, sposo" (Braut, Braitigam) aus'm Lateinischn "sponsa, sponsus".

Aa Gspons gibt's, zmindest z Minga, wia des scheene - und saenazaet wegn de dazuadichdn Strophen iwa's angestammte Herrscherhaus vabotne - Liadl, vom Umganggeh zoagt: „Und dann kimmt da Prinz Alfons, Prinz Alfons, Prinz Alfons, kimmt mit sein Theatergspons, in Haedhausn wohnt's.“

Schau aa

Jiddisch im Boarischn (fia "Techtelmechtel")

Beleg

Ludwig Zehetner: Bairisches Deutsch, Heinrich Hugendubel Verlag/edition vulpes, Kreuzlingen/München/Regensburg, 2005, ISBN 3980702871
Open Thesaurus Fickbeziehung

Bayrisch-Östareichische Typologie


Sympathla	Grantla • Fescha Kampe • Fesche Gredl • Ratschkathl
Randfiguan	Greezn • Pülcher • Sandler • Hamperer • Fetzndandla
Gifta + Pedantn	Giftnudl • Bissguan • Suderer • Wadlbeissa • Fedafuxa • Dipfalscheißa
Sex + Spezln	Gspusi • Tschamsdara • Puderant • Ohabiga • Schixn • Hawara • Spezl • Oida
Wichtigdua	Gschaftlhuawa • Adabei • Gscheidal • Bixlmadam
Wuascht	Dorftrottel • Stodrottel • Hintawaidla • Hintadupfinga • Seichal • Hoibschariga • Gniabisla • Simandl